2Sam 24:15 - Hdi

¹⁵ Ka ghunadaghatá Yawe ta zləmnda ta la Israʼila daga ga sərɗək baɗ va tsaya ha ka lagha ta fitik manda ya tsaf Yawe. Daga ma Daŋ ga mazlay dikw da Bəʼerseva ga maghura, ka rwutá mnduha dəmbuʼ ndəfáŋ mbsak (70.000) mataba mnduha.

2Sam 24:15 ပူးပေါင်းရင်းမြစ်များ

2Sam 24:2

Ka mgham nda Yuʼav ka mala gwal vulu, kawadaga nda tsi ya mantsa: « Wya dzvu, la ranaftá inda mndəra la Israʼila daga ma Daŋ ha da Bəʼerseva. Ka vivindafta lu ta mbsaka mnduha, ka snaŋta yu ka kidaghi mndu, » kaʼa.

1Rus 21:14

Mantsa tama, ka ghunədanaghatá Yawe ta zləmnda ta la Israʼila, ka rwutá mnduha dəmbuʼ ndəfáŋ mbsak (70.000) ma Israʼila.

1Rus 27:24

Ka zlraftá Yuʼav zwaŋa Tseruya ta mbəɗay, ama kɗiŋ a wa. Tsaya ta klaktá gufanavata Yawe ta ŋuɗuf ta la Israʼila. Haɗ tsa mbsak ya ma ɗelewera vinda slna mgham Dawuda wa.

1Rus 27:4

Duday mnda la Ahuhi mali ta ghəŋa baku ta maga slna ma mahisa tili. Miklut slufa ni ma tsa baku ya. Mnduha dəmbuʼ hisambsak fwaɗ mida (24.000) ma bakwa ni.

Mbsak 25:9

Gwal rwana tsa zləmnda ya ná, dəmbuʼ hisambsak fwaɗ mida (24.000) həŋ.

Mata 24:7

Dzaʼa vulay sana luwa ta vulu nda sana luwa. Dzaʼa vulay sana mgham ta vulu nda sana mgham. Dzaʼa sla sla maya ma sana vliha. Dzaʼa gigɗavafgigɗa haɗik.

Suna Yuhwana 6:8

Kəʼa ka yu ná, ka nghə yu ta zlagapta sana plis ka kuzuŋkuzuŋ. Mtaku hga tsa mndu ta nzaku tida ya. Mista ni ta dzaʼa vla nzakwa gwal nda rwa. Ka vlaŋtá lu ta mbraku ta həŋ ta ghəŋa slɓahw turtuk ma dgata ghəŋa haɗik fwaɗ ŋa rwanatá mnduha mida nda kafay, nda ya nda maya, nda ya nda ɗaŋwaha, nda ya nda nimtakha.

1Sam 6:19

Ka rwanatá Yawe ta la Betʼsemes kabga hɗiŋadata taŋ ta akwata Yawe. Ka pslatá tsi ta mnduha ndəfáŋ mbsak mataba taŋ. Ka wahu mnduha ta wahu, kabga rwanata Yawe ta həŋ katakata nda zləmnda.