Afisus 1:13 - Hdi

¹³ Mantsa ya kaghuni guli nda ndiʼa kuni nda tsi ma snaŋta ghuni ta vərɗa gwaɗa ya kəl Lazglafta ka mbaghunafta, ma vlata ghuni ta ghəŋa ghuni ŋa Yesu Kristi. Ma tsa ndiʼatá kaghuni nda Kristi ya, ka vlaghunatá Lazglafta ta Sulkum nda ghuɓa ya tamaf tsi ta imi ta sləməŋ ya. Tsa Sulkum ya ná, ŋizla nzakwa mu ka mnduha Lazglafta ya.

Afisus 1:13 ပူးပေါင်းရင်းမြစ်များ

Lukwa 11:13

Ka si kaghuni ta nzakway ka ghwaɗaka mnduha ya, nda sna kuni ta vla skwi ɗina ŋa zwana ghuni ya ní, Da ya ta nzakway ta luwa yeya dzaʼa kwal kul vlaŋtá Sulkum ta mndu ta ɗawaŋta rki na? » kaʼa.

Lukwa 24:49

Wya yu dzaʼa ghunəgaghunatá tsa skwi taghunaf Da ɗa ta imi ta sləməŋ ya. Kaghuni, ka nzata kuni ma huɗa luwa ha ka saha mbraku daga ta luwa da mbraghunafta, » kaʼa nda həŋ.

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

Yuhwana 14:26

Tsa mnda kata mndu dzaʼa saha ya, Sulkum nda ghuɓa ya dzaʼa ghunagata Da nda hga ɗa. Tsatsi dzaʼa taghaghunaftá inda skwi, ŋa havaghunaktá inda gwaɗa managhuna yu.

Yuhwana 15:26

« Tsa mnda kata kaghuni dzaʼa saha ya, Sulkum ta kligiŋtá kahwathwata ya dzaʼa saha daga da Da. Dzaʼa mnay ta gwaɗa ta iʼi.

Yuhwana 3:33

Mndu ta tsuʼaftá gwaɗa ni ná, graf gra tsa mndu ya ta Lazglafta kazlay: Kahwathwata ya kəʼa.

Yuhwana 6:27

Ma ksə kuni ta slna ŋa skwa zay dzaʼa ɓadzuta. Ŋavawa ŋa ka maga slna ŋa skwa zay ta nzəɗavata dzaʼa vlaghunatá hafu ŋa kɗekedzeŋ. Tsa skwa zay ya ná, *Zwaŋa mndu dzaʼa vlaghunata, kabga ta tsatsi thafta Da ta ŋizla vlaŋta ni ta mbraku, » kaʼa nda həŋ.

Slna gwal ghunay 1:4

« Yaha kuni zaghuta diʼiŋ nda Ursalima. Ka nzata kuni hada ka kəzla skwi ya taghunaf Lazglafta ta imi ta sləməŋ, manda ya snaŋ kuni ma wa ɗa, » kaʼa vlaŋta zlahu ta həŋ ma sana fitik ta zə həŋ ta skwa zay.

Slna gwal ghunay 13:26

« Zwana ma ɗa, kaghuni ta nzakway ka zivira Abraham, nda kaghuni ta zləŋa Lazglafta tani, ŋa amu tsghəgamaghata lu ta na gwaɗa ta mbaku na.

Slna gwal ghunay 2:33

Ka kapanaftá Lazglafta ka nzanata nda ga zeghwa ni. Ka zlghafta tsi da Da ta tsa Sulkum nda ghuɓa tamaf lu ta imi ta sləməŋ ya, ka pghaŋnaghatá tsi. Tsaya skwi ta nghə kuni nda ya ta snə kuni ndanana ya.

La Ruma 1:16

Ksa a hula ta iʼi ka mna *Lfiɗa Gwaɗa ŋa mnduha wa. Tsa Lfiɗa Gwaɗa ya ná, mamu mbrakwa Lazglafta mida ŋa mba inda mndu ta zlghafta. Ŋa zlrafta nda la *Yahuda karaku, tahula tsa ŋa kɗay nda la *Grek.

La Ruma 4:11

Ma fitika nzakwa ni ta kul tsaku fafaɗa ni, ka klaftá Lazglafta ka mndu tɗukwa ta wa ira ni, kabga vəl zlghafta ni. Tahula tsa ka tsatá tsi ta fafaɗ. Ka nzaku tsa tsatá fafaɗa ni ya, ka ŋizla maraŋtá nzakwa ni tɗukwa ta wa ira Lazglafta. Abraham ná, da ni ma inda gwal kul tsaku fafaɗa ni ya, ama ka zlghaftá həŋ ta Lazglafta, ka klaftá Lazglafta ta həŋ ka gwal tɗukwa ta wa ira ni, manda ŋa Abraham ya.

La Ruma 6:17

Rfama ta Lazglafta! Ghalya si nda nza kuni ka vuʼa dmaku. Ndanana, sna sna kuni nda inda ŋuɗufa ghuni ta dughwaŋa skwi ya ta taghu lu ŋa inda mnduha demdem, ka taghaftá kuni.

2Kwa 1:22

ka tahamaftá tsi ta ŋizla ŋa maraŋtá kazlay: Ŋa ni amu kəʼa. Tsaya ta nzakway ka Sulkum nda ghuɓa famam tsi ma ŋuɗufa mu ŋa gramaftá skwiha ɗina ɗina dzaʼa tsi magay ŋa mu dazlay.

2Kwa 6:7

Ka gwal ta mna vərɗa gwaɗa, ka gwal nda mbakwa Lazglafta ma həŋ. Huzla vula ŋni ma zlaɓa nda zeghwi ná, tsaya kahwathwata.

Galat 3:14

Mantsa ya maguta tsi, kada mutsafta gwal kul nzakway ka la Yahuda ta tsa tfa wi tfanava lu ta Abraham ya nda ma *Yesu Kristi. Tsaya tama dzaʼa kəl amu ka mutsafta nda ma zlghay nda ŋuɗuf ta Sulkum tanaf Lazglafta ta imi ta sləməŋ ya.

Afisus 4:21

Graf gra yu kazlay: Nda sna kuni ta gwaɗa ni ka zlghaftá kuni kəʼa. Ma ndiʼafta ghuni ta vgha nda tsi, taghaghunaf tagha lu ta kahwathwata ma *Yesu.

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

1Tes 2:13

Ta gɗa gɗa ŋni ta rfa Lazglafta guli, kabga ma fitika mnaghunata ŋni ta gwaɗa Lazglafta ná, tsuʼaf tsuʼa kuni, ka zlghafta manda va gwaɗa gwaɗagap Lazglafta, manda ya gwaɗagap mnduha a wa. Manda va tsaya nzakwa ni kahwathwata, sagha da Lazglafta tsa gwaɗa ya, ka ksə tsi ta slna ma kaghuni ta zlghafta ya.

2Tim 2:15

Kagha, ŋava ŋa ka nzakwa ka ta kəma Lazglafta ka mndu nda ndəha, ka mnda maga slna kul haɗ hula ta ksafta ma slna ni, ta mna vərɗa gwaɗa nda tva ni.

2Tim 2:19

Tsaw tsa dihatá dughwaŋa skwi thaf Lazglafta ya ná, gigɗavaf a wa. Wya ka lu vindafta ta tsa dughwaŋ ya: « Nda sna Mgham Lazglafta ta gwal ta nzakway ka ŋa ni. » Ka lu guli na: « Inda mndu ta mnay kazlay: Ŋa Mgham Lazglafta yu kəʼa ná, ka mbəɗana mbəɗa tsi ta hul ta maga ghwaɗaka skwi, » kaʼa.

2Tim 3:15

Daga ma ga zwaŋa gha, nda sna ka ta skwi ma vindatá gwaɗa nda ghuɓa ta nzakway ka gwaɗa Lazglafta. Dzaʼa vlagha vla ta ɗifil ta kla mndu da mbaku nda ma zlghaftá Yesu nda ŋuɗuf.

Titus 2:11

Ɗina ka magay mnduha Lazglafta ta tsa skwiha mnə yu ya, kabga maraŋ mara Lazglafta ta zɗakatahuɗa ni ta nzakway ka dzuɓaya mbaku ŋa inda mnduha demdem, ŋa mutsay taŋ ta mbaku.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

Yakubu 1:21

Tsaya tama, pghiŋwapgha ta inda skwiha ya ta ŋəriŋtá mndu, nda inda ghwaɗaka skwiha. Tsuʼawatsuʼa nda hanata ghəŋ ta gwaɗa ya ŋəɓam Lazglafta ma kaghuni ta laviŋtá mbanafta hafa ghuni.

1 Piyer 2:10

Ghalya ná, si nza a kuni ka mnduha Lazglafta wu, ama ndanana, nda nza kuni ka ŋa ni. Ghalya mutsaf a kuni ta tawa hiɗahiɗa Lazglafta wu, ama ndanana, mutsaf mutsa kuni.

Suna Yuhwana 7:2

Ka nghə yu ta sana duhwala Lazglafta ta safi nda ma mndəra luwa nda ŋatá ŋizla Lazglafta ta vla hafu. Ka hgaŋtá tsi nda lwi dagala dagala ta tsa duhwalha Lazglafta valaŋ lu ta həŋ ta mbrakwa ɓadziŋtá haɗik nda imiha tani ya.