Afisus 4:30 - Hdi

³⁰ Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

Afisus 4:30 ပူးပေါင်းရင်းမြစ်များ

Zlrafta 6:3

Ka Yawe mantsa: « Haɗ hafa ɗa dzaʼa gɗavata ŋa ɗekɗek ma mndu wu, kabga dzaʼa rwaku həŋ. Nzəglata a həŋ ka malaghuta imi dərmək nda hisambsak wu, » kaʼa.

Zlrafta 6:6

Ta haga madər Yawe nda magaf ni ta mndu ta ghəŋa haɗik. Nda gurɗa ŋuɗufa ni.

Markus 3:5

Ka kuzlanaftá tsi ta Yesu ta ŋuɗuf manda waftani ta həŋ, kabga tsa təŋata ghəŋa taŋ ya. Huf safi ta ŋuɗufa Yesu, « tɗap tɗa ta dzva gha gra, » kaʼa nda tsa mndu nda mta dzva ni ya. Ka tɗapta tsi ta dzva ni, gi kundliŋ mbatani tsa.

Lukwa 21:28

Ka zlraf zlra tsa skwiha ya ta magaku katsi, ka payavata kuni, ka kapaŋta kuni ta ghəŋ ya ndusakwa fitika mbakwa ghuni tsa, » kaʼa.

Yuhwana 3:33

Mndu ta tsuʼaftá gwaɗa ni ná, graf gra tsa mndu ya ta Lazglafta kazlay: Kahwathwata ya kəʼa.

Slna gwal ghunay 7:51

Ka Atiyen guli mantsa: « Kaghuni ná, təŋ təŋa ghəŋa ghuni. Ta hgə Lazglafta ta kaghuni ná, duduzla ka kuni nzata, va a kuni ta sna gwaɗa da Sulkum nda ghuɓa manda va tsa nzakwa dzidzíha ghuni ya wa.

La Ruma 8:11

Ka si ta nzaku Sulkuma tsa mndu ta sliʼaganaptá Yesu ma mtaku ya ma kaghuni katsi, va tsa mndu ta sliʼaganaptá Kristi ma mtaku ya, dzaʼa vranamtá hafu ma tsa sluʼuvgha ghuni ta mtuta nda ma tsa Sulkuma ni ta nzaku ma kaghuni ya.

La Ruma 8:23

Hahəŋ nda ghəŋa taŋ yeya a wu, nda amu tiŋlaghu Lazglafta ta vlamatá Sulkuma ni ya tani, ta ɓasay ɓasay amu guli ma vgha mu, ka kəzla fitika vərɗa nzakwa mu ka zwana Lazglafta, ŋa nzata mu nda vərɗaka flauʼwata vgha mu.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

1Kwa 15:54

Tahula mbəɗapta lu ta na vgha ta rwaku na nda ya kul rwavata, mbəɗapha lu ta na ta mtaku na nda ya kul mtavata ya, tsaya dzatá ghəŋa skwi nda vinda ma gwaɗa Lazglafta ta mnay kazlay: Ndunda lu ta mtaku, za za lu ta ghwa tida kəʼa ya.

1Tes 5:19

Ma suʼufiŋ kuni ta Sulkum nda ghuɓa,

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Hebru 3:10

Tsaya tama kəl yu ka gaftá sidi nda həŋ. Ka yu mantsa: “Ta dzaʼa ta kəma ta kəma həŋ nda ghwaɗaka ndanu, sna a həŋ ta skwi ta kum yu da həŋ wa.”

Hebru 3:17

Ta ghəŋa i wa ta ga Lazglafta ta sidi ma tsa vaku fwaɗ mbsak ya guli na? Ta ghəŋa tsa gwal ta gatá dmaku ka rwutá həŋ ma mtak ya a ra?

Gwal tsa guma 10:16

Ka hlíŋtá həŋ ta tsa sanlaha ma lazglaftaha mataba taŋ ya, ka tsəlɓu həŋ ta tsəlɓu ŋa Yawe. Ka suʼuftá ŋuɗufa ni ta ghəŋa tsa ghuya ɗaŋwa ta ghuy la Israʼila ya.