Afisus 2:12 - Hdi

¹² Havakwahava kazlay: Ma tsa fitik ya ná, sna a kuni ta Kristi wu kəʼa. Nza a kuni tekw mataba mnduha ta haɗika Israʼila wa. Tekw a kaghuni mataba gwal dzraf Lazglafta ta wi nda həŋ ka tanaftá imi ta sləməŋ ta həŋ ya wa. Ma nzakwa ghuni ma na ghəŋa haɗik na ná, haɗ skwi faf kuni ta ghəŋ tida wu, sna a kuni ta Lazglafta guli wa.

Afisus 2:12 ပူးပေါင်းရင်းမြစ်များ

Zlrafta 15:18

Baɗu tsa fitik ya dzrafta Yawe ta wi nda Abram, kaʼa mantsa: « Nana haɗik na, sliʼafta ni ta wa lika Masar dikw ta wa mghama zala ta nzakway ka Yufratis, vlaŋ vla yu ta zivirha gha.

2Rus 15:3

Nda kɗa fitika la Israʼila ta nzakw kul haɗ vərɗa Lazglafta, kul haɗ mnda dra skwi ŋa Lazglafta ta tagha skwi ŋa taŋ, kul haɗ zlahu.

Izra 4:3

Ama ka i Zərubavel nda Yəhusuwa nda pɗakwa maliha mataba mndəra Israʼila nda həŋ mantsa: « Haɗ skwi ta guyaŋnafta nda kaghuni ŋa bay mu ta həga Lazglafta ŋni kawadaga wa. Aŋni nda ghəŋa ŋni dzaʼa baftá həga Yawe, Lazglafta la Israʼila manda va ya mnaŋna Sirus mghama Persiya, » ka həŋ.

Sabi 12:45

Yaha mayəm nda mndu ta maga slna tsedi ni da zay.

Mbsak 18:19

Inda mbəhuha nda ghuɓa ta faghuta la Israʼila ŋa Yawe ná, ta vlaghuna vla yu ŋa ghuni, nda zwana zgwana gha nda kwagha gha, ka zlahu ŋa ɗekɗek. Tsaya dzratá wi nda slughul ŋa ɗekɗek ta kəma Yawe, ŋa gha, nda zivira gha, » kaʼa.

Lukwa 1:72

Mantsa ya, maranaŋ mara ta tsa tva hiɗahiɗa ni ya ta dzidzíha mu, ka havaktá tsi ka tsa dzratá wa ni nda ghuɓa ya,

Yuhwana 10:16

Mamu sanlaha ma tuwakha ɗa guli, kul haɗ ma na gamak na. Dzaʼa nda sna həŋ ta lwa ɗa, ŋa hlaktá ɗa ta həŋ, ŋa nzata taŋ tuts, turtuk mndu ta ngha həŋ.

Yuhwana 15:5

Iʼi fwa inabi, kaghuni dzvuha ni, mndu ta gɗavata ndiʼatani ta iʼi manda iʼi nda tsatsi ya, dzaʼa yaf ya tsatsi rgədzəɓ. Ka haɗ iʼi wu, laviŋ a kuni ta magatá sana skwi wa.

Yuhwana 4:22

Kaghuni la Samari, ŋa skwi kul snaŋtá kuni ta maga kuni ta duʼa. Aŋni la Yahuda, ŋa skwi snaŋ ŋni ta maga ŋni ta duʼa, kabga da la Yahuda sagha mbaku.

Slna gwal ghunay 2:39

Tsa tata imi ta sləməŋ taghunaf Lazglafta ya ná, ŋa kaghuni nda zwana ghuni, nda gwal diʼiŋ diʼiŋ, nda ndəghata mbsaka gwal dzaʼa hagakta Mgham Lazglafta tani ya, » kaʼa.

Slna gwal ghunay 28:20

Tsaya tama kəl yu ka zba nghaŋta kaghuni ka gwaɗaŋta mu ta tsa gwaɗa ya. Ta ghəŋa tsa skwi faf la Israʼila ta ghəŋ tida ya tsamta lu ta iʼi ma ziɗa, » kaʼa.

Slna gwal ghunay 3:25

Ka ŋa ghuni taghunafta Lazglafta ta imi ta sləməŋ nda ma wa la anabi. Ka ŋa ghuni dzrafta Lazglafta ta wi nda dzidza mu Abraham kazlay: Dzaʼa tfanagha tfa yu ta wi ta inda mndəra mnduha nda ma zivira gha kəʼa ya.

La Ruma 9:8

Ghəŋa tsa gwaɗa ya na: Zivir ya yagap lu nda ma sluʼuvgha a gwal ta nzakway ka zwana Lazglafta wa. Ama zwani ya yagap lu nda ta tva dzratá wa Lazglafta nda Abraham, zwana zivir.

Galat 4:8

Ghalya ma fitika kwala ghuni kul snaŋtá Lazglafta, vuʼa skwa wuyay kul nzakway ka vərɗa Lazglafta si ta gə kuni.

Afisus 2:19

Tsaya tama ná, nza a kuni ka mayəm wu, nza a kuni ka mayəm guli tama wa. Nda nza kuni ndanana tama ka mnda luwa kawadaga nda sanlaha ma mnduha Lazglafta. Nda nza kuni ka mnda huɗa həga.

Afisus 4:18

Nda dərzla sləməŋa taŋ, haɗ lfiɗa hafu ta vlə Lazglafta ya da həŋ wu, kabga təŋ təŋa ghəŋa taŋ, sna a həŋ ta Lazglafta wa.

Kwalus 1:21

Kaghuni ghalya ná, ka mayəm, nda ghuma Lazglafta si nzakwa ghuni, ta tva ndana ghuni, nda ghwaɗaka slna ta mag kuni.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

1Tes 4:13

Zwana ma ɗa, ta kumay yu ta snaŋta ghuni ta skwi ta ghəŋa gwal nda rwa, da nzatá kuni sasuʼanaka manda gwal ta kul faftá ghəŋa taŋ ta *Yesu.

1Tes 4:5

ŋa ghudzaku tida manda ŋa gwal kul snaŋta Lazglafta ya a guli wa.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Tim 1:1

Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

Hebru 11:34

Ka niŋtá həŋ ta zlghakwa vu ləmtək. Ma sliʼa mnduha pslata həŋ nda kafay, ka ndaptá həŋ mida. Haɗ mbraku ma həŋ wu, ama ka nuta həŋ ka gwal nda mbra. Ma fitika vulu, ka nuta həŋ ka bigwala, ka ŋawaftá həŋ ta sludza haɗikha kavghakavgha.

Hebru 6:18

Mantsa ya ná, his skwiha ya dzaʼa kwal lu kul laviŋtá mbəɗanafta. Skwiha ya tanaf tsi ta imi ta sləməŋ ta mndu nda waɗu ya waɗa tsi nda tsi. Haɗ dzaʼa walaŋtá tsakalatawi mida wa. Mantsa ya guli ná, ta vlama vla ta mbraku ta amu gwal ta hwayamta da ghuva Lazglafta, ŋa ŋavata mu nda fatá ghəŋ ta skwi ya tamaf Lazglafta ta imi ta sləməŋ ya.

Hebru 8:6

Kahwathwata ná, slna dagala vlaŋ lu ta *Yesu. Tsatsi ta nzamta ma takataka slərɓatá zughu ɗina ta malaghuta, thaf lu ta tatá imi ta sləməŋ ɗina ta malaghuta ya guli.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.