2 Piyer 2:3 - Hdi

³ Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

2 Piyer 2:3 ပူးပေါင်းရင်းမြစ်များ

Mata 23:14

« Ɗaŋwa ŋa ghuni gwal tagha zlahu ŋa mnduha nda la Farisa. Tsa maɗgwirmaɗgwira ghuni ya. Kaghuni ta hluguduŋtá skwa miʼa wadgu. Ka va slriŋtá maga duʼa ŋa nghay wa ira mnduha. Tsaya tama dzaʼa kəl lu ka tsaghunaghatá guma ka malaghutá mbraku.

Lukwa 18:8

Ka iʼi ta mnaghunata, dzaʼa gi magana maga ta zɗaku ta həŋ gi hada hada. Nziya nza tsi, baɗu vragata dzaʼa vragata *Zwaŋa mndu ní, dzaʼa slanagha sla ta gwal ta zlghafta nda ŋuɗuf rki na? »

Lukwa 20:20

Ka va ɗakwats həŋ ta Yesu, ka ghunadaghatá həŋ ta sana mnduha ta nzakway manda va ya ŋərma mnduha ya, da ɗawa gwaɗa da Yesu, ŋa ɗakwatsa gwaɗa da tsi, ŋa ksafta ka vlaŋtá ŋumna.

Lukwa 22:47

Tata tsa gwaɗa ya *Yesu, nda sliʼadaghata mnduha vlunduɗ slanaghata. Tsa mndu ta hgə lu ka Zudas tekw mataba duhwalha ghwaŋpəɗ his ya kay ta kəma taŋ. Ka lagha tsi ta vata Yesu da brusay.

Yuhwana 2:16

« Hliŋwa na skwiha na hadna, ma niŋ kuni ta həga Da ɗa ka həga mbəɗa dzvu, » kaʼa nda gwal dzawa ghərbuʼha.

La Ruma 16:18

Mndərga tsa mnduha ya ná, maganatá slna ta *Kristi Mghama mu a ta mag həŋ ɗekɗek wu, ŋa huɗa taŋ ta maga həŋ ta slna. Hlemem ka həŋ ta magaku. Ta gatutawi, ka nana gwal kul snaŋtá dgata skwi ɗina nda ya kul ɗinaku həŋ.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

Vrafta ta zlahu 24:17

Yaha ka kwalaghutá skwi ta raŋta mayəm nda ŋa tawakri. Yaha ka klaghuta ka muluɗay ta lguta wadgu.

Vrafta ta zlahu 32:35

Iʼi dzaʼa planamtá mndu, iʼi dzaʼa vranamta, ma fitika tsəhiŋta skwi ta səla taŋ, kabga ndusak ndusa fitika slanaghata ɓadzaku ta həŋ, dzaʼa gi sagha sa skwi ya payaf lu ta ghəŋa taŋ. »

1Tes 2:5

Nda sna kaghuni kazlay: Ta walaŋ a aŋni ta hihiŋaŋtá hihiŋaku da mndu wu kəʼa. Haɗ gwaɗa ŋa hahatá mndu gwaɗa ŋni wa. Nda sna Lazglafta kazlay: Mantsa ya nzakwa ni kəʼa.

1Tes 5:3

Ma fitika mnay mnduha kazlay: Zɗa nzaku, ta haɗ hwazlaɓaku wu kəʼa ya, gi ma tsaya dzaʼa slakwa ɓadzaku, manda va ya ta sagha fitika dgakwa marakw nda huɗi dluk ya. Haɗ həŋ dzaʼa ndapta mida wa.

1Tim 3:3

ma nza tsi ka mndu ta sa ima inabi, ma nza tsi ka mndu ta sidi, ama leɓtekw ka nzakwa ni. Ma nza tsi ka mndu ta ghazeŋzeŋ, ma nza tsi ka mndu ɗvutá ta tsedi.

1Tim 3:8

Gwal ta ksa slna ma səla mnduha ya guli, ɗina ka nzakwa taŋ. Yaha həŋ pgha wirak his ma vu, yaha həŋ nzakway ka gwal ta sasaku, ka gwal ta zba tsedi nda ta ghwaɗaka tvi.

1Tim 6:5

nda zlərɗutawi kul kɗavakta mataba gwal kul haɗ ghunislak ma ghəŋa taŋ. Snəgla a həŋ ta kahwathwata wa. Dina ná, skwi ŋa mutsa gadghəl ya ka hahəŋ ta ndanay.

Titus 1:11

Ka hanafta lu ta wi ta həŋ, kabga ta ɓadza nzaku ma həga ga mndu həŋ nda tagha skwiha kul raku ŋa mndu, ŋa mutsa skwi ta tvi kul ɗinaku.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

1 Piyer 2:8

Ka lu vindafta guli na: « Tsa pala ya ná, ta dza mndu ka tuthun. Tsa pala ya ta zlambanaptá mnduha, » kaʼa. Ta dzay ta həŋ ka tuthun, kabga kwalaghuta taŋ ta snanatá gwaɗa Lazglafta. Manda tsaya thanafta Lazglafta ta həŋ daga manda ghalya.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

2 Piyer 1:16

Ma fitika mnaghunata ŋni ta saha dzaʼa saha *Yesu *Kristi ma mbrakwa ni ná, prukutunzum ya gi ta tsaʼata mnduha ma ghəŋa taŋ a mnaghuna ŋni wu, ama skwi ghada aŋni ta nghaŋtá mbrakwa ni nda ira ŋni ya mnaghuna ŋni.

2 Piyer 2:1

Ghalya, zlagap zlaga ghwaɗaka anabiha mataba mnduha Lazglafta, mantsa ya guli dzaʼa zlagapta ghwaɗaka gwal tagha skwi mataba ghuni. Dzaʼa kladam kla həŋ ta ghwaɗaka tagha skwi ŋa zaɗiŋtá mnduha, ŋa vziŋta taŋ ta *Yesu *Kristi ta nzakway ka mnda tagha skwi ta mbanaftá həŋ ya. Mantsa ya gi dzaʼa tɗakta həŋ ta zaɗaku ta ghəŋa taŋ.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

Yuda 1:11

Ɗaŋwa ŋa taŋ, kabga mndərga skwi maga Kayinu ghalya ta mag həŋ. Ka vziŋtá həŋ ta ghəŋa taŋ ka maga ghwaɗaka skwi ŋa mutsa tsedi manda ŋa Balama ghalya guli, ŋa rwakwa taŋ kabga sliʼavafta taŋ nda zlərɗutawi manda ŋa Kurah ghalya.

Yuda 1:15

ŋa tsa guma ta ghəŋa inda mndu ta ghəŋa haɗik, ŋa tsanaghatani ta guma ta inda gwal kul sna gwaɗa da tsi. Ta ghəŋa vəl maganata taŋ ta ghwaɗaka skwi, nda ya ta ghəŋa ŋaslu bədzakana həŋ guli, » kaʼa.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

Yuda 1:7

Havak kuni guli ta luwa Sədum nda luwa Ghamura, nda sana luwaha ta wanaftá həŋ. Ka mag mnduha ma tsa luwaha ya ta sliʼiŋsliʼiŋ manda ŋa tsa duhwalha Lazglafta ya. Ka sliʼamtá həŋ da hliri nda sluʼuvgha ya kul raku ka magay mnda səla. Ka pghamtá Lazglafta ta həŋ ma vu kul mtavata ɗekɗek. Tsaya ná, ŋa maranaŋtá mnduha ta skwi ya dzaʼa mag Lazglafta nda gwal ta magaku mantsa ya.