2Tim 2:24 - Hdi

²⁴ Va ni ná, haɗ mndu ta ksa slna Mgham Lazglafta ta zlərɗa wi wa. Katək ná, ta mamay ká inda mnduha ta tsa mndu ya, laviŋ lava katsi ta taghanaftá skwi ta mnduha. Ta ksay katsi ta ŋuɗuf ma skwi ta mnə mnduha tida.

2Tim 2:24 ပူးပေါင်းရင်းမြစ်များ

2Rus 24:6

Ka hgaftá mgham ta Yəhuyada, mali ta ghəŋa gwal dra skwi ŋa Lazglafta, kaʼa nda tsi mantsa: « Nya kwal ka havanaghatá la Levi ŋa hlagaghatá da inda mndu ma Yuda nda Ursalima ta dzumna ya tsaf Musa, kwalva Yawe nda guyatá ghəŋa la Israʼila, ŋa paya tumpula akwata dzratá wi na? » kaʼa,

Danyel 6:20

Tahula tsa, ka sliʼaftá mgham bit tgha tsaɗakwər vli, ka laghu tsi misimmisim da vla tsa ghuruma rveriha ya.

Mata 12:19

Zbəta a ta zlərɗa wi wa. Dzəta a ta lawlaw wa. Haɗ mndu dzaʼa snaŋta ta gugɗaku ta pazlala wa.

Yuhwana 6:52

Ka həŋ mantsa: « Waká na mndu na dzaʼa vlamatá sluʼuvgha ni ŋa zay na? » ka la Yahuda zlghanaftá ta ghəŋa ni.

Slna gwal ghunay 15:2

Zɗəgana a tsa tagha skwa taŋ ya ta i Pwal nda Branabas wa. Ka zlərɗ həŋ ta wi nda həŋ ta ghəŋa ni ka ŋɗaŋɗa. Ka lu tama mantsa: Ka la i Pwal nda Barnabas nda sanlaha mataba mu da Ursalima slanaghatá gwal ghunay, nda la galata mndu, ka tsiŋta həŋ ta gwaɗa ta ghəŋa ni, ka həŋ.

Slna gwal ghunay 23:9

Ka sliʼaftá inda mnduha nda gugɗaku. Ka sliʼavata sanlaha mataba gwal ta tagha zlahu ŋa mnduha ta nzakway mataba la Farisa gwaɗata nda lwi dagala dagala: « Mutsaf a aŋni ta sana ghwaɗaka skwi maga na mndu na wa. Ka sana Sulkum tsi, ka sana duhwala Lazglafta tsi, ka ki tsi ta gwaɗganata, » ka həŋ.

Slna gwal ghunay 7:26

Ga mahtsima ni, ka lagha Musa guyamtá ma lmu ta lmu gwal his mataba la Israʼila. Si ka kum tsi ta dzranaftá həŋ. Kaʼa nda həŋ mantsa: “Graha ɗa! La zwana ma kuni ná, kabgawu ta kəl kuni ka lmu na?” kaʼa.

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

2Kwa 10:4

Huzla ta kəl aŋni ka vula tsa vulu ya ná, huzla ta kəl mnda səla ka vulu a wa. Lazglafta ta vlaŋnatá tsa ŋa ŋni huzla nda mbra ta zaɗanatá vla ɗifa ghumaha Lazglafta ya. Ta zaɗana zaɗa ŋni ta ghwaɗaka ndanu ta ndanu mnduha.

2Kwa 6:4

Katək ná, ta maray ŋni ta nzakwa ŋni ka gwal maganatá slna ta Lazglafta ma inda skwi ta mag ŋni. Dər ta gay lu ta iri ŋa ŋni, dər ta ghuyay lu ta ɗaŋwa ŋa ŋni, dər ta gigray lu ta aŋni, ta ksay ŋni ta ŋuɗuf mida.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Afisus 4:2

Ma inda skwi ta mag kuni, nda hana ka ghəŋa ghuni, leɓtekwa ka nzakwa ghuni, ta ksay ka kuni ta ŋuɗuf. Suʼuwawa ta skwi ta magaghunata sanlaha, ka ɗvuta kuni ta həŋ.

Vrafta ta zlahu 34:5

Ka mtutá Musa kwalva Yawe hada ta haɗika Muwav manda ya mnaf Yawe.

Filip 2:14

Ma inda skwi ta mag kuni ya, ma ruruŋwaku kuni ta ruruŋwaku, ma zlərɗ kuni ta wi.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

Kwalus 3:13

Katuvuswa vgha, pluvuswa dmaku ka mamu skwi gana sani ta sani. Manda va ya plighunis Kristi ta dmakuha ghuni ya ná, pluvuswa dmakwa ghuni guli.

1Tes 2:7

Dər má dzaʼa maray ŋni ta glakwa nzakwa ŋni ka ghunata mnda *Kristi mndani ná, maraŋ a aŋni wa. Katək ná, leɓtekw hanaganata ŋni ta ghəŋa ŋni manda ya ta nghə marakw ta zwana ni ya.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Titus 1:9

Mndu ta laviŋta ŋanatá gwaɗa Lazglafta taɓta skwi manda va ya taghanaf lu katsi. Tsaya dzaʼa kəl tsi ka pərɗafta kataŋtá sanlaha nda taghanaftá skwi tɗukwa manda va ya ta raku ta həŋ, ŋa maranaŋtá krughuva taŋ ta gwal ta mbəɗanaftá gwaɗa.

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Yakubu 1:1

Iʼi Yakubu ta nzakway ka kwalva i Lazglafta nda Mgham *Yesu *Kristi, ta ga zgu yu ŋa ghuni mndəra mnduha Ghwaŋpəɗ his ta wutsa ta vgha ta ghəŋa haɗik.

Yakubu 3:17

Taŋtaŋ karaku, ɗifil ya ta saha ta luwa ná, nda ghuɓa. Tahula tsa, ta klak kla ta zɗaku nzaku, leɓtekwa, ta dzra ghəŋ, dagala hiɗahiɗa da tsi, slna ɗina ɗina ta sabi da tsi, haɗ ta gala mndu wu, haɗ maɗgwirmaɗgwir da tsi wa.

Yakubu 4:2

Ta haraʼuway kuni ta skwi, sew mutsaf a kuni wu, ka pslə kuni ta mndu. Ta mamay kuni ta skwi, triɗ mutsaf a kuni wu, ka zlərɗ kuni ta wi, ka lmu kuni ta lmu. Haɗ kuni ta mutsaftá skwi ta kum kuni wu, kabga ɗawa a kuni da Lazglafta wa.

Yəhusuwa 1:1

Tahula mtuta Musa, kwalva Yawe, ka Yawe nda Yəhusuwa zwaŋa Nuŋ, si slufa Musa ya mantsa:

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

Yuda 1:3

Graha ɗa ya ta ɗvu yu ma ŋuɗufa ɗa, gitagita a ta ɗvuta yu ta vindaghunaftá skwi ta ghəŋa gwaɗa ta mbaku ya ka skwa turtuk mu mida wu, kabga tsa, nda nza tkweʼ ka vindaghunafta ɗa, ŋa vlaghunatá mbraku, ŋa ŋavata ghuni ma zlghay nda ŋuɗuf ya zlghaf kuni, ya vlaŋ Lazglafta ta mnduha ni. Tsa gwaɗa ta mbaku ya ná, haɗ dzaʼa walaŋta mbəɗavafta wa.