2 Piyer 1:16 - Hdi

¹⁶ Ma fitika mnaghunata ŋni ta saha dzaʼa saha *Yesu *Kristi ma mbrakwa ni ná, prukutunzum ya gi ta tsaʼata mnduha ma ghəŋa taŋ a mnaghuna ŋni wu, ama skwi ghada aŋni ta nghaŋtá mbrakwa ni nda ira ŋni ya mnaghuna ŋni.

2 Piyer 1:16 ပူးပေါင်းရင်းမြစ်များ

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »

Mata 17:1

Tahula fitik mkuʼ, ka hlaftá *Yesu ta i *Piyer nda Yakubu nda zwaŋama ni Yuhwana nda ghəŋa taŋ, ka laghu həŋ ta sana ghwá nda slra.

Mata 24:27

Sagha dzaʼa sagha *Zwaŋa mndu ná, dzaʼa sagha manda wuɗakwa luwa nda ma mndəra luwa, ka ranaftá vli kutsuk ma mndəra luwa ya, dzaʼa nzakwa tsi.

Mata 24:3

Ka sliʼaftá *Yesu ka laghu nzata ta ghwá *Zaytuŋ. Ka lagha duhwalha ni slanaghata. Ka nzata həŋ nda ghəŋa taŋ kawadaga nda tsi. Ka ɗawaŋtá həŋ da tsi: « Mnaŋna mna ka yawu dzaʼa magakwa tsa skwi ya. Kinawu ka ŋni dzaʼa snaŋtá fitik dzaʼa kəl ka ka sagha, nda fitika kɗakwa ghəŋa haɗik na? » ka həŋ.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Markus 13:26

Ma tsaya tama, dzaʼa nghaŋta lu ta saha *Zwaŋa mndu nda mbraku ma ghwayak, ta wuɗaku katakata ma glakwa ni ta saha tsi dzaʼazlay.

Markus 14:62

Ka Yesu zlghanaftá mantsa: « Aŋi, iʼi ya. Dzaʼa nda ngha kuni ta iʼi *Zwaŋa mndu ta nzaku nda ga zeghwa Lazglafta nda mbra. Dzaʼa nghay kuni ta saha ɗa ma kusay ta luwa guli, » kaʼa.

Lukwa 1:2

Ka vindaftá həŋ manda va skwi nghaŋ gwal ta nzakway ka masləmtsəka tsa skwi ya, ta nuta ka gwal mna gwaɗa Lazglafta daga taŋtaŋ.

Lukwa 9:43

Ka ndərmim mnduha ta glakwa mbrakwa Lazglafta. Ta laghu mnduha da ndərmima inda tsa skwi maga Yesu ya, ka Yesu nda duhwalha ni mantsa:

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

1Kwa 1:17

La ka dzaʼa ka maga batem ŋa mnduha a ka Kristi nda iʼi wu, la ka dzaʼa ka da mna *Lfiɗa Gwaɗa ŋa mnduha, kaʼa nda iʼi. Ka dzaʼa ka klaʼatá ɗifila ghəŋa gha ka mnay a kaʼa nda iʼi guli wa. Ka má si skwi ma ghəŋa ɗa ka yu klaʼata ka mnay katsi ná, má dzaʼa nzakway mtatá Kristi ta udza zləŋay ka skwa bətbət.

1Kwa 1:23

Aŋni, gwaɗa ta zləŋatá *Yesu Kristi ta udza zləŋay ŋa aŋni ta mnay. Ka zaɗiŋtá tsa gwaɗa ya ta la Yahuda. Tsaɓaku tsa gwaɗa ya ka hamata gwal kul nzakway ka la Yahuda guli ta mnay.

1Kwa 1:7

Tsaya kwal kuni pɗatá inda skwiha ta vlə Lazglafta ŋa mnduha ni, na tsa kaghuni ta kəzla fitika nghəglaŋta mu ta Mghama mu Yesu Kristi ya.

1Kwa 2:1

Vərɗa iʼi ná, ma fitika lagha ɗa da kaghuni da mna ɗifatá skwa Lazglafta ta zlagamapta ná, haɗ gwaɗa nda la mnaghuna yu wa, nda sna yu ta skwi a ka yu guli wa.

1Kwa 2:4

Ma tsa fitika mnay ɗa ta gwaɗa Lazglafta ka tagha skwi ŋa ghuni ya ná, maraghunaŋta hiɗaku ka ghuɓaptá kaghuni a si ta mag yu wa. Sulkuma Lazglafta nda mbrakwa ni ta maraghunata kazlay: Kahwathwata tsa gwaɗa mnə yu ya kəʼa.

1Kwa 5:4

Tsatsa yu ta tsa guma ya nda hga Mghama mu *Yesu. Skwi ta mnaghunata yu ná, tskavawa tska. Ka tskava tska kuni katsi, ya kawadaga sulkuma vgha ɗa nda kaghuni. Kawadaga mbrakwa Mghama mu Yesu guli nda kaghuni.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

2Kwa 4:2

Haɗ ta ŋana vgha nda ghwaɗaka skwiha ta mag lu ma ɗifa ma ɗifa, ta pgha hula ŋa mndu wa. Nana a aŋni ta mndu wu, haɗ aŋni ta mbaɗanaftá gwaɗa Lazglafta wa. Katək ná, kahwathwata ni ŋa aŋni ta mnigiŋta baŋluwa. Mantsa ya dzaʼa kəl inda mndu ka ɗasla kahwathwata ŋni ma ŋuɗufa ni ta kəma Lazglafta.

Afisus 4:14

Nda tsaya tama ná, nzata a mu manda zwani wa. Nanglafta a gwal tsakalawi ta amu nda tsa ghwaɗaka skwa taŋ ta tagh həŋ ya ŋa zaɗimista ma tvi, manda kwambalu ta klambaraku ta ghəŋa drəf wa.

Filip 3:21

Saha ni dzaʼazlay ná, ŋa mbəɗanaftani ta na vgha mu kul haɗ ghəzliwa ni na, ka ŋlanafta manda ŋa ni, nda mbraku ya kəl tsi ka nzanaghatá inda skwi, dzaʼa maga tsi.

1Tes 2:19

Ta wa fatá ghəŋa ŋni, nda haratá ghəŋa ŋni, nda ghərɓa zewzewa glaku dzaʼa ŋni mutsay baɗu fitik dzaʼa sagha Mgham Yesu Kristi ya katək na? Ta kaghuni ya a katək tsa wa?

2Tes 2:9

Nda mbrakwa halaway dzaʼa saba tsa ghwaɗaka mndu ya, ŋa magay ni ta inda mazəmzəmha, nda inda skwi ya ta ndrakawu lu nda ndrakawa, nda inda mandərmimi ŋa nana mnduha.

1Tim 1:4

Ka mnanata ka ta həŋ, yaha həŋ da laghu da hamtá ghəŋ ma gwaɗa ta prukutunzum, nda mbəɗa mndəra mndu kul haɗ lu dzaʼa kɗanakta. Ta klaktá hwazlaɓaku, ka zlaŋtá ŋlaku ta kəma ta kəma ma slna Lazglafta ma zlghay nda ŋuɗuf tsaha ya.

1Tim 4:7

Zluŋ zla ta gwaɗa prukutunzumha ta gwaɗ halata miʼaha. Ŋava ŋa kagha, ka nza ka ta nzaku ma ndiʼatá vgha gha nda Lazglafta.

Titus 1:14

Dəvanagha dva ta həŋ ka zlaŋta həŋ ta sna tsa garaku ta garə la *Yahuda, nda tsa zlahuha mnduha ta mbəɗanatá hul ta kahwathwata ya.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!