2 Yuhwana 1:5 - Hdi

⁵ Ari makwa ta rka, ya lfiɗa zlahu a na skwi ta vindaghafta na wu, va tsa zlahu da amu daga manda zlrafta mu ta zlghaftá gwaɗa Lazglafta yeya. Skwi ta ndəɓu yu ta dzvu da kagha ná, ɗvumaɗva amu gwal ta zlghafta Kristi ta vgha mu.

2 Yuhwana 1:5 ပူးပေါင်းရင်းမြစ်များ

Yuhwana 15:12

Wya zlaha ɗa ta mnaghunata yu, ɗvuwa ɗva ta vgha ghuni sani nda sani manda va ya ɗvu iʼi ta kaghuni ya.

Yuhwana 15:17

Skwi ta mnaghunata yu ná, ka ɗvuta kuni ta vgha ghuni sani nda sani, » kaʼa.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

1Tes 4:9

Ta ghəŋa ɗvuvusta ghuni ta ghəŋa ghuni ná, ta dzaʼa vindaghunafta nda vinda a lu wu, kabga ghada ghada Lazglafta ka ghəŋa ni ta taghaghunafta.

Hebru 13:1

Gɗavawagɗa nda ɗvuvustá sani nda sani manda la zwana ma.

1 Piyer 4:8

Mali ma inda skwi ná, tsaya gɗavata ghuni nda ɗvuvustá vgha nda ŋuɗuf turtuk sani nda sani, kabga ta tiŋway ɗvu ta mndu ŋa plinistá ndəghata dmakwa mnduha.

2 Piyer 1:7

Ta ghəŋa nzaku ta zɗəganatá Lazglafta, ka sganaghata kuni ta nzaku hmətət manda la zwana ma. Ta ghəŋa nzaku hmətət manda la zwana ma, ɗvutá mndu.

1 Yuhwana 3:11

Daga zlrafta ghuni ta zlghaftá gwaɗa Lazglafta mnaghunata lu kazlay: Ɗvumaɗva ta sani nda sani kəʼa.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.

1 Yuhwana 4:20

Ka « ɗvu ɗva yu ta Lazglafta » ka mndu, tata husaŋ husa zwaŋama ni katsi ná, tsakalawi tsa ta tsakal tsa mndu ya, ɗvu a ta Lazglafta wa. Ka ɗvu a mndu ta zwaŋama ni ya nghaŋ tsi nda ira ni wu katsi ná, waká a dzaʼa ɗvutá Lazglafta ya kul nghaŋtá tsi na?

2 Yuhwana 1:1

Iʼi glata mndu ta vindaftá na tsghatá lwi ná, ŋa makwa ta rka ya zbap Lazglafta, nda ya ŋa zwana ni ya ta ɗvu yu kahwathwata. Iʼi turtukwa ɗa yeya a ta ɗvutá kaghuni wu, nduk nda inda gwal nda sna ta kahwathwata tani.