Afisus 3:11 - Hdi

¹¹ Nda kɗa fitika fata Lazglafta daga ta kul magaftá tsi ta ghəŋa haɗik. Ndanana ka magatá tsi nda ma Yesu Kristi Mghama mu.

Afisus 3:11 ပူးပေါင်းရင်းမြစ်များ

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:4

Ma kɗaku Lazglafta zlaganaptá ghəŋa haɗik, zabap zaba ta amu ŋa nzaku ka mnduha ni, ka guyamafta nda Yesu, kada nzakwa mu hezleʼ ŋa nzakwa mu kul haɗ ghwaɗaka skwi ta amu.

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Afisus 3:1

Tsaya kəl iʼi Pwal hbam lu ma gamak ka maga duʼa ta ghəŋa kaghuni. Hbam hba lu ta iʼi ta ghəŋa vəl maganata ɗa ta slna ta *Yesu *Kristi ŋa kata kaghuni gwal kul nzakway ka la *Yahuda ya.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.