Afisus 1:11 - Hdi

¹¹ Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:11 ပူးပေါင်းရင်းမြစ်များ

Slna gwal ghunay 13:48

Snay gwal kul nzakway ka la Yahuda ta tsa gwaɗa ya ná, ka rfu həŋ ta rfu, ka zləzlvu həŋ ta Lazglafta. Ka zlghaftá inda gwal thanaf lu ta hafu ŋa kɗekedzeŋ, ta həŋ.

Slna gwal ghunay 2:23

Vlaghuna vla lu ta tsa mndu ya ma dzva ghuni. Nda sna Lazglafta manda va tsaya dzaʼa nzakwa tsi kəʼa, ta kuratá tsi. Ka zləŋaftá kuni ta Yesu. Ma zləŋafta ghuni nda ma dzva gwal kul zləŋa Lazglafta.

Slna gwal ghunay 20:27

kabga mnaghuna mna yu ta inda skwi mna Lazglafta, haɗ ya ɗifanaghu yu wa.

Slna gwal ghunay 20:32

« Ndana tama, ma dzva Lazglafta nda gwaɗa ta zɗakatahuɗa ni tani ta famta yu ta kaghuni. Tsa gwaɗa ya dzaʼa ŋla kaghuni, ŋa zay ghuni ta həga kawadaga nda inda gwal nda ghuɓa.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

Slna gwal ghunay 4:28

Skwi ya kumaŋ ka, ghada ka ta fata nda mbrakwa gha maga həŋ.

La Ruma 11:34

« Wa ya ta laviŋta snaŋtá ndana Lazglafta na? Wati ma mndu ya ta vla hiɗaku ŋa ni na?

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

La Ruma 8:29

Tsa gwal ghadu tsi ta zabuta daga taŋtaŋ ya, ghadu ghada ta nanaftá həŋ ŋa gara vgha nda zwaŋa ni, ŋa nzakwa tsa zwaŋa ni ya ka zumali mataba ndəghata zwana ma.

La Ruma 8:30

Tsa gwal ghadu tsi ta zabuta ya, tsa hahəŋ ya hagaf tsi guli. Tsa gwal hagaf tsi ya guli, hahəŋ nanaf tsi ka gwal tɗukwa ta wa ira ni. Tsa hahəŋ nanaf tsi ka gwal tɗukwa ta wa ira ni ya, tsa hahəŋ ya vlaŋ tsi ta glaku ta həŋ.

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

Galat 3:18

Ka si dzaʼa vlay Lazglafta ta za həga ŋa mndu, kabga vəl magata ni ta skwi ta kum zlahu katsi ná, mutsuglavata a ma tatá imi ta sləməŋ ŋa mndu wa. Tsaw tama ná, ma tsa tanafta tanaf Lazglafta ta imi ta sləməŋ ta Abraham ya mutsafta tsi ta tfa wi.

Afisus 1:14

Ŋa ɗasuɗasu vlamata tsi ta tsa Sulkum ya, ŋa maraŋta ká Lazglafta dzaʼa vlamatá inda pɗakwa skwiha ɗina ɗina dazlay, manda ya mna tsi. Ma tsa fitik dzaʼa mbamafta Lazglafta ŋa ɗekɗek ya dzaʼa tsuʼa mu. Zləzlvama glakwa Lazglafta.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 1:5

Ɗvu ɗva ta amu daga manda ghalya, ka psaptá tsi ta amu ka nimista ka zwana ni nda ma Yesu Kristi. Manda tsaya ɗvuta tsi ma zɗakwa ni.

Afisus 1:8

Ka ndəghamaftá tsi nda tsa zɗakatahuɗa ni ya, ka vlamatá inda ɗifil nda mahizl ya ta ramata.

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Afisus 3:11

Nda kɗa fitika fata Lazglafta daga ta kul magaftá tsi ta ghəŋa haɗik. Ndanana ka magatá tsi nda ma Yesu Kristi Mghama mu.

Vrafta ta zlahu 4:20

Ama kaghuni, Yawe ta zbaptá kaghuni, ka hlagaptá kaghuni ma Masar, tsa duda vu ŋa nwa kfur ya, ŋa nzakwa ghuni ka mnduha ŋa ŋa ni, manda va na nzakwa ghuni gita na.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

Kwalus 3:24

Ɗina ka snaŋta ghuni kazlay: Dzaʼa plaghuna pla Mgham Yesu nda skwi ya payana tsi ta mnduha ni kəʼa. Vərɗa daŋahəga ni həga ná, Kristi ya. Tsatsi mndu ta maganata kuni ta slna.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Titus 3:7

Mantsa ya kəʼa zɗaŋtahuɗi ka namafta ka ŋərma mnduha ŋa mutsay mu ta hafu ŋa kɗekedzeŋ ya faf mu ta ghəŋ tida.

Hebru 6:17

Nda tsaya ná, kumaŋ kuma Lazglafta ta tsalanaptá tsa gwal dzaʼa tsuʼa tsa skwi tanaf tsi ta imi ta sləməŋ ta mndu ya kazlay: Haɗ yu dzaʼa mbəɗanaftá skwi mna yu wu kəʼa, kəl tsi ka sganaghata nda waɗu.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

1 Piyer 1:4

ka kəzla skwi ya kul ɓadzavata, kul ksə rɗak, kul kɗavakta, fana Lazglafta ta zwana ni ta luwa.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.