Afisus 2:11 - Hdi

¹¹ Ka yu ta mnaghunata wa, mndəra la *Yahuda a kaghuni wa. Havakwahava ɓa ta nzakwa ghuni ghalya ta kul zlghaftá kuni ta *Kristi. Gwal kul tsaku fafaɗa taŋ ka həŋ ta hga kaghuni. Kəl həŋ ka hga kaghuni manda tsaya na: Mnduha Lazglafta aŋni ka hahəŋ, kabga ɗatsatá fafaɗa taŋ. Tsaw tsa tsatá fafaɗa taŋ ya ná, skwi ta nghanaŋtá sluʼuvgha ya ɗatsa mnduha nda dzva taŋ.

Afisus 2:11 ပူးပေါင်းရင်းမြစ်များ

Mata 20:7

Ka həŋ nda tsi mantsa: “Haɗ mndu ta klaftá aŋni ŋa maga slna wa,” ka həŋ. Kaʼa nda həŋ mantsa: “Lawa kaghuni guli da maga slna ma vwaha ɗa,” kaʼa.

La Ruma 11:17

Ka ɗatsanaghutá lu ta zligamaha fwa zaytuŋ ya ta hvə lu nda hva, ka tsaktá ya ma mtak ndiʼafta tida. Kagha mndu kul nzakway ka la Yahuda ná, manda fwa zaytuŋ ma mtak ka. Kagha tsa ndiʼaf lu ta dughwaŋa ni ta nzakway ka la Yahuda ya. Ndanana tama ná, ima slrəŋa tsa fu ya ta mutsə kagha.

La Ruma 2:26

Lagha mndu kul tsaku fafaɗa ni ka maga skwi ta kum zlaha Lazglafta ní, haɗ Lazglafta dzaʼa ngha tsa mndu ya manda mndu nda tsa fafaɗa ni ra?

La Ruma 2:27

Ya wya tsa mndu ya ná, haɗ lu ta tsa fafaɗ ma nzakwa mndəra taŋ wu, ama ta magay ta skwi ta kum zlahu. Haɗ tsa mndu ya dzaʼa tsaghaghatá guma ta kagha mndu ta kwalaghutá maga skwi ta kum zlahu ya ra? Ta wya kay guli, mamu vindatá zlaha Musa da kagha, nda tsa fafaɗa gha guli.

1Kwa 12:2

Nda sna kuni kazlay: Ma fitika nzakwa ghuni ta kul snaŋta kuni ta gwaɗa Lazglafta ná, ta tsəlɓu ta kəma skwa wuyayha ta nzaku duduguma kuni ta tsəlɓu, hahəŋ ta tiŋwa kaghuni guli.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

Galat 2:15

Aŋni ná, la *Yahuda ɓuzul ŋni. Nza a aŋni ka gwal kul nzakway ka la Yahuda kul snaŋtá Lazglafta wa.

Galat 6:12

Tsa mnduha ta kuma mblaftá kaghuni ka tsa fafaɗ ya ná, ta kumay həŋ ta ghubay mnduha ta həŋ. Skwi kəl həŋ ka magay mantsa ya ná, wara ghuyay taŋ ta ɗaŋwa ta gwaɗa ta udza zləŋay *Kristi ya.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Afisus 5:8

Si ma grusl nzatá nzakwa ghuni ghalya. Ndana tama, nda ndiʼa kuni nda Mgham *Yesu, ma tsuwaɗak nzatá nzakwa ghuni, nzawa nza tama ta nzakwa ghuni manda gwal ta nzaku ma tsuwaɗak.

Vrafta ta zlahu 15:15

Havakwa hava ta si nzakwa ghuni ka vuʼa ta haɗika Masar, ka varagaptá Yawe, Lazglafta ghuni ya. Tsaya ta kəl yu ka vlaghunata na gwaɗaha mnaghunaf yu gita na.

Vrafta ta zlahu 16:12

Ka hava kuni si ta nzakwa ghuni ka vuʼa ma haɗika Masar. Ka ŋanata kuni ta tsa zlahuha ya ka ksa slna nda tsi. »

Vrafta ta zlahu 5:15

Havap hava ka si ta nzakwa gha ka vuʼa ta haɗika Masar, ka klagaghaptá Yawe, Lazglafta gha nda glakwa mbrakwa ni, nda ya nda tɗatá dzva ni. Tsaya kəl Yawe, Lazglafta gha ka mnaghafta ka ŋanata ka ta fitika Sabat kəʼa.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

Vrafta ta zlahu 9:7

« Havakwa hava, ma zanap kuni ya ká kuni gufanaftá ŋuɗuf ta Yawe, Lazglafta ghuni ma mtak. Daga baɗ saba ghuni ma haɗika Masar ha ka ɓhagaghatá ghuni da hadna, ta ga sidi kuni nda Yawe.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Kwalus 1:21

Kaghuni ghalya ná, ka mayəm, nda ghuma Lazglafta si nzakwa ghuni, ta tva ndana ghuni, nda ghwaɗaka slna ta mag kuni.

Kwalus 2:11

Ma tsatsi mutsafta kaghuni ta tsatá fafaɗ. Nda dzva mnda səla a tsata lu wu, Kristi ka ghəŋa ni ta tsata. Nda nza tsa tsatá fafaɗ ya, manda kliŋta dmaku ta ga mgham ta ghəŋa ghuni ya.

Kwalus 2:13

Kaghuni, si nda rwa kuni ta kəma Lazglafta, kabga dmakwa ghuni, nda kwala fafaɗa ghuni kul tsaku guli. Ka vraghunamtá Lazglafta nda hafu kawadaga nda tsi, ka plamatá inda dmakwa mu.

Kwalus 3:11

Ndanana tama, ta haɗ mnay kazlay: La *Grek yehaya, la *Yahuda yehaya, gwal nda tsa fafaɗa taŋ yehaya, gwal kul tsaku fafaɗa taŋ yehaya, gwal ma mtak yehaya, gwal kul gunaku ghəŋa taŋ yehaya, la vuʼa yeya, gwal flaʼu vgha taŋ yehaya ya kəʼa wa. Mamu *Kristi ta nzakway ka hɗatani ma inda taŋ.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.

1Sam 17:36

Mantsa ya dzata kwalva gha ta rveri, nda ziŋa. Manda tsaya dzaʼa nzakwa tsi nda na mnda la Filisti, na mndu kul tsaku fafaɗa ni na, kabga razanaf raza ta gwal vula Lazglafta nda hafu mida! » kaʼa.