Afisus 4:15 - Hdi

¹⁵ Nzata a mantsa ya wu, kahwathwata skwi ta nghanatá Lazglafta dzaʼa mnuvusta mu ma ɗvuvusta mu ta vgha mu, ŋa glakwa mu ma inda skwi ma ndiʼatá amu nda Kristi ta nzakway ka ghəŋ ta ghəŋa gwal zlghay nda ŋuɗuf ya.

Afisus 4:15 ပူးပေါင်းရင်းမြစ်များ

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

1Kwa 11:3

Ndana tama, ta kumay yu ta snaŋta ghuni kazlay: Ghəŋ ta ghəŋa inda zgun ná, *Kristi ya. Ghəŋ ta ghəŋa inda marakw ná, zgun ya. Ghəŋ ta ghəŋa Kristi guli ná, Lazglafta ya kəʼa.

2Kwa 4:2

Haɗ ta ŋana vgha nda ghwaɗaka skwiha ta mag lu ma ɗifa ma ɗifa, ta pgha hula ŋa mndu wa. Nana a aŋni ta mndu wu, haɗ aŋni ta mbaɗanaftá gwaɗa Lazglafta wa. Katək ná, kahwathwata ni ŋa aŋni ta mnigiŋta baŋluwa. Mantsa ya dzaʼa kəl inda mndu ka ɗasla kahwathwata ŋni ma ŋuɗufa ni ta kəma Lazglafta.

2Kwa 8:8

Mbla kaghuni a ta mbli yu wu, snaghunamta snaghunam yu ya ka sanlaha ta ŋavata ka vlay. Ma tsaya guli dzaʼa kəl kaghuni ka maraŋta kazlay: Ɗvu ɗva kaghuni kahwathwata guli ta kataŋtá sanlaha kəʼa.

Afisus 1:22

Ka vlaŋtá Lazglafta ta ga mgham ta ghəŋa inda skwi. Ma tsa nzakwa ni ka mali ta ghəŋa inda skwiha ya, ka fata tsi guli ŋa nzaku ka ghəŋ ta ghəŋa Igliz.

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Afisus 2:21

Əŋkaʼ a ka tsatsi kəl tsa həga ya ka sladata, ka ŋlaku, ka nuta ka həga nda ghuɓa ka ŋa Lazglafta ya.

Afisus 4:25

Mantsa tama, yaha kuni tsakalgəltawi, mnuvuswa kahwathwata mataba ghuni, kabga nda guya mu demdem ma sluʼuvgha turtuk.

Afisus 5:23

Zəʼal ná, ghəŋa markwa taŋ ya, manda nzakwa Kristi ka ghəŋ ta ghəŋa *Igliz ya. Kristi ta mba tsa gwal zlghay nda ŋuɗuf ta nzakway ka sluʼuvgha ni ya guli.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 2:2

Manda zwaŋa vziʼuwa ta mama uʼa da ma ni ya, mantsa ya ka kaghuni guli mama vərɗa gwaɗa Lazglafta ŋa glay ghuni ta glaku nda tsi, ŋa mutsay ghuni ta mbaku ŋa ɗekɗek.

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!

1 Yuhwana 3:18

Zwana ɗa, gwaɗay ma wi kweŋkweŋ a ɗva zwaŋama wa. Ɗvama ɗva kahwathwata ma ŋuɗufa mu, ka maga mu ta skwi manda tsaya.

Gwal tsa guma 16:15

Ka Dəlila nda tsi mantsa: « Waká kagha ta mnay kazlay na: “Ɗvu ɗva yu ta kagha,” kəʼa, ta lam a yu da hya hya ŋuɗufa gha wu na. Wya mahkəna ghuɓasapta gha ta iʼi tsa, ta mnəɗiŋ a ka ka ga ta sagha na mbrakwa gha ta fərtuta na wu, » kaʼa.