Afisus 2:1 - Hdi

¹ Ghalya si nda rwa kaghuni ta wa ira Lazglafta, kabga ghwaɗaka skwiha si ta mag kuni.

Afisus 2:1 ပူးပေါင်းရင်းမြစ်များ

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Mata 8:22

Ka Yesu nda tsi mantsa: « Mbaɗa kagha mista ɗa! Zlaŋ zla ta gwal nda rwa ka paɗa həŋ ta mbliha taŋ, » kaʼa.

Lukwa 15:24

Nana zwaŋa ɗa wana tsi na ná, manda skwi si nda mta, wana vrakta nda hafu, si nda zaɗa ka nghavatá tsi,” ka da ni nda kwalvaha ni. Ka zlraftá həŋ ta rfu.

Lukwa 15:32

Nda ra ka magatá skwa skalu, ka rfay mu ta rfu. Nana zwaŋama gha wana tsi na ná, si nda mta, ka vraktá tsi nda hafu. Si nda zaɗa, ka nghavatá tsi,” » ka da ni nda tsi.

Yuhwana 10:10

Mndu ta ghali ná, ghali ŋa ni ta sagha da ghalay, ŋa dzata, ŋa zaɗanata. Iʼi ná, sagha sa yu ŋa mutsafta mnduha ta hafu ka haslay, ŋa nzakwa taŋ kul haɗ sana skwi ta pɗugudunustá həŋ.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 5:25

Kahwathwata ka yu ta mnaghunata, dzaʼa sagha sa fitik, nda ghada va sagha ni, dzaʼa kəl gwal nda rwa ka snaŋtá lwa Zwaŋa Lazglafta. Tsa gwal dzaʼa snaŋta ya dzaʼa nzakway nda hafu.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

1Kwa 15:45

Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

2Kwa 5:14

Inda skwi ta mag aŋni ná, ta magay aŋni kabga nda sna aŋni ta ɗvu ya ɗvu *Kristi ta aŋni. Tsaya ta tiŋwa aŋni guli ta kəma ta kəma. Graf gra aŋni guli kazlay: Mtu mta Kristi ta ghəŋa inda mndu kəʼa. Inda mndu guli mtu mta kawadaga nda tsatsi.

Afisus 4:18

Nda dərzla sləməŋa taŋ, haɗ lfiɗa hafu ta vlə Lazglafta ya da həŋ wu, kabga təŋ təŋa ghəŋa taŋ, sna a həŋ ta Lazglafta wa.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Kwalus 2:13

Kaghuni, si nda rwa kuni ta kəma Lazglafta, kabga dmakwa ghuni, nda kwala fafaɗa ghuni kul tsaku guli. Ka vraghunamtá Lazglafta nda hafu kawadaga nda tsi, ka plamatá inda dmakwa mu.

1Tim 5:6

Ama wadgu ya ta nzaku ta daghayakwani ná, nda mta tsaya dər má ta ndiri tsi.

1 Yuhwana 3:14

Amu ná, nda sna amu kazlay: Sab sa amu ma mtaku ka nzata nda hafu kəʼa, kabga ta ɗvuta amu ta zwana ma mu. Mndu kul ɗva zwaŋama ni ná, ma mtaku ta gɗavata tsatsi.

Suna Yuhwana 3:1

« Vinda ŋa duhwala Lazglafta ta nzakway ka ŋa *Igliz ma luwa Sardis. « Wya skwi mna mndu ta ŋanata Sulkumha ndəfáŋ ka ŋa Lazglafta nda tekwatsaha ndəfáŋ. Kaʼa mantsa: Nda sna yu ta inda slnaha gha. Nda hafu ma iʼi ka ka ta gray, tsaw nda mta ka.