2 Piyer 1:21 - Hdi

²¹ Tsa gwaɗaha hlak la anabi ya ná, haɗ ya walaŋ mnda səla ta tsaʼata ma ghəŋa ni wa. Sulkum nda ghuɓa ta vlaŋtá mbraku ta həŋ, ŋa mna skwi ya mnanaf Lazglafta ta həŋ.

2 Piyer 1:21 ပူးပေါင်းရင်းမြစ်များ

2Sam 23:2

Gwaɗa gwaɗa Sulkuma Yawe ta gwaɗa nda ma iʼi, ta ghanika ɗa nzafta gwaɗa ni.

1Mgh 13:1

Ta sladu Yaruvgham ta vata gwir ta dzaʼa dra urdi ŋa dray nda dra, ka lagha sana mnda Lazglafta ma Yuda da Betel, manda ya mnanaf Yawe.

1Mgh 17:18

Ka tsa marakw ya nda Iliya mantsa: « Nya mataba u ní, a mnda Lazglafta? Ŋa havaktá krughuva ɗa, nda ya ŋa dzatá zwaŋa ɗa sagha ka da ini ra? » kaʼa.

1Mgh 17:24

Ka tsa marakw ya nda Iliya mantsa: « Ndana tama, nda sna yu kazlay na, mnda Lazglafta ka kəʼa. Gwaɗa Yawe ta mnagapta ka ma wa gha guli ná, kahwathwata nzakwa ni, » kaʼa.

2Mgh 4:22

Ka hgaŋtá tsi ta zəʼala taŋ, kaʼa mantsa: « Wya dzvu, ghunaɗik ghuna ta duhwal turtuk mataba kwalvaha nda kəɗih turtuk! Ta kumay yu ta dzaʼa misimmisim slanaghata mnda Lazglafta, ŋa gi vrakta ɗa, » kaʼa.

2Mgh 4:7

Ka lagha tsi rusanaftá mnda Lazglafta. Ka tsa mndu ya nda tsi mantsa: « La da dzawaptá tsa rɗi ya, ka plata ka ta tsa dməŋ ta kagha ya. Pɗakwa ni ya, ŋa zay ghuni nda zwana gha, » kaʼa.

2Mgh 4:9

Ka tsa marakw ya nda zəʼala taŋ mantsa: « Nda sna yu kazlay na, tsa mndu ta gɗata ta sagha da amu ya ná, mndu nda ghuɓa ya, mnda Lazglafta kəʼa.

2Mgh 6:10

Ka ghunaftá mghama la Israʼila ta mnduha da nzata ma tsa vli mnanaf mnda Lazglafta ya. Kidaghi səla taŋ ta magay.

2Mgh 6:15

Ka tsavaftá slufa mnda Lazglafta ga sərɗək ŋa sabi ma luwa, kəʼa kəʼa ná, wanaf wa bakwa sludziha, nda plis nda plis, nda mwata plisha. Ka tsa duhwala ni ya nda tsi mantsa: « Aya rvera ɗa! Waká u dzaʼa magay na? » kaʼa.

1Rus 23:14

Ama Musa, mnda Lazglafta ya ná, mbəɗam mbəɗa lu ta zwana ni mataba mndəra la Levi.

2Rus 8:14

Manda tva skwi ŋa magay ya mna da ni Dawuda, ka paghamtá tsi ta bakuha gwal dra skwi ŋa Lazglafta ma slna taŋ, nda la Levi ma slna taŋ ŋa fa laha zləzləvu ta kataŋtá gwal dra skwi ŋa Lazglafta taɓta ya mnaf lu ŋa magay nda fitika ni nda fitik ni, mantsa ya gwal ngha wa tgha dagap lu ta həŋ ta wa tgha nda bakwa taŋ nda bakwa taŋ, kabga mantsa ya mnafta Dawuda, mnda Lazglafta.

Mbsak 16:28

Ka Musa mantsa: « Ma nana dzaʼa snaŋta kuni kazlay Yawe ta ghunaftá iʼi ŋa hɗanamtá inda na slnaha na kəʼa. Iʼi gaghəŋ gaghəŋa ɗa a ta tsaʼatá wa.

Markus 12:36

Ya wya ka vərɗa Dawuda pghafər Sulkum nda ghuɓa mnata: “Ka Mgham Lazglafta mnanatá Mghama ɗa na: Nza nza gha nda ga zeghwa ɗa ha ka sagha fitik dzaʼa niŋta yu ta ghumaha gha ka skwa diŋlay gha,” kaʼa.

Lukwa 1:70

manda ya mnigiŋ tsi nda ma wa la anabi daga ghalya kazlay:

Slna gwal ghunay 1:16

« Zwana ma ɗa, nda ra ka magakwa skwi ya mna Sulkum nda ghuɓa ma defteri nda ma wa Dawuda ta ghəŋa Zudas, ta nuta ka mnda kla kəma ŋa mnduha ya ta ksaftá Yesu ya.

Slna gwal ghunay 28:25

Ka traptá həŋ ta dzrafta wi ka skwa turtuk, ka gazlə həŋ. Ka Pwal nda həŋ mantsa: « A ta ŋa Sulkum nda ghuɓa ta mnay ŋa dzidzíha ghuni nda ma wa anabi Isaya kazlay:

Slna gwal ghunay 3:18

Mantsa ya dzanaghata Lazglafta ta ghəŋa skwi ya mna tsi manda ghalya nda ma wa inda la anabi kazlay: Dzaʼa ghuyay Kristi ta ɗaŋwa kəʼa.

Vrafta ta zlahu 33:1

Wya tfa wi ya tfanagha Musa, mnda Lazglafta ta la Israʼila makəɗ tsi ka mtuta.

Hebru 10:15

Ta tsalamaptsala Sulkum nda ghuɓa guli kazlay: Prək tsa pla ghəŋ turtuktuk ya kəʼa. Kaʼa karaku na:

Hebru 3:7

Tsaya tama kəl Sulkum nda ghuɓa ka mnay kazlay: « Gita, ka nda sna kuni ta lwa ni,

Hebru 9:8

Mantsa ya kumaŋta Sulkum nda ghuɓa ta mnamaŋta kazlay: Haɗ tvi ŋa lami da tsa huɗi nda ghuɓa katakata ya, ka ta gɗava gɗa tsa taŋtaŋa huɗi ya wa.

Yəhusuwa 14:6

Ma sana fitik, ka lagha gwal ma mndəra la Yahuda slanaghatá Yəhusuwa ma Gilgal. Ka Kalep zwaŋa Yəfune mnda la Kənaz, nda tsi mantsa: « Nda sna ka ta gwaɗa mnana Yawe ta Musa, mnda Lazglafta ma Kadesbarnegha ta ghəŋa ɗa, nda ya ta ghəŋa kagha.

1 Piyer 1:11

Ka mnə Sulkuma Kristi, ta nzakway ma ŋuɗufa taŋ ta gwaɗa ta ghuya ɗaŋwa ya dzaʼa ghuyta Kristi, ma kɗaku tsi mutsa glaku. Ka ŋavatá tsa anabiha ya ka psa snaŋta, ka yawu dzaʼa magakwa tsa skwi ya, nda ya ka kinawu kəʼa dzaʼa magaku ya.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.