2 Piyer 2:4 - Hdi

⁴ Dər tsa duhwalha Lazglafta ta ga ta dmaku ghalya ya ná, zlana a Lazglafta ta həŋ mantsa wa. Ama ka pghaghatá tsi ta həŋ da duda vu, ka tsamtá həŋ nda ziɗa ma grum, ka kəzla fitika guma.

2 Piyer 2:4 ပူးပေါင်းရင်းမြစ်များ

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Mata 8:29

Ka gi dzə həŋ ta lawlaw. Ka həŋ mantsa: « Nya mataba mu nda kagha ní Zwaŋa Lazglafta? Sagha da ghuyaŋnaftá ka ta kul magaku fitika ni ra? » ka həŋ.

Markus 5:7

ka wahu nda lwi dagala. « Yesu Zwaŋa Lazglafta Dagala: Nya mataba ɗa nda kagha na? Ta ndəɓa dzvu yu da kagha nda həga Lazglafta, ma ghuyɗip ka ta ɗaŋwa, » kaʼa.

Lukwa 10:18

Ka Yesu nda həŋ mantsa: « Nda ngha yu ta halaway ta dəɗagata ta luwa manda wuɗakwa luwa.

Lukwa 8:31

« Kdəkkdək, yaha ka da ghuna aŋni da gudzuvruŋwa vu, » ka tsa duhwala halaway ya ndiʼata, ka ndəɓa dzvu da Yesu.

Yuhwana 8:44

Da ghuni ná, halaway ya. Ta kumay kuni ta maganatá skwi ta zɗəganata. Nda nza tsatsi ka mnda dzata mndu daga ma zlrafta. Ta walaŋ a ta sladafta ta kahwathwata wu, kabga haɗ kahwathwata da tsi wa. Vərɗa ŋa ni ma gwaɗa ta gwaɗagapta ná, tsakalawi ya, kabga tsakalawi tsatá fwa tsatsi. Da ni ma tsakalawi tsatsi guli.

La Ruma 11:21

Ka si zlana a Lazglafta ta zligamaha fu ya ta hvə lu nda hva ya wu katsi ní, kagha yeya dzaʼa zlaghata tsi ka zlghaf a ka rki?

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

Vrafta ta zlahu 29:20

Dzaʼa dgana dga Yawe nda inda mndəra la Israʼila ŋa slanaghata zləmnda, taɓta inda ksiʼa dzratá wi nda vinda ma na deftera zlahu na. »

2 Piyer 2:11

Dər duhwalha Lazglafta ya ta malaghutá tsa gwal ta tagha ghwaɗaka skwi nda mbraku ya má, haɗ həŋ ta ghuɓasa həŋ, ka raza həŋ ta kəma Lazglafta wa.

2 Piyer 2:5

Tsa mnduha ghalya ta gatá dmaku ya guli ná, zlana a Lazglafta ta həŋ mantsa ya guli wa. Ka zaɗanatá tsi ta tsa gwal ta maga ghwaɗaka skwi ya nda ima mabuɗbuɗ. Ta ghəŋa Nuhu si ta mnay ŋa mnduha kazlay: Magawa skwi tɗukwa kəʼa yeya mbanaf tsi, nda sanlaha ma mnduha ndəfáŋ guli.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

1 Yuhwana 3:8

Mndu ta gɗata ta maga dmaku ná, mista halaway tsa mndu ya, kabga ta maga dmaku halaway daga ka yawu zlrafta ni ta gata. Tsaya kəl Zwaŋa Lazglafta ka saha. Saha ni ta ghəŋa haɗik ná, ŋa zliŋtá slna halaway.

Yuda 1:13

Manda tska ta ŋəɗak ta wa sgam, tskana vəl va gamtsaʼuwakwa drəf ya na dmakuha taŋ. Manda tekwatsa ta sliʼafta ta vla taŋ ka ndandaraku ta luwa ya həŋ. Ma vəl ka ŋəra tɗik fanata Lazglafta ta vli ŋa nzakwa taŋ ŋa kɗekedzeŋ.

Yuda 1:6

Havak kuni guli ta mnduha Lazglafta ta *Pak vla ga mgham vlaŋ lu ta həŋ, ka zlanavatá tsa vli si vlaŋ Lazglafta ta həŋ ya. Ta ghəŋa tsaya kəl Lazglafta ka hlaftá həŋ ka tsamta, ka zlaŋtá həŋ ma vəl tɗika ŋa kəzla kɗiŋta Lazglafta ta tsatá guma ta ghəŋa taŋ baɗu tsa fitik dagala ya.

Suna Yuhwana 20:10

Ka gi klaftá lu ta tsa halaway ta nana həŋ ya ka vzaghata da duda vu ghandand ma vli hada tsa nimtak nda ghwaɗaka anabi ya, ŋa giri ŋa taŋ hada nda fitik tani, nda rviɗik tani ha ŋa kɗekedzeŋ.