2Sam 5:1 - Hdi

¹ Ka sliʼadaghatá inda mndəra la Israʼila da slanaghatá Dawuda ma Hevruŋ, ka həŋ mantsa: « Wana ŋni, sluʼuvgha gha ŋni, usa gha ŋni.

2Sam 5:1 ပူးပေါင်းရင်းမြစ်များ

Zlrafta 29:14

Ka Lavaŋ nda tsi mantsa: « Kahwathwata na, zimbiɗa ɗa ka, usa ɗa ka, » kaʼa. Ka zatá Yakubu ta tili ga Lavaŋ.

2Sam 19:12

Ka tsəghanaftá mgham Dawuda ta lwi ta gwal dra skwi ŋa Lazglafta, i Tsaduk nda Aviyatar, kaʼa mantsa: « Mnanawa mna ta galata mnduha la Yuda, ka kuni nda həŋ na: “Kabgawu dzaʼa kəl kaghuni ka nzakway ka kwanaha ni ma zba vradanamta mgham dzagha ni na? Tsaw inda skwi ta gwaɗ inda la Israʼila ná, snanagha sna ta mgham ga taŋ.

2Sam 19:13

Zwana ma ɗa kaghuni, sluʼuvgha ɗa kuni usa ɗa kuni. Kabgawu dzaʼa kəl kaghuni ka nzakway ka kɗavakta ni ŋa vradanamta mgham na?” ka kuni dzaʼazlay nda həŋ.

2Sam 19:14

Ka mnanata kuni guli ta Ghamasa kazlay na: “Sluʼuvgha ɗa nda usa ɗa a ka wu ra? Ka tsaɗigha tsa Lazglafta ta guma katakata, ka fam a yu ŋa ɗekɗek ta kagha ka mali ta ghəŋa gwal vulu ta kəma ɗa, da vla Yuʼav,” ka kuni dzaʼazlay nda tsi, » kaʼa.

2Sam 19:43

Ka inda la Yuda zlghanaftá wi ta la Israʼila mantsa: « Kabga kutumkuha mgham ŋne! Kabgawu ta kəl kuni ka ɓasa ŋuɗufa ni na? Mamu skwi zu ŋni da mgham ra? Ari mamu a skwi mbəha tsi ta aŋni nda tsi na? » ka həŋ.

2Sam 2:32

Ka klaghatá həŋ ta mbla Ghasaʼel ka laghwi da paɗamta ma kula da ni ma Betʼlehem. Ka han Yuʼav nda mnduha ni ta mbaɗa petsuweɗ vli, ka ɓhadaghatá həŋ da Hevruŋ watata tsaɗakwa vli.

Afisus 5:30

kabga inda amu sluʼuvgha ni mu.

Vrafta ta zlahu 17:15

Ala, ka fafta kuni ta pala ta mndu ya dzaʼa Yawe, Lazglafta ghuni da zbapta. Mataba la ghuni dzaʼa zbapta kuni ta mgham ka fata ka mghama ghuni. Yaha kuni klaftá mayəm, ya kul nzakway ka la ghuni ŋa fata ka mghama ghuni.

Hebru 2:14

Tsa zwani mnə tsi ya ná, mnda səla həŋ demdem. Ka nutá Yesu ka ghəŋa ni guli ka mnda səla manda va hahəŋ, kada laviŋta tsi ta mtuta, ŋa nanatá halaway ta ŋanatá mbrakwa mtaku ya, ka mbegi.

Yəhusuwa 10:36

Ka sliʼaftá Yəhusuwa nda inda la Israʼila ma Ghegluŋ, ka lafi da Hevruŋ, ka liŋtá həŋ guk nda vulu.

Gwal tsa guma 9:2

« Kdəkwakdək, mnanawa mna ta inda maliha la Səkem, ka kuni nda həŋ na: “Mal gay zwana Yərubaghal ndəfáŋ mbsak ta mgham ta ghəŋa kaghuni re, ari mal gay mndu turtuk a na?” ka kuni. Havakwa hava, iʼi ná, sluʼuvgha ghuni yu, usa ghuni yu, » kaʼa.