2 Piyer 2:10 - Hdi

¹⁰ Katkatatani ná, ta ghəŋa gwal ta maga ghwaɗaka skwi kumaŋ sluʼuvgha taŋ, nda gwal ta hərtətatá ga mghama Lazglafta, dzaʼa tsi giri ŋa taŋ. Tsa mnduha ta tagha ghwaɗaka skwi ya ná, haɗ hula ta wa ira taŋ wa. Ta gla ghəŋ həŋ. Vla a həŋ ta glaku ŋa duhwala Lazglafta ta luwa wa. Ta razu nda raza həŋ.

2 Piyer 2:10 ပူးပေါင်းရင်းမြစ်များ

Zlrafta 49:6

Haɗ yu dzaʼa lami da skwi ta dzrə həŋ wa. Ksaf a fləma ɗa ta tsa skwi ta guy həŋ ta ghəŋ ta ghəŋa ni wa. Ma gufatá ŋuɗufa taŋ ná, dzaʼa həŋ ta mndu. Ŋa zɗanaftá ŋuɗuf ta həŋ ná, ka tsanaptá həŋ ta dzalakwa lghəŋ.

2Sam 20:1

Mamu sana falaya mndu hada ma Gilgal ta hgə lu ka Seva, zwaŋa Bikri, mnda la Biŋyamiŋ ya. Ka vyatá tsi ta duli, kaʼa mantsa: « Haɗ skwi ta nghaŋnaghatá aŋni nda Dawuda wa. Haɗ aŋni ta zuvustá həga nda tsa zwaŋa Yisay ya wa. Ariwa la Israʼila, ka vra dər wa dzagha ni! » kaʼa.

1Mgh 12:16

Nghadapta inda la Israʼila ná, fana a mgham ta sləməŋ ta həŋ ka sna skwi ta ɗaw həŋ wu, ka mnduha zlghanaftá wi ta mgham mantsa: « Nahgani ŋa ŋni nda Dawuda na? Haɗ ŋni ta zuvustá həga nda tsa zwaŋa Yisay ya wa! Ariwa la Israʼila, ka vra dər wa dzagha ni! Ndanana, nghap ngha ka həga gha a Dawuda! » ka həŋ. Ka varaghutá la Israʼila dzagha taŋ.

Sabi 22:28

Ma gərɗana kuni ta klaɗiktá mayaka ɗa ma skwiha ta tska kuni ta vwah, nda ima inaba ghuni. Dzaʼa vliha vla kuni ta zumaliha mataba zwana zgwana ghuni.

Mbsak 15:30

Ama mndu ta gatá dmaku ka palama, dər zwaŋa haɗik tsi, dər mayəm ta nzaku mataba ghuni a tsi, tsa mndu ya ná, raza raza ta Yawe, dzaʼa kliŋ kla lu ta tsa mndu ya mataba mnduha ni.

Lukwa 11:25

Ka ta vradaghatá tsi da tsa həga ya, nda tsukwa vli mida nda paya ɗina katsi,

Lukwa 19:14

Tsa mndu ya ná, ta husaŋ husa ta tsa mnduha ta tsa haɗik ya. Ka ghunaftá həŋ ta mnduha ta hula ni kazlay: Va a ŋni ta gay ni ta mgham ta ghəŋa aŋni wu kəʼa.

Slna gwal ghunay 23:5

« Sna a yu kazlay: Mali ta ghəŋa gwal dra skwi ŋa Lazglafta ya kəʼa zwana ma wu, kabga nda vinda guli kazlay: Haɗ ka dzaʼa raza mgham ta ghəŋa mnduha gha wu kəʼa, » ka Pwal.

La Ruma 8:1

Ndanana tama, tsanaghata a Lazglafta ta guma ta gwal nda ndiʼa vgha taŋ nda *Yesu *Kristi wu,

1Kwa 6:9

Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw,

2Kwa 10:3

Aŋ mndani, mnda səla aŋni, tsaw vulu manda ŋa mnda səla a ta vulu aŋni wa.

Afisus 4:19

Ksa a hula ta həŋ dər kinawu magata həŋ ta ghwaɗaka skwi wa. Skwi ta kum sluʼuvgha ta magay fa hahəŋ ta ghəŋa taŋ ŋa magay. Sliʼiŋ sliʼiŋ yeya ŋa taŋ ta magay, zla a həŋ guli wa.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

1Tes 4:7

Hgaf a Lazglafta ta amu ŋa maga sliʼiŋsliʼiŋ wa. Hgaf ŋa nzata mu hezleʼ a ta amu.

2Tim 3:2

kabga dzaʼa nzakway mnduha ka gwal ta ɗvutá ghəŋa taŋ, ka gwal ta ɗvutá tsedi, ka gwal ta ghərɓaku, ta gla ghəŋ, ka gwal ta kwara kwara ta ghəŋa Lazglafta, ka gwal kul haɗ nziʼiŋa taŋ ta dadaha taŋ, ka gwal kul haɗ ta rfa mndu, ka gwal kul haɗ ta zləŋa Lazglafta.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

2 Piyer 3:3

Skwi ŋa snaŋta ghuni karaku ná, ɗina ka snaŋta ghuni kazlay: Ma ndusakta kɗavakta fitik ná, dzaʼa sliʼagap sliʼa inda gwal ta maga skwi manda ya kumaŋ ghəŋa taŋ, dzaʼa ghuɓasay həŋ ta kaghuni kəʼa.

Yuda 1:10

Hahəŋ ta taŋ, raraza skwi kul snaŋtá həŋ yeya ŋa taŋ. Manda nimtak magakwa taŋ, ghəŋa zaɗaku ta kala həŋ.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.

Yuda 1:18

Ka həŋ mnaghunata na: « Mamu mnduha dzaʼa ghuɓasa gwal ta zlghaftá Lazglafta ma kɗavakta fitikha. Nzaku manda ya kumaŋ tsa ghwaɗaka ndana taŋ ya, ŋa taŋ. »

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

1Sam 10:27

Ama ka falayha mantsa: « Waká tsaya dzaʼa mbamafta na? » ka həŋ. Ka hərtətatá həŋ, ka kwalaghutá həŋ ta klədanaghatá skwa mbəhuha. Ama ndanaŋ a Sawulu wa.