Afisus 1:19 - Hdi

¹⁹ Ta kumay yu ta snaŋta ghuni kazlay: Malaghu mala mbrakwa ni ta inda skwi, nda ya kəʼa ta kata amu gwal ta zlghafta kəʼa. Katakata tsa mbrakwa ni ya.

Afisus 1:19 ပူးပေါင်းရင်းမြစ်များ

Yuhwana 3:6

Ya yaga mndu ná, mnda səla tsaya. Ya yaga Sulkum ya ná, ŋa Sulkum tsaya.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

2Kwa 4:7

Bəzleghwa tsaf lu nda rɓisl aŋni, ta kla tsa ŋərma skwa gadghəl ya. Kəl tsi ka nzakway mantsa ya ná, Lazglafta ta mbranaghatá maga inda skwi, aŋni a wa.

2Kwa 5:17

Tsaya tama, ka si nda ndiʼa vgha mndu nda Kristi katsi, nda nza ka lfiɗa mndu. Lula tva nzaku ya si ta nzaku tsi ghalya, mbəɗavaf mbəɗa ka lfiɗa ni.

Afisus 2:10

Magatá slna Lazglafta na amu na. Vlama vla ta hafu ka lfiɗ ma ndiʼatá amu nda Yesu Kristi ŋa gɗata mu ta maga slnaha ɗina ɗina. Nda ghada payafta Lazglafta manda tsaya, ŋa magay mu.

Afisus 3:20

Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Afisus 3:7

Zɗəɗiŋ zɗa Lazglafta ta huɗi ka niɗifta ka Kwalva ni ŋa mna tsa Lfiɗa Gwaɗa ya ŋa mnduha nda ma mbrakwa ni ya vliha tsi.

Afisus 6:10

Wya kɗavakta gwaɗa ɗa ta mnaghunata yu: Mbrawa vgha ma guyatá vgha ghuni nda *Kristi, nda tsa mbrakwa ni dagala ya.

Filip 2:13

Lazglafta ka ghəŋa ni ta maga slna ni ma kaghuni, dzaʼa kəl kuni ka ɗvaftá skwi ya ta zɗəganata ŋa magay ghuni ta slna nda tsi guli.

Filip 3:21

Saha ni dzaʼazlay ná, ŋa mbəɗanaftani ta na vgha mu kul haɗ ghəzliwa ni na, ka ŋlanafta manda ŋa ni, nda mbraku ya kəl tsi ka nzanaghatá inda skwi, dzaʼa maga tsi.

Kwalus 1:29

Tsaya ta kəl yu ka wuda maga slna nda mbrakwa Kristi, ya ta maga slna nda mbraku ma iʼi ya.

Kwalus 2:12

Ma magaghunaftá batem fadata lu ta kaghuni kawadaga nda Kristi da kulu, ka sliʼagaptá kuni kawadaga nda tsi guli nda ma zlghafta ghuni ta mbrakwa Lazglafta ta sliʼaganaptá Kristi ma mtakuya.

1Tes 1:5

Ma mnaghunata ŋni ta *Lfiɗa Gwaɗa ná, gwaɗa nda wubisim kweŋkweŋ yeya a mnaghuna ŋni wu, nda mbrakwa Sulkum nda ghuɓa guli mnaghunata ŋni. Nda sna aŋni kazlay: Vərɗa gwaɗa tsa gwaɗa ta gwaɗ ŋni ya kəʼa. Nda sna kaghuni ka aŋni nzakwagaptá nzaku da kaghuni ŋa kata kaghuni.

2Tes 1:11

Tsaya ta kəl ŋni ka gɗata ta maga duʼa da Lazglafta ta ghəŋa ghuni, kada nzata kuni ka guram nda skwi ya hgaf tsi ta kaghuni, ka zlghaftá kuni ya. Ka katá tsi ta kaghuni nda mbrakwa ni, ŋa magay ghuni ta skwi ɗina ɗina, nda ya ŋa yifanaftani ta zlghay nda ŋuɗufa ghuni.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!