2Sam 24:16 - Hdi

¹⁶ Ka fadaptá duhwala Yawe ta dzvu nda təv Ursalima ŋa zaɗanata, ama ka hag Yawe ta madər ta ghəŋa tsa zləmnda ya, kaʼa nda tsa duhwala Yawe ta zaɗanatá mnduha ya mantsa: « Prək tsa! Klaghu kla ta dzva gha tama! » kaʼa. Tsaw ndusa nda blikwa Arawna, mnda la Yəbus, nzata tsa duhwala Yawe ya.

2Sam 24:16 ပူးပေါင်းရင်းမြစ်များ

Zlrafta 10:16

Ma tsatsi saba la Yəbus, nda la Amuru, nda la Girgas,

Zlrafta 6:6

Ta haga madər Yawe nda magaf ni ta mndu ta ghəŋa haɗik. Nda gurɗa ŋuɗufa ni.

2Sam 24:18

Baɗ va tsa fitik ya, ka lagha Gat da Dawuda, kaʼa nda tsi mantsa: « Laf la ta blikwa Arawna, mnda la Yəbus, ka dzihwanafta ka ta gwir ta Yawe, » kaʼa.

2Sam 5:8

Baɗ tsaya, ka Dawuda mantsa: « Ka ta kumay mndu ta zatá la Yəbus katsi, dzaʼa lam nda ta ghuruma saba imi lu, ŋa dɗanaghatá tsa gwal nda ghulpa nda gwal ta dzəgiɗi, gwal ta husaŋtá Dawuda ya, » kaʼa. Tsaya ta kəl lu ka mnay kazlay na: Haɗ gwal nda ghulpa nda gwal ta dzəgiɗi dzaʼa lami da həga Lazglafta wu kəʼa ya.

1Mgh 19:4

Tsatsi ya, ka laghu tsi, tep vagha ni ta mbaɗa ma mtak. Ka lagha tsi da nzata mista sana mubuk. Ka ɗawu tsi ta mtaku, kaʼa mantsa: « Lavgliŋ a yu wa! Ndana tama Yawe, kla ta hafa ɗa, kabga malaghu a iʼi ka dzidzíha ɗa wu, » kaʼa.

2Mgh 19:35

Ta tsa rviɗik ya, ka sab duhwala Yawe pslatá la Asur dəmbuʼ dərmək nda tghas mbsak hutaf mida (185.000) ma ghuɓa taŋ. Ta sliʼavatá lu wrək sərɗək ná, mbliha yeya sinaka.

1Rus 1:14

Ma tsatsi saba la Yəbus, nda la Amuru, nda la Girgas,

2Rus 3:1

Ka zlraftá Salumuŋ ta ba həga Yawe ma Ursalima, ta kuɗuŋura Muriya, ma vli ya marava Yawe da da ni Dawuda, ma vli si payaftá Dawuda ta blikwa Urnaŋ mnda la Yəbus ya.

2Rus 32:21

Mantsa tama, ka ghunagatá Yawe ta duhwala ni. Ka zaɗanatá tsi ta inda gwal viɗviɗ ma vulu ma ghuɓa mghama la Asur, gwal dagaladagala, nda maliha ta ghəŋa gwal vula taŋ. Tahula tsa, ka vraghutá mgham ta haɗika ni nda hbatá hula ta ghəŋ. Ka lam tsi da həga lazglafta ni, ka dzatá vərɗa zwana ni nda kafay.

Sabi 12:13

Us dzaʼa nzakway ka ŋizla ta həga mida kuni. Na nghaŋta ɗa ta us ya, ŋa tsughwaɗaghuta ɗa ta kaghuni, haɗ tsa zləmnda zaɗa mndu ya dzaʼa slaghunaghata ta dzuŋtá yu ta haɗika Masar wa.

Sabi 12:23

Ma ranafta dzaʼa ranafta Yawe ta Masar ŋa dzuŋtá həŋ, ka nda ngha tsi ta us ta zləŋatá wa tgha, nda ya ta slərpuha ni his his katsi, dzaʼa tsughwaɗaghu tsughwaɗa Yawe, haɗ dzaʼa zlanatá tsa mnda zaɗanatá mndu ya ŋa lama ni da həga ghuni ŋa dzughunusta wa.

Sabi 32:14

Mantsa tama, ka zlanatá Yawe ta tsa ghwaɗaka skwi si ta kum tsi ta maganatá mnduha ni ya.

Sabi 9:28

Magawa duʼa da Yawe, ŋa hlanatá ŋəzla luwa, nda paplaha! Dzaʼa zlighunis zla yu, haɗ kuni dzaʼa nzəɗglavata wa, » kaʼa.

Markus 14:41

Ka vrəglaktá tsi ŋa mahkəna səla, kaʼa nda həŋ mantsa: « Tata hani kuni ka mbiʼa vgha ghuni tama ɓa? Nda kɗa, nda maga fitika ni tama. Wana vlaŋ vla lu ta *Zwaŋa mndu ma dzvu ta gwal dmaku.

Slna gwal ghunay 12:23

Gi hada hada, ka dzuŋtá duhwala Lazglafta ta Hiridus, kabga kwala ni kul vlaŋtá glaku ta Lazglafta. Ka dəghaɗutá mtarak, ka mtutá tsi.

1Kwa 10:10

Ma ruruŋwaku kuni ta ruruŋwaku manda ya mag sanlaha mataba taŋ, kəl duhwalha Lazglafta ya ta rwa mndu ka zaɗanatá həŋ ya.

2Kwa 2:6

Tsa dvanaghata dvanagha ndəghata sanlaha mataba ghuni ta tsa mndu ya ná, prək tsaya.

Yəhusuwa 15:63

Ama la Yəbus ma Ursalima ya ná, trap tra la Yahuda ta ghəzlaftá həŋ. Ha gita ta kawadaga tsa la Yəbus ya nda mnduha la Yahuda ma tsa vli ya.

Gwal tsa guma 1:21

Ama ka traptá la Biŋyamiŋ ta ghəzlaftá la Yəbus ta nzakw ma Ursalima ya. Ka nzatá tsaha ya ha gita ma Ursalima kawadaga nda la Biŋyamiŋ.

Gwal tsa guma 19:11

Hawu vli ɗekɗek ta ndusadaghatá həŋ da Yəbus. Ka tsa duhwal ya nda daŋahəga ni mantsa: « Mbaɗma, mbəɗama vgha nda ma na luwa la Yəbus na, ka hana mu hada! » kaʼa.

1Sam 15:11

« Ta hagay yu ta madər nda fata ɗa ta Sawulu ka mgham, kabga mbəɗaghu mbəɗa ta vgha ta vata iʼi. Haɗ ta maga slna nda gwaɗaha ta mnata yu wu, » kaʼa. Ka kuzlanaftá tsi ta Samuyel ta ŋuɗuf, ka han tsi ta wahu ta kəma Yawe petsuweɗ vli.