2Sam 3:39 - Hdi

³⁹ Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

2Sam 3:39 ပူးပေါင်းရင်းမြစ်များ

2Sam 16:10

Ama ka mgham nda tsi mantsa: « Kaghuni zwana Tseruya, nu gwaɗa kaghuni na? Ka ta ksiʼay tsi, ba Yawe ta mnanata kazlay na: “Ksiʼa ta Dawuda!” kəʼa. Wa tama dzaʼa mnanata kazlay na: Kabgawu ta kəl ka ka magay manda tsa kəʼa na? » kaʼa.

2Sam 19:13

Zwana ma ɗa kaghuni, sluʼuvgha ɗa kuni usa ɗa kuni. Kabgawu dzaʼa kəl kaghuni ka nzakway ka kɗavakta ni ŋa vradanamta mgham na?” ka kuni dzaʼazlay nda həŋ.

2Sam 19:22

Ka zlghaftá Avisay zwaŋa Tseruya ta wa ni, kaʼa mantsa: « Simghi ta ksiʼa mndu ya fa Yawe nda ma pghanaghatá rɗi, ra a ka dzata wu ra? » kaʼa.

2Sam 3:38

Ka mgham nda sludziha ni mantsa: « Sna a kaghuni kazlay na: Lu la mali, mndu dagala gita ma Israʼila kəʼa wu ra?

1Mgh 2:32

Dzaʼa vranaf vra Yawe ta usa ni ta ghəŋa ni, kabga valafta ni ta mnduha his malaghu tɗukwata həŋ nda ŋərmata həŋ ka tsatsi, ka pslatá tsi ta həŋ nda kafay kul snaŋtá Dawuda, da ɗa ya. Ta gwaɗ ta ghəŋa i Avner, zwaŋa Ner, mala gwal vula la Israʼila, nda Ghamasa, zwaŋa Yeter, mala gwal vula la Yuda yu ta tsa gwaɗa ya.

1Mgh 2:9

Ndanana, yaha ka da nghay manda mndu kul haɗ dmakwa ni, kabga mndu nda ɗifil ma ghəŋa ni ka, dzaʼa nda sna ka ta skwi dzaʼa ka da maganata. Dər ki halata ni, ka kladata ka ta htsiŋa ni da haɗik, » kaʼa.

1Rus 22:5

Ka Dawuda ma ghəŋa ni mantsa: « Ta ka galaɓay zwaŋa ɗa Salumuŋ, ka mbaway, tsaw na həga dzaʼa lu banaftá Yawe na ná, həga ŋa laghwa hga ni da zərwa ya, dzaʼa mamu sgita ni ta inda haɗikha. Tsaya dzaʼa kəl yu ka papayaftá skwiha, » kaʼa. Mantsa tama, ma kɗaku Dawuda ka mtutá, ka papayaftá tsi ta skwiha nda ndəgha.

1Rus 29:1

Ka mgham Dawuda nda inda guyatá ghəŋ mantsa: « Nana zwaŋa ɗa Salumuŋ, kɗakwa ya zbap Lazglafta na ná, ta ka galaɓay, ta ka mbaway, dagala slna ŋa magay guli, kabga na həga gá mgham na ná, ŋa mnda səla a wu, ama ŋa Yawe, Lazglafta ya.

2Rus 13:7

Lagha falaya mnduha, nda gwal kul zɗaku hafa taŋ, ka gwaftá vgha nda tsi ta ghəŋa Rəhavgham, zwaŋa Salumuŋ. Ta ka zwaŋ Rəhavgham, tska a hiɗakwa ni wu, kwal tsi ŋaŋta da həŋ.

Sabi 21:12

« Dər wa ta dzuŋtá mndu ka mtutá tsa mndu ya, dzaʼa dza dza lu ta tsatsi guli.

Danyel 6:16

Ama ka gi lagha tsa mnduha ya tskavata tizlik ta vata mgham. Ka həŋ nda mgham mantsa: « Rvera ɗa, nda sna ka ná, ka zlaha la Mediya nda la Persiya ná, haɗ mndu dzaʼa laviŋtá mbəɗanafta skwi pyaf lu, ka zlahu a tsi fa lu thaf mgham ta dzvu tida wu, » ka həŋ.

Mbsak 32:23

Ama ka maga a kuni mantsa wu, gana ga kuni ta dmaku ta Yawe, ka snaŋta kuni kazlay dzaʼa mista ghuni dmakwa ghuni kəʼa.

La Ruma 13:4

Nda nza mnda ŋumna ka mnda maganatá slna ta Lazglafta ŋa kata kagha. Ala, ka ghwaɗaka skwi ta mag ka katsi, zləŋa, kabga ka bətbət a ta kla tsi ta budgwani wa. Ma tsa nzakwa ni ka mnda ksanatá slna ta Lazglafta ya ná, nda nza tsatsi ŋa maraŋtá ɓasa ŋuɗufa Lazglafta ŋa planamtá inda gwal ta maga ghwaɗaka skwi.

2Tim 4:14

Dagala ghwaɗaka skwi magiha Alegzandra ta nzakway ka ɗəgha. Mgham Lazglafta dzaʼa planamtá skwi maga tsi.

Gwal tsa guma 9:57

Ka vranaftá Lazglafta ta ghəŋa mnduha la Səkem ta inda ghwaɗaka skwi maga həŋ. Mantsa hɗamta ksiʼa Yutam zwaŋa Yərubaghal ta həŋ.