2Sam 5:19 - Hdi

¹⁹ Ka ɗawaŋtá Dawuda da Yawe, kaʼa nda tsi mantsa: « Ka ŋla yu da vulu nda la Filisti ra? Dzaʼa vla vla ka ta həŋ ma dzva ɗa ra? » kaʼa. Ka Yawe nda Dawuda mantsa: « Ŋla, kabga dzaʼa vla vla yu kahwathwata ta la Filisti ma dzva gha, » kaʼa.

2Sam 5:19 ပူးပေါင်းရင်းမြစ်များ

2Sam 2:1

Tahula tsaya, ka ɗawaŋtá Dawuda da Yawe, kaʼa mantsa: « Ka lafa yu da ya turtuk ma luwaha la Yuda ra? » kaʼa. Ka Yawe nda tsi mantsa: « Ŋla, » kaʼa. Ka Dawuda mantsa: « Da wati vli dzaʼa ŋladafta yu na? » kaʼa. Ka Yawe nda tsi mantsa: « Da Hevruŋ, » kaʼa.

2Sam 5:23

Ka ɗawaŋtá Dawuda da Yawe ta skwi ŋa magay ni. Ka Yawe nda tsi mantsa: « Ma laf ka, tsanagha tsa ta wara wara ta həŋ nda ta hul, ka dɗanaghata ka ta həŋ ma vla fuha ta hgə lu ka balsam ya.

1Mgh 22:6

Ka tskanatá mghama la Israʼila ta anabiha ta maga fwaɗ dərmək (400), kaʼa nda həŋ mantsa: « Dzaʼa laviŋ lava yu ta dzaʼa da vulu ma Ramut ma Gilghat re, ari ka kwalaghuta yu a na? » kaʼa. Ka həŋ mantsa: « Laf la gha! Dzaʼa vla vla Yawe ma dzva mgham, » ka həŋ.

Yakubu 4:15

Skwi má da mnə kuni katək ná, « ka ta ɗvaf ɗva Lazglafta ta kladamapta nda hafu katsi ná, dzaʼa magay ŋni ta skwi manda ya, nda skwi manda ya, » ka kuni má dzaʼazlay.

Gwal tsa guma 20:28

Pinhas, zwaŋa Ilghazar, zigha Haruna ta maga slna ta kəma Lazglafta ma tsa fitik ya guli. Ka həŋ mantsa: « Ka ləglapa ŋni da vula na vulu na nda mndəra la Biŋyamiŋ, zwaŋama ŋni re, ari ka zlanata ŋni a na? » kaʼa. Ka Yawe mantsa: « Lafwa la da vulay, kabga mahtsim, dzaʼa vla vla yu ta həŋ ma dzva ghuni, » kaʼa.

1Sam 22:15

Baɗ tsaya zlrafta yu ta ɗawa Lazglafta ta ghəŋa ni ra? Diʼiŋ tsaya nda iʼi, ma uwalaŋ mgham ta aŋni, dər iʼi, dər mndu ma həga ga ini. Va ni ná, sna a kwalva gha ɗekɗek ta inda na skwiha na wu, » kaʼa.

1Sam 23:2

Ka ɗawaŋtá Dawuda da Yawe, kaʼa mantsa: « Ka laba yu da guyata nda tsa la Filisti ya ra? » kaʼa. Ka Yawe nda Dawuda mantsa: « La, dzaʼa zak za ka ta tsa la Filisti ya, dzaʼa kataf kata ka ta la Kəghila, » kaʼa.

1Sam 23:4

Ka ɗawuglaŋtá Dawuda da Yawe. Ka Yawe zlghanaftá wi mantsa: « Sliʼa sliʼa ksatá tvi! Vala da Kəghila, kabga dzaʼa vla vla yu ta la Filisti ma dzva gha, » kaʼa.

1Sam 28:6

Ka ɗawaŋtá Sawulu da Yawe, ama zlghanaf a Yawe ta wi wu, dər ma suni, dər nda ma Urim, dər nda da la anabiha wa.