2Sam 24:25 - Hdi

²⁵ Ka dzihwaftá Dawuda hada ta gwir ŋa Yawe. Ka valatá tsi ta skwiha pla ghəŋ ŋa dray tsuh tsuh, nda skwiha pla ghəŋa zɗaku. Mantsa tama, ka maranaŋtá Yawe ta zɗaku ta tsa haɗik ya, ka sladaghutá tsa zləmnda ta rwa la Israʼila ya.

2Sam 24:25 ပူးပေါင်းရင်းမြစ်များ

Zlrafta 12:7

Ka maravatá Yawe ta kəma Abram, kaʼa nda tsi mantsa: « Dzaʼa vlaŋtá zivira gha yu ta na haɗik na, » kaʼa. Ka dzihwaftá Abram ta gwir ŋa Yawe ta zlagapta da tsi ya.

Zlrafta 22:9

Ka ɓhadaghatá həŋ da tsa vli mnanaf Lazglafta ya. Ka dzihwaftá Abraham ta gwir, sərɓafha ta hasuʼu tida, ka habaftá tsi ta Izak zwaŋa ni, ka fafta ta tsa hasuʼu ta gwir ya.

Zlrafta 8:20

Lagha Nuhu ka dzihwanaftá gwir ta Yawe, ka kasaʼatá tsi mataba inda mndəra rini kul tsaɗ lu, nda mndəra ɗyakha nda zarakha kul tsaɗ lu, ka vlata ŋa pla ghəŋ ŋa dray tsuh tsuh ta gwir.

2Sam 21:14

Ka paɗamtá lu ta ghudzifa Sawulu nda ŋa Yunataŋ ta kwakwara la Biŋyamiŋ, ma Tsela, ma kula Kis, da ni ma Sawulu. Ka magatá lu ta inda skwi mnaf mgham. Tahula tsa, ka nzatá ŋuɗufa Lazglafta zɗa ta ghəŋa tsa haɗik ya.

2Sam 24:14

Ka Dawuda nda Gat mantsa: « Nda kəɓa yu katakata. Kay, ta dər zləmbamta mu ma dzva Yawe, kabga dagala tawa hiɗahiɗa da tsi. Ama yaha yu zləmbamta ma dzva mnduha, » kaʼa.

1Mgh 1:1

Haluhala mgham Dawuda, lula ima ni. Ka buku lu ma lgut, kulam nda tsa, haɗ ta vlaŋtá hurfuk wa.

Mbsak 17:13

Ka sladatá tsi ma takataka gwal nda rwa nda gwal ta nda hafu, ka lɓatá tsa zləmnda ya.

Gwal tsa guma 21:4

Ga mahtsima ni, ka tsavaftá mnduha ga sərɗək, ka baftá həŋ ta gwir hada, ka vlatá həŋ ta skwa pla ghəŋha ŋa dray tsuh tsuh, nda skwa pla ghəŋha zɗaku.

Gwal tsa guma 6:24

Ma tsa vli ya, ka dzihwanaftá Gidghuŋ ta gwir ta Yawe, ka hgə tsi ka « Yawe zɗaku. » Ta takeʼa tsa gwir ya ha gita, ma Ghufra mataba la Avighezer.

1Sam 13:9

Ka Sawulu mantsa: « Klagaɗighawa skwa pla ghəŋ ŋa dray tsuh tsuh, nda skwa pla ghəŋa zɗaku, » kaʼa. Ka vlatá tsi ta skwa pla ghəŋ ŋa dray tsuh tsuh.

1Sam 14:35

Ka dzihwaftá Sawulu ta gwir ŋa Yawe. Tsaya taŋtaŋ gwir baf tsi ŋa vlaŋtá sgit ta Yawe.

1Sam 7:17

Ta vradagha vra dzagha ni ma Rama, vla tsay ni guli ta guma ŋa la Israʼila. Hada guli banafta tsi ta gwir ta Yawe.

1Sam 7:9

Ka klaftá Samuyel ta slaɓalakwa tuwak tata sa uʼa, ka mbəhata ka skwa pla ghəŋ ŋa dray tsuh tsuh ŋa Yawe. Ka wahu Samuyel ta wahu da Yawe ta ghəŋa la Israʼila. Ka tsuʼanaftá Yawe.