Afisus 2:8 - Hdi

⁸ Zɗakatahuɗa ni tani kəl Lazglafta ka mbaghunafta nda ma zlghafta ghuni ta Kristi. Mbaghunaf a ta ghəŋa vəl magata ghuni ta skwiha ɗina ɗina wu, ka mbalay mbaghunafta tsi.

Afisus 2:8 ပူးပေါင်းရင်းမြစ်များ

Mata 16:17

Ka Yesu nda tsi tama mantsa: « Simuŋ zwaŋa Zunas, nda tfa wi ta ghəŋa kagha, kabga mnda səla a ta mnaghatá tsa gwaɗa ya wu, Da ɗa ta nzakway ta luwa ya.

Mata 20:9

Ka lagha tsa gwal ta zlraftá ksa slna beeghwa fitik ya. Ka vlaŋtá lu ta tseda vagha mndu turtuk turtuk ta həŋ.

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Lukwa 7:50

« Zlghay nda ŋuɗufa gha ta mbaghafta makwa ɗa, la nda vghata zɗakwa gha, » ka Yesu nda tsa marakw ya.

Yuhwana 3:36

Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:35

Ka Yesu nda həŋ mantsa: « Iʼi buradi ta vla hafu. Ka sagha sa mndu da iʼi, walglaŋta a maya ta kuzlaŋta wa. Ka zlghaf zlgha mndu ta iʼi, walglaŋta a ndala ta kuzlaŋta wa.

Yuhwana 6:37

Inda gwal vliha Da, dzaʼa sagha sa həŋ da iʼi. Haɗ iʼi guli dzaʼa zlaŋtá mndu ya ta sagha da iʼi mabli wa.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

Yuhwana 6:44

haɗ mndu dzaʼa laviŋtá sagha da iʼi, ka ghunagagha a Da ta ghunigihata da iʼi wa. Iʼi, dzaʼa sliʼaganapsliʼa yu ta tsa mndu ya baɗu kɗakwa ghəŋa haɗik.

Yuhwana 6:65

Ka Yesu sganaghata mantsa: « Tsaya kəl yu ka mnay ŋa ghuni kazlay: Haɗ mndu dzaʼa laviŋtá sagha da iʼi, ka ghunak a Da wu kəʼa ya, » kaʼa.

Slna gwal ghunay 13:39

Ama inda mndu ta zlghaftá Yesu ná, flaʼu vgha ni.

Slna gwal ghunay 14:27

Manda ɓhadaghata taŋ, ka tskanatá həŋ ta *Igliz, ka rusu həŋ ŋa taŋ ta inda skwi ya mag Lazglafta nda həŋ, nda ya kəʼa guninistá tva zlghay nda ŋuɗuf ta gwal kul nzakway ka la *Yahuda guli.

Slna gwal ghunay 15:11

Nda ma zɗakatahuɗa Mghama mu Yesu *Kristi fatá ghəŋa amu ta mbaku manda va hahəŋ guli, » kaʼa.

Slna gwal ghunay 16:14

Lidiya hga sana marakw mataba taŋ, makwa luwa Tiyatir ya. Lguta dva ya nda bla nda bla dzva ni ta dzawə tsi. Ta zləŋay ta Lazglafta guli. Ka fatá tsi ta sləməŋ ka sna gwaɗa ŋni. Ka gunanaŋtá Lazglafta ta ŋuɗufa ni, ŋa tsuʼa tsa gwaɗa ta gwaɗ Pwal ya.

Slna gwal ghunay 16:31

Ka Pwal nda Silas mantsa: « Zlghaf zlgha ta Mgham Yesu Kristi, ka mbafta ka, kagha nda la ga ghuni tani, » ka həŋ.

La Ruma 10:14

Ka zlghaf a həŋ wu, kinawu ka həŋ dzaʼa hwayanavata tama, kinawu ka həŋ dzaʼa zlghaftá mndu kul snaŋta həŋ ta gwaɗa ta ghəŋa ni? Kinawu ka həŋ dzaʼa snaŋtá gwaɗa ta ghəŋa ni guli ka haɗ mndu ta mnanaŋtá həŋ?

La Ruma 10:17

Mantsa ya ná, ma snaŋtá gwaɗa ta kəl lu ka nuta ka mnda zlghay nda ŋuɗuf. Tsa gwaɗa snaŋ lu ya guli ná, gwaɗa Kristi ya.

La Ruma 4:16

Tsaya tama ná, ma zlghafta nda ŋuɗuf kəl Lazglafta ka vlatá tsa skwi tanaf tsi ta imi ta sləməŋ ta mndu ya. Ka mbalay vlata tsi guli. Nda nza tsa skwi taf tsi ta imi ta sləməŋ ya ŋa inda zivira Abraham. Nza a ka ŋa gwal ta sna skwi ta kum zlahu kweŋkweŋ wu. Nda nza guli ka ŋa inda gwal ta zlghafta nda ŋuɗuf manda ŋa Abraham ta nzakway ka Da mu demdem ya.

La Ruma 4:5

Ama ka lagha mndu ka zlghaftá Lazglafta nda ŋuɗufa ni klaf a ta ghəŋa ni ka mndu tɗukwa ta kəma Lazglafta ta ghəŋa tsa slna ni ta mag tsi ya wu katsi, dzaʼa klaf kla Lazglafta ta tsa mndu ya ka mndu tɗukwa ta wa ira ni. Mndərga tsa mndu ya guli ná, nda sna kazlay: Mamu tvi dzaʼa kəl Lazglafta ka nanaftá gwal dmaku ka gwal tɗukwa ta wa ira ni kəʼa.

La Ruma 9:16

Tsaya tama, ka zbaf zba Lazglafta ta mndu ná, ta vəl kumafta maya tsa mndu ya a wu, ta vəl magata ni ta slna a guli wa. Lazglafta tani ta ɗvafta maganatá skwi ɗina, kaʼa.

Galat 3:14

Mantsa ya maguta tsi, kada mutsafta gwal kul nzakway ka la Yahuda ta tsa tfa wi tfanava lu ta Abraham ya nda ma *Yesu Kristi. Tsaya tama dzaʼa kəl amu ka mutsafta nda ma zlghay nda ŋuɗuf ta Sulkum tanaf Lazglafta ta imi ta sləməŋ ya.

Galat 3:22

Má ŋa nzakwa ni mantsa ya na: « ksamksa dmaku ta inda mnduha ma dzva ni, » ka lu vindafta ma gwaɗa Lazglafta. Nda nza mantsa ya, kada vlata Lazglafta ta tsa tata imi ta sləməŋ taf tsi ta sləməŋ ya ŋa gwal ta zlghaftá *Yesu *Kristi. Ta ghəŋa vəl zlghafta taŋ kweŋkweŋ dzaʼa kəl tsi ka vlaŋtá həŋ.

Afisus 1:19

Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Afisus 2:10

Magatá slna Lazglafta na amu na. Vlama vla ta hafu ka lfiɗ ma ndiʼatá amu nda Yesu Kristi ŋa gɗata mu ta maga slnaha ɗina ɗina. Nda ghada payafta Lazglafta manda tsaya, ŋa magay mu.

Afisus 2:5

Kulam nda va tsa rwatá amu, kabga vəl magata mu ta ghwaɗaka skwiha ya ná, ka ɗvaftá tsi ta amu ka vramamta nda hafu kawadaga nda *Kristi. Zɗakatahuɗa Lazglafta kəl kuni ka mbafta.

Filip 1:29

Zɗaghunaŋzɗa Lazglafta ta huɗi nda ma *Yesu Kristi kəl kuni ka zlghafta. Zlghafta ghuni kweŋkweŋ yeya a wu, ta ghuyay kuni ta ɗaŋwa ka ŋa ni guli.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

2Tes 1:9

Tsa ghuzla iri dzaʼa ghuzlanapta lu ta həŋ ya ná, tsaya zaɗanatá həŋ dzaʼa zaɗanata lu diʼiŋ nda wa ira Mgham Yesu, nda glakwa mbrakwa ni tani.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

1 Piyer 1:5

Kaghuni, ka zlghaf zlgha kuni katsi, ta ngha kaghuni Lazglafta nda mbrakwa ni ŋa mbaghunafta. Tsa mbaku ya ná, ma kɗavakta fitik dzaʼa snaŋta kuni.