2Sam 5:3 - Hdi

³ Mantsa tama, ka sliʼadaghatá inda galata mnduha la Israʼila slanaghatá mgham Dawuda ma Hevruŋ. Hada, ka dzraftá mgham ta wi nda həŋ ta kəma Yawe. Ka fatá həŋ nda ma pghanaghatá rɗi ta Dawuda ŋa nzakwa ni ka mgham ta ghəŋa la Israʼila.

2Sam 5:3 ပူးပေါင်းရင်းမြစ်များ

2Sam 2:4

Ka sliʼadaghatá mnduha la Yuda da hada, ka famtá həŋ ta Dawuda nda ma pghanaghatá rɗi ŋa nzakway ka mgham ta ghəŋa la Yuda. Ka lagha lu mnanatá Dawuda kazlay na mnduha la Yaves ma Gilghat ta paɗamtá Sawulu, kəʼa.

2Sam 2:7

Nzawa nza nda dra ŋuɗuf, ka dihavata kuni! Aŋ mnda ni nda mta daŋahəga ghuni Sawulu, zbap zba la Yuda ta iʼi nda ma pghaɗighatá rɗi ŋa nzakwa ɗa ka mgham ta ghəŋa taŋ, » kaʼa.

2Sam 3:21

Ka Avner nda Dawuda mantsa: « Ta mblam ka hafa gha rvera ɗa! Ka la yu da tskagaghatá inda la Israʼila da rveri, mghama ɗa, ŋa dzrafta taŋ ta wi nda kagha, ŋa gay gha ta mgham ta ghəŋa taŋ ma inda vli ya ndanaŋ ka, » kaʼa. Ka zlanaŋtá Dawuda ta tvi ta Avner, ka laghu tsi ma zɗaku.

1Mgh 1:34

Hada, ka pghanaghata i Tsaduk, mnda dra skwi ŋa Lazglafta, nda anabi Nataŋ ta rɗi ŋa famta ka mghama la Israʼila, ka vyata kaghuni ta duli nda hla wi kazlay: “Ta mblam ka hafa mgham Salumuŋ!” kəʼa.

2Mgh 11:17

Ka dzranaftá Yəhuyada ta wi ta Yawe, nda mgham, nda mnduha ŋa nzakwa taŋ ka mnduha Yawe. Dzranafha guli ta wi ta mgham nda mnduha.

1Rus 11:1

Ka sliʼadaghatá inda la Israʼila slanaghatá Dawuda ma Hevruŋ, ka həŋ mantsa: « Wana ŋni, sluʼuvgha gha ŋni, usa gha ŋni.

1Rus 11:3

Mantsa tama, ka sliʼadaghatá inda galata mnduha la Israʼila slanaghatá mgham Dawuda ma Hevruŋ. Hada, ka dzraftá Dawuda ta wi nda həŋ ta kəma Yawe ma Hevruŋ. Ka fatá həŋ nda ma pghanaghatá rɗi ta Dawuda ŋa nzakwa ni ka mgham ta ghəŋa la Israʼila taɓta gwaɗa Yawe ta mnata nda ma wa Samuyel.

1Rus 28:4

Zbap zba Yawe, Lazglafta la Israʼila ta iʼi mataba inda la ini, ŋa nzakwa ɗa ka mgham ŋa ɗekɗek ta ghəŋa la Israʼila. Zbap zba ta Yuda ka mali, ka zbaptá tsi ta la ga da ɗa ma mndəra la Yuda. Mataba zwani yaya da ɗa, iʼi kumaf tsi ŋa gá mgham ta ghəŋa inda la Israʼila.

2Rus 23:16

Ka dzraftá Yəhuyada ta wi, tsatsi, nda inda mnduha, nda mgham, ŋa nzakwa taŋ ka mnduha Yawe.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Yəhusuwa 10:36

Ka sliʼaftá Yəhusuwa nda inda la Israʼila ma Ghegluŋ, ka lafi da Hevruŋ, ka liŋtá həŋ guk nda vulu.

Gwal tsa guma 11:11

Ka laghu Yifta kawadaga nda galata mnduha la Gilghat. Ka fatá mnduha ka ghəŋ ta ghəŋa taŋ, ka mali ta ghəŋa gwal vula taŋ. Ka vrəglanaftá Yifta ta mnatá inda tsa gwaɗaha ya ta kəma Yawe, ma Mitspa.

1Sam 11:15

Ka sliʼaghatá inda mndu da Gilgal, ka famtá Sawulu ka mgham ta kəma Yawe, ma Gilgal. Ka vlatá həŋ ta pla ghəŋa zɗaku ta kəma Yawe. Ka rfu Sawulu kawadaga nda inda la Israʼila ta rfu katakata.

1Sam 16:13

Ka klaftá Samuyel ta dula rɗi, ka pghəganatá Dawuda ma ghəŋ ta wa ira zwana ma ni, ka saha Sulkuma Yawe suw ta ghəŋa ni daga baɗ tsaya. Tahula tsa, ka sliʼaftá Samuyel ka vraghuta da Rama.

1Sam 23:18

Ka dzraftá həŋ his his ta wi ta kəma Yawe. Tahula tsa, ka laghu Yunataŋ dzagha ni, ta nzatá Dawuda ma Hursa.