2Sam 7:22 - Hdi

²² Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

2Sam 7:22 ပူးပေါင်းရင်းမြစ်များ

2Sam 22:32

Wa Lazglafta ta ghəŋa Yawe na? Wa kutumba ka Lazglafta mu a tsi na?

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Rus 16:25

Dagala Yawe, raŋ ra zləzləvu, nda makwitkwit tida ka malaghutá sanlaha ma lazglaftaha,

2Rus 2:5

Ama wa dzaʼa laviŋta banaftá həga, ya wya ŋaf a dər luwa ta luwa ta ghəŋa luwa na? Wa iʼi ŋa laviŋtá banaftá həga na? Ba vla dra urdi ta kəma ni kweŋkweŋ yeya dzaʼa laviŋta iʼi ta banafta.

Sabi 10:2

Mantsa ya tama, ŋa rusay gha ŋa zwana gha nda ya ŋa zighiha gha ya ka yu sunustá ima zgi ta la Masar, nda ya ka yu magatá ŋizlaha ɗa mataba taŋ. Tsaya dzaʼa kəl kuni ka snaŋta kazlay na iʼi Yawe kəʼa, » kaʼa.

Sabi 15:11

Ari Yawe, wa ya manda kagha mataba lazglaftaha na? Wa ya ta gara vgha nda kagha na? Ta ndərmima mndu na ghuɓatá kagha! Nda sgit ta kagha ma inda slnaha gha, nda ra ka ka vlaŋtá glaku, mamu ka nda mbrakwa maga inda skwiha!

Sabi 8:10

Ka tsakanatá lu gəɗim gəɗim, ka ziʼuta vli ma tsa haɗik ya ghurndiŋ.

Sabi 8:6

Kaʼa mantsa: « Mahtsim, » kaʼa. Ka Musa mantsa: « Dzaʼa nzakway manda ya mna ka! Kada snaŋta ka kazlay haɗ mndu taɓta Yawe, Lazglafta ŋni wu kəʼa.

Sabi 9:14

Ndana tama, dzaʼa ghungaghaghatá inda zləmndaha ɗa yu ta vərɗa kagha, nda kwalvaha gha, nda mnduha gha tani. Mantsa ya dzaʼa kəl ka ka snaŋta kazlay na, haɗ ya ta gara vgha nda iʼi ta ghəŋa haɗik tender wu kəʼa.

Danyel 2:45

Nda ngha ka ta tsa pala ta dgaghutá vgha ka ghəŋa ni ka dɗagata ta ghwá ka dzaɓanaptá tsi ta kfur, nda ghuva tili, nda rɓisl drap lu nda dra, nda kfura tsedi, nda dasu ya. Snanam sna Lazglafta dagala ta mgham ta skwi ya dzaʼa magaku ta kəma. Kahwathwata nzakwa tsa suna gha ya. Tsa klatá ghəŋa ni mnəgaghap yu ya guli ná, skwi ŋa kwala gha dga ghəŋ ta ghəŋa ni ya, » kaʼa.

Vrafta ta zlahu 3:24

“Mgham Yawe, zlraf zlra ka ta maranaŋta kwalva gha ta glakwa gha, nda mbrakwa gha. Wati ma lazglafta ya dər ta luwa tsi, dər ta haɗik a tsi, ta laviŋta magatá mndərga na mghama slna maga ka na na?

Vrafta ta zlahu 32:39

Nghawa ɓa, iʼi ná, iʼi ya, haɗ sana Lazglafta ta ghəŋa iʼi wa. Iʼi ta dzata, iʼi ta zlaŋta nda hafu guli. Iʼi ta balanata, iʼi ta mbanafta. Haɗ mndu dzaʼa zluʼapta ma dzva ɗa wa.

Vrafta ta zlahu 4:35

Maraghunaŋ mara ta tsa skwiha ya ŋa snaŋta ghuni ta Yawe kazlay tsatsi Lazglafta, haɗ sani ta ghəŋa tsatsi wu kəʼa.

Vrafta ta zlahu 4:39

Grafwa gra gita, ka ndana kuni ma ŋuɗufa ghuni kazlay Yawe ná, Lazglafta ta luwa nda ya ta haɗik ya, haɗ sani wu, kəʼa.

1Sam 2:2

Haɗ mndu nda ghuɓa manda Yawe wu, haɗ sani ta ghəŋa kagha wa. Haɗ sana kutumba ŋa ɗifa mida manda Lazglafta mu wa.