Afisus 1:18 - Hdi

¹⁸ Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 1:18 ပူးပေါင်းရင်းမြစ်များ

Mata 13:15

Təŋu təŋa ghəŋa na mnduha na. Dərzlaf dərzla həŋ ta sləməŋa taŋ, haf ha həŋ ta ira taŋ, kabga va a həŋ ta nghaŋta wa, yaha həŋ da snaŋta nda sləməŋa taŋ, yaha həŋ da grafta ma ŋuɗufa taŋ, yaha həŋ da mbəɗanaftá nzakwa taŋ, da mbanaftá yu ta həŋ.”

Markus 10:17

Manda sliʼafta *Yesu ka mbaɗa ta tvi, ka sliʼaftá sana mndu ka hwayakta tsəlɓata ma ghuva ni, ka ɗaway da tsi: « Ari ŋərma mgham, nu dzaʼa mag yu ŋa mutsafta ɗa ta hafu ŋa kɗekedzeŋ na? » kaʼa nda tsi.

Lukwa 24:45

Ka gunanaŋtá tsi ta mahizl ta həŋ ŋa snaŋtá skwi vindaf lu ma gwaɗa Lazglafta.

Slna gwal ghunay 16:14

Lidiya hga sana marakw mataba taŋ, makwa luwa Tiyatir ya. Lguta dva ya nda bla nda bla dzva ni ta dzawə tsi. Ta zləŋay ta Lazglafta guli. Ka fatá tsi ta sləməŋ ka sna gwaɗa ŋni. Ka gunanaŋtá Lazglafta ta ŋuɗufa ni, ŋa tsuʼa tsa gwaɗa ta gwaɗ Pwal ya.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 11:29

Skwi ya vla Lazglafta, nda hgu ya hgaf tsi ná, haɗ ta mbəɗglanafta wa.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Galat 5:5

Aŋni ná, nda fa ghəŋa aŋni kazlay: Namafna Lazglafta ka mndu tɗukwa ta wa ira ni, kabga vəl zlghafta mu ta Kristi nda ŋuɗuf kəʼa. Tsaya skwi ta kzlə amu nda ma mbrakwa Sulkum.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 2:12

Havakwahava kazlay: Ma tsa fitik ya ná, sna a kuni ta Kristi wu kəʼa. Nza a kuni tekw mataba mnduha ta haɗika Israʼila wa. Tekw a kaghuni mataba gwal dzraf Lazglafta ta wi nda həŋ ka tanaftá imi ta sləməŋ ta həŋ ya wa. Ma nzakwa ghuni ma na ghəŋa haɗik na ná, haɗ skwi faf kuni ta ghəŋ tida wu, sna a kuni ta Lazglafta guli wa.

Afisus 3:16

Tsaya ta kəl yu ka ndəɓa dzvu da tsi ka ksa tsi ta slna nda tsa mbrakwa ni dagala ya ma ŋuɗufa ghuni, ka vlaghunata tsi ta mbraku kahwathwata nda ma Sulkuma ni.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Afisus 4:4

Gwal zlghay nda ŋuɗuf ná, manda sluʼuvgha Kristi turtuktuk ya nzakwa ni. Turtuktuk Sulkum nda ghuɓa guli, turtuktuk skwi ya faf kuni ta ghəŋ tida hgaghuna Lazglafta ŋa zlghay.

Afisus 5:8

Si ma grusl nzatá nzakwa ghuni ghalya. Ndana tama, nda ndiʼa kuni nda Mgham *Yesu, ma tsuwaɗak nzatá nzakwa ghuni, nzawa nza tama ta nzakwa ghuni manda gwal ta nzaku ma tsuwaɗak.

Filip 3:14

Ŋavata ka dzaʼa ta kəma ta kəma ŋa kɗanakta, ŋa mutsa nisəla vəl hgafta hgaf Lazglafta ta amu, ŋa ɗa. Tsa nisəla ya ná, nzata ɗa ta luwa kawadaga nda tsi nda ma Yesu Kristi ya.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

Kwalus 3:15

Ka pgha zɗakwa Kristi ta ŋuɗufa ghuni. Guyaghuna guya Lazglafta ka vgha turtuk ŋa nzakwa ghuni ma tsa zɗaku ya. Rfawa rfa.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

2Tes 1:11

Tsaya ta kəl ŋni ka gɗata ta maga duʼa da Lazglafta ta ghəŋa ghuni, kada nzata kuni ka guram nda skwi ya hgaf tsi ta kaghuni, ka zlghaftá kuni ya. Ka katá tsi ta kaghuni nda mbrakwa ni, ŋa magay ghuni ta skwi ɗina ɗina, nda ya ŋa yifanaftani ta zlghay nda ŋuɗufa ghuni.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

Titus 3:7

Mantsa ya kəʼa zɗaŋtahuɗi ka namafta ka ŋərma mnduha ŋa mutsay mu ta hafu ŋa kɗekedzeŋ ya faf mu ta ghəŋ tida.

Hebru 10:32

Havakwahava ta nzakwa ghuni ghalya ma taŋtaŋa snaŋta ghuni ta gwaɗa Lazglafta. Ma tsa fitik ya ná, susa kuni ta duni, ka suʼuwaftá kuni ta inda ni.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.