2Tes 3:14 - Hdi

¹⁴ Ka haɗ yu ta sna tsa gwaɗa vindaf lu ya wu, ka mndu katsi, mnanaŋwa mnduha demdem, ka dgaghuta kuni ta vgha nda tsi, ŋa ksafta ni ka hula.

2Tes 3:14 ပူးပေါင်းရင်းမြစ်များ

Izra 9:6

Ka yu mantsa: « Lazglafta ɗa, nda kəɓa yu, nda ksa yu katakata da hula, laviŋ a yu ta walaŋta maraghaŋtá kuma ɗa wa. Lazglafta ɗa! kabga fərtu fərta dmakuha ŋni, laghu la ŋni guɗem dida, tskaf tska ta vgha ha ka lafi dikw ta luwa.

Mbsak 12:14

Ka Yawe nda Musa mantsa: « Ka má si tfanam tfa da ni ta sərɗək ma kuma ná, haɗ má hula dzaʼa ksafta ka fitik ndəfáŋ wu ra? Ka kliŋ kla lu ma ghuɓu ŋa fitik ndəfáŋ, tahula tsa ŋa vrakta ni da taba ghuni, » kaʼa.

Mata 18:17

Ka kwalaghu kwala tsi ta snanatá tsaha ya guli katsi, mnana mna ta *Igliz. Ka kwalaghu kwala tsi ta snatá ŋa Igliz katsi guli, ngha ta tsa mndu ya manda mndu kul snaŋtá Lazglafta, ka mnda tska dzumna a tsi.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

1Kwa 4:14

Ŋa pghaghunaghatá hula a ta vindaghunafta yu ta na skwi na wu, ŋa hurzlaghunaptá sləməŋ ta vindaghunafta yu, kabga zwana ta ɗvu yu kuni.

1Kwa 5:11

Skwi mnə yu ŋa ghuni ná, ma ksə kuni ta nzaku nda mndu ta mnay kazlay: Krista iʼi kəʼa ta mataba tsa ná, ta hliri, ta tsagana, ta wuya skwi, ta kuslemberaku, ta ghuyaku, ta ghali. Yaha kuni walaŋtá tsghə da hliba turtuk kawadaga nda mndərga tsa mndu ya.

1Kwa 5:9

Ma tsa ɗelewera ɗa vindaghunaf yu ghalya ya ná, mnaghuna mna yu kazlay: Yaha kuni da ksa nzaku nda gwal ta hliri kəʼa.

2Kwa 10:6

Ka sna sna kaghuni katsi ná, nda fa vgha aŋni ŋa dvanaghatá gwal kul snay mataba ghuni.

2Kwa 2:9

Ŋa dzəgha kaghuni vindaghunafta yu ta na ɗelewer na guli, kabga ta kumay yu ta snaŋta, ka ta snərsna a kuni ta inda skwi ta mnaghunata yu.

2Kwa 7:15

Havapta ni ka tsa zləŋata zləŋa kuni, ka slavaptá kuni ka tsuʼafta nda ya ka kuni fata ghəŋa ghuni ka snanatá gwaɗa ni ya ná, ta sganagha sga ta yifatá kaghuni ma ŋuɗufa ni.

Vrafta ta zlahu 16:12

Ka hava kuni si ta nzakwa ghuni ka vuʼa ma haɗika Masar. Ka ŋanata kuni ta tsa zlahuha ya ka ksa slna nda tsi. »

Filip 2:12

Zwana ma ɗa gwal ta ɗvu yu nda ŋuɗufa ɗa, ya wya nda sna kuni ka *Yesu hanaganatá ghəŋa ni mista Lazglafta ya, hanaganawa hana kaghuni guli ta ghəŋa ghuni mista ni. Ma fitika nzakwa mu kawadaga ná, si ta snay kuni ta gwaɗa ni. Magawa maga manda va tsaya daga ndanana dər haɗ yu kawadaga nda kaghuni. Kawadaga nda zləŋa Lazglafta, magawa maga kaghuni guli ta slna nda tsa mbaku vlaghuna lu ya.

Kwalus 4:16

Manda kɗiŋta ghuni ta dzaŋafta na ɗelewer na ná, ka tsəghanafta kuni ta Igliz ma luwa Lawdikiya ŋa dzaŋafta hahəŋ guli. Ŋa dzaŋafta kaghuni guli ta ya dzaʼa tsghəgaghunapta gwal ma luwa Lawdikiya.

1Tes 4:8

Tsaya tama, ka va a yu ta tsa gwaɗa ya wu ka mndu katsi, mndu a vziŋ tsi wu, Lazglafta ta vlaghunatá Sulkuma ni nda ghuɓa ya vziŋ tsi.

2Tes 3:6

Zwana ma ɗa, ma hga Mghama mu *Yesu *Kristi ta mna ŋni ta na gwaɗa na ŋa ghuni, tsaghwa vgha ta vata mnda zlghay nda ŋuɗuf ta yaɗi, kul haɗ ta maga skwi taghaghunaf ŋni.

Titus 2:8

Hya hya gwaɗa ká ka mnay, ŋa ksuta ni ta gwal mbaɗanaftá gwaɗa ka hula kada kwala həŋ mutsaftá vzaftá rutsak ta amu.

Titus 3:10

Ka mamu mndu ta kladamtá daga vgha da taba gwal zlghay nda ŋuɗuf katsi, ka dvanaghata ka karaku. Ka ta zlaŋ a tsi tahula dvəglanaghata gha ka mahis wu, ka zliŋta ka ta tva ni.

Filimuŋ 1:21

Ta vindi yu ta na ɗelewer na ná, nda sna yu kazlay: Dzaʼa magiha maga ka ta skwi ta ɗawu yu da kagha, nda sna yu guli dzaʼa maga maga ka ka malaghutá ya mna yu kəʼa.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

2 Yuhwana 1:10

Ka Lagha la mndu da Kaghuni, ka taghə tsi ta skwi tskəm nda skwi taghaghunaf Kristi katsi ná, ma tsuʼaf kuni ta tsa mndu ya ma həga ghuni, ma gə kuni dər zgu ŋa ni.