Afisus 3:20 - Hdi

²⁰ Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Afisus 3:20 ပူးပေါင်းရင်းမြစ်များ

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 18:4

Ka təgaghunapta lu ta imi rauʼ, ŋa mbaziŋtá səlaha ghuni, mbiʼapha kuni ta vgha mista fu.

2Sam 7:19

Tsaw ta nda hta na maga ka na ta wa ira gha rki ní, a mghama ɗa Yawe, ta wana ka ta mna gwaɗa ta la ga kwalva gha guli, ya kəʼa dzaʼa nzakway dazlay. Manda tsaya ta maga kagha nda mnda səla a mghama ɗa Yawe!

1Mgh 3:13

Dzaʼa vlagha vla yu ta skwi kul ɗawaŋtá ka: Ta vlagha vla yu ta gadghəl, nda glaku ta fərtuta katakata ŋa kwal kul slanaghatá mgham ta gara vgha nda kagha ma nzakwa gha nda hafu.

2Rus 25:9

Ka Amatsiya nda tsa mnda Lazglafta ya mantsa: « Nu ká yu dzaʼa magay nda na kiluʼa tsedi dəmbuʼ hkən nda fwaɗ dərmək (3.400) ghada yu ta vlaŋtá bakwa vula la Israʼila na? » kaʼa. Ka tsa mnda Lazglafta ya mantsa: « Laviŋ lava Yawe ta vlaghatá ka malaghutá tsaya, » kaʼa.

2Rus 9:12

Ka vlaŋtá mgham Salumuŋ ta tsa marakw ka mgham ma Seva ya ta inda skwi kumaŋ tsi, ɗawaŋ tsi, ka malaghutá skwiha ya hlanak tsi ta mgham. Tahula tsa, ka vraghatá tsi ka laghwi ta haɗika ni, nda kwalvaha ni.

Sabi 34:6

Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Danyel 6:20

Tahula tsa, ka sliʼaftá mgham bit tgha tsaɗakwər vli, ka laghu tsi misimmisim da vla tsa ghuruma rveriha ya.

Mata 3:9

Ma fa kuni ta ndana ghuni kazlay: Abraham na Da ŋni kəʼa. Ka yu ta mnaghunata na: laviŋ lava Lazglafta ta mbəɗanaftá na palaha na ŋa nzakwa taŋ ka zwana Abraham.

Yuhwana 10:10

Mndu ta ghali ná, ghali ŋa ni ta sagha da ghalay, ŋa dzata, ŋa zaɗanata. Iʼi ná, sagha sa yu ŋa mutsafta mnduha ta hafu ka haslay, ŋa nzakwa taŋ kul haɗ sana skwi ta pɗugudunustá həŋ.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

La Ruma 4:21

Graf gra guli kazlay: Tsa skwi taɗif Lazglafta ta imi ta sləməŋ ya ná, mamu nda mbraku ŋa magata guli kəʼa.

1Kwa 2:9

Tsaw tsa skwi maga Lazglafta ya ná, nda nza manda ya nda vinda ma defteri ta mnay kazlay: Skwi ya ta kul nghaŋtá ira mnduha, nda ya ta kul snaŋtá mnduha nda sləməŋa taŋ, nda ya ta kul ndanaŋtá mnduha ma ghəŋa taŋ ya, skwi payaf Lazglafta ŋa gwal ta ɗvuta kəʼa.

2Kwa 9:8

Mamu Lazglafta nda mbrakwa faghunaghatá gasifa ŋa gɗata ghuni ta mutsa inda skwiha ŋa maga ŋa ghuni ma slna, ŋa pɗakwa ni ŋa maga inda ŋərma slnaha guli nda tsi.

Afisus 1:19

Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Afisus 3:7

Zɗəɗiŋ zɗa Lazglafta ta huɗi ka niɗifta ka Kwalva ni ŋa mna tsa Lfiɗa Gwaɗa ya ŋa mnduha nda ma mbrakwa ni ya vliha tsi.

Kwalus 1:29

Tsaya ta kəl yu ka wuda maga slna nda mbrakwa Kristi, ya ta maga slna nda mbraku ma iʼi ya.

1Tim 1:14

Ka zɗəɗiŋtá Mghama mu ta huɗi katakata, ka vlihatá zlghay nda ŋuɗuf, nda ɗvu ya ta mutsu lu ma guyatá vgha nda Yesu Kristi.

Hebru 11:19

Ka fata Abraham ta ndana ni kazlay: Laviŋ lava Lazglafta ta vraganaptá mndu ma mtaku nda hafu kəʼa. Tsaya tama ná, ka nzaku Izak manda mndu vraganap lu ma mtaku kahwathwata.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

Yakubu 4:12

Lazglafta turtukwa ni ta vlatá zlahu, tsatsi guli ta tsa guma. Tsatsi ta laviŋtá mbanafta, tsatsi guli ta laviŋtá zaɗanata. Ama wa kagha tama, ta tsanaghatá guma ta zwaŋama gha?

2 Piyer 1:11

Mantsa ya, nda fa ghəŋa ghuni ta gunaghunata Lazglafta ta wa tgha lami da ga mgham ŋa kɗekedzeŋ ta nzakway ka ŋa Yesu Kristi Mghama mu, ta mba amu ya guli.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.