Afisus 4:31 - Hdi

³¹ Hliŋwa dgun ma ŋuɗufa ghuni, zlaŋwa ɓasa ŋuɗuf, zlaŋwa sidi, ma zlərɗ kuni ta wi nda mndu, ma raz kuni ta mndu, yaha kuni da maga dər mndəra wati ma ghwaɗaka skwi.

Afisus 4:31 ပူးပေါင်းရင်းမြစ်များ

Zlrafta 27:41

Ka husaŋtá Yakubu ta Ghesav ta ghəŋa tsa vəl klaghuta ni ta tfa wi da da taŋ ya. Ka Ghesav ma ghəŋa ni mantsa: « Taghwaŋ a fitika mtakwa da ɗa wa. Tahula tsa, dzaʼa dza dza yu ta zwaŋama ɗa Yakubu, » kaʼa.

Zlrafta 37:21

Ka snaŋtá Rubeŋ ta tsa gwaɗa ya, ka kum tsi ta katapta ma dzva taŋ. Kaʼa mantsa: « Ma dza mu nda dza, » kaʼa.

Zlrafta 37:4

Kəʼa ka zwana ma ni ná, ɗvu ɗva da taŋ ka malaghutá inda zwana ma ni, ka husaŋtá tsi ta həŋ, laviŋ a həŋ ta gwaɗa nda tsi nda zɗaku wa.

Zlrafta 4:8

Mbaɗa Kayinu ka sliʼafta ka hgaftá zwaŋama ni Abel. « Mbaɗa da wawakwa u ma mtak » kaʼa nda tsi. Laba taŋ da mtak ná, ka valaftá tsi tida, ka dzata.

2Sam 13:22

Gwaɗgla a Avsalum ta gwaɗa nda Amnuŋ dər ma zɗaku dər ma ŋaslu wu, ama ta husaŋ husa ma ŋuɗufa ni, kabga badziŋta ni ta makuma ni Tamar.

2Sam 19:27

Kaʼa mantsa: « Ar mgham, rvera ɗa, kwalva ɗa Tsiva ta nanifta, kabga si ka iʼi kwalva gha na: “Ka payaf paya yu ta kəɗiha ɗa, ka lafa yu tida, ka dzaʼa yu kawadaga nda mgham,” ka yu sizlay, kabga nda rwa səlaha kwalva ɗa.

2Sam 19:43

Ka inda la Yuda zlghanaftá wi ta la Israʼila mantsa: « Kabga kutumkuha mgham ŋne! Kabgawu ta kəl kuni ka ɓasa ŋuɗufa ni na? Mamu skwi zu ŋni da mgham ra? Ari mamu a skwi mbəha tsi ta aŋni nda tsi na? » ka həŋ.

Slna gwal ghunay 21:30

Kɗukuts sliʼavaf sliʼa vli ma luwa, ka gazladaghatá mnduha ma inda vli. Ka ksaftá həŋ ta Pwal ma həga Lazglafta, ka ksigiŋta dzibil, ka gi hahuŋtá tghaha.

La Ruma 3:14

Dagala ksiʼi nda ŋaslu ma wa taŋ.

1Kwa 14:20

Zwana ma ɗa, ma nza ndana ghuni manda ŋa zwani. Ka təv ghwaɗaka skwi tsi katsi, manda zwani kwitikw kwitikw ka kuni nzata, ama ndana mndərha ka kuni ndanay.

1Kwa 5:8

Ma zə mu ta tsa skala *Pak nda buradi nda is ŋa ghalya mida ya. Tsa is ya ná, maga ghwaɗaka skwi ya. Zama za nda buradi kul haɗ is mida ta nzakway ka vərɗa ni dzeʼdzeʼ ya. Nda ŋuɗuf ya nda ghuɓa, tɗukwa.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Afisus 4:22

Skwi taghaghunaf lu ná, zlaŋta ghuni ta tsa tva nzaku si ta nzaku kuni ghalya ya. Tsa tva nzaku si ta nzaku kuni ghalya ya si ta ɓadza kaghuni, kabga si ta haraʼuway kuni ta inda ghwaɗaka skwi ta nana kaghuni.

Afisus 4:25

Mantsa tama, yaha kuni tsakalgəltawi, mnuvuswa kahwathwata mataba ghuni, kabga nda guya mu demdem ma sluʼuvgha turtuk.

Afisus 4:26

Ka gaf ga kuni ta sidi, ɗasuwa ká kuni da magata kuni ta ghwaɗaka skwi. Ma dəɗaghunagha fitik nda ɓasatá ŋuɗuf,

Kwalus 3:19

Zgwana, ɗvuwa ɗva ta miʼa ghuni. Ma ŋruhə kuni ta həŋ.

Kwalus 3:8

Ndanana tama, zlaŋwa zla ta inda tsaha ya: Daga dugun, ɓasa ŋuɗuf, sidi, yaha razu nda ŋruhu tani sabi ma wa ghuni.

1Tim 3:11

Mantsa ya miʼaha ta ksa slna ma səla mnduha guli. Ɗina ka nzakwa taŋ. Haɗ wu ka həŋ ta kuslemberaku, zlahafzlaha ka həŋ ta ghəŋa taŋ, ka ŋərma ni ka həŋ nzakway ma inda skwi.

1Tim 3:3

ma nza tsi ka mndu ta sa ima inabi, ma nza tsi ka mndu ta sidi, ama leɓtekw ka nzakwa ni. Ma nza tsi ka mndu ta ghazeŋzeŋ, ma nza tsi ka mndu ɗvutá ta tsedi.

1Tim 5:13

Ta ghəŋa tsa guli, haɗ sana skwi ta mag tsi ta ghəŋa sliʼa ni da ra wa tgha həga ga mndu wa. Dzaʼa ra wa tgha həga ga mndu yeya a guli wu, dagala va yawa taŋ. Gwaɗa kul nghanatá həŋ ná, tsaghuzlaram ka həŋ dida.

2Tim 2:23

Ma fam kagha ta wa gha da zlərɗutawiha ka bətbət, kul haɗ ghəzliwa ni, kabga ta sab sa zlərɗa wi mida.

2Tim 3:3

Dzaʼa nzakway həŋ ka gwal təŋ təŋa ghəŋa taŋ, ka gwal kul haɗ ta tawa hiɗahiɗa ta mndu, ka gwal ta tsanavatá gwaɗa ta mndu, ka gwal kul zlahavata, ka gwal ta sidi, ka gwal ka ghuma skwi ɗina.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Titus 2:3

Mantsa ka ka da mnanatá la galata miʼaha guli, ŋa magay taŋ ta ŋərma skwi manda ya ta zɗəganatá Lazglafta. Yaha həŋ da tsa mndəra mndu, yaha həŋ da ghuyaku, ka tagha həŋ ta skwi ɗina ɗina ŋa sanlaha.

Yakubu 1:19

Zwana ma ɗa gwal ya ɗvu yu, wya skwi ŋa snaŋta ghuni: Ɗina nzakwa inda mndu ka mndu ta gi slru gwaɗa da sləməŋa ni. Ka mndu kul haɗ gwaɗa ta nzuŋta ta wi a wu, ka mndu ta gi ɓasa ŋuɗuf a wu,

Yakubu 3:14

Ama ka ndughundughwa ŋuɗufa ghuni nda draku, nda ya nda ɗva ghəŋ katsi, ma ghərɓə kuni ta ghərɓaku ka bətbət, ma tsakalana kuni ta wi ta kahwathwata.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

1 Piyer 2:1

Hliŋwa hla ta inda ghwaɗaka skwiha ma ŋuɗufa ghuni, ma kuslember kuni ta kuslemberaku, ma pghə kuni ta wirak his ma vu, ma haraʼu kuni ta haraʼuwaku, ma tsanava kuni ta skwi ta mndu guli.

1 Yuhwana 3:12

Yaha amu da nzakway manda Kayinu. Tsatsi ná, nda nza ka zwaŋa halaway, ka dzatá tsi ta zwaŋama ni. Kabgawu kəl tsi ka dzata na? Kabga ghwaɗaka skwi ŋa Kayinu ta magay, tɗukwa skwi ŋa tsa zwaŋama ni ya ta magay, kəl tsi ka valafta tida ka dzata.

1 Yuhwana 3:15

Mndu husaŋ zwaŋama ni ná, mnda dzatá mndu tsa mndu ya. Nda sna kaghuni guli kazlay: Mndu ta dzatá mndu ná, ta mutsa a hafa ni ŋa kɗekedzeŋ wu kəʼa.

Suna Yuhwana 12:10

Ka snaŋtá yu ta sana lwi ta luwa ta gwaɗata nda mbraku, kaʼa mantsa: « Ndana tama, mbamaf mba Lazglafta, maraŋ mara ta mbrakwa ni. Tsatsi ta ga Mgham. Maraŋ mara Kristi ta ŋa ni ma mbraku guli, kabga sliŋwigiŋtani ta haɗik ta mndu ya ta gɗata ta nana zwana ma mu. Tsatsi ya ta gɗata ta wula zwana ma mu ta kəma Lazglafta mu nda fitik tani nda rviɗik tani.