2Sam 23:3 - Hdi

³ Gwaɗa gwaɗa Lazglafta la Israʼila ta gwaɗa. Ka kutumba la Israʼila mnihata na: “Mndu ya ta ga mgham tɗukwa mataba mnduha, ta ga mgham nda zləŋa Lazglafta ná,

2Sam 23:3 ပူးပေါင်းရင်းမြစ်များ

Zlrafta 33:20

Ka dzihwaftá tsi ta gwir guli hada, ka hgə tsi ka Il, Lazglafta la Israʼila.

2Sam 22:32

Wa Lazglafta ta ghəŋa Yawe na? Wa kutumba ka Lazglafta mu a tsi na?

2Sam 8:15

Ka gə Dawuda ta mgham ta ghəŋa inda la Israʼila. Ka tsanatá tsi ta guma nda ra, tɗukwa ta inda mnduha ni.

1Mgh 10:9

Rfu da Yawe, Lazglafta gha, zɗəgana ka, ka faghaftá tsi ta dughurukwa gá mghama la Israʼila! Dabga ɗvuta ni ŋa kɗekedzeŋ ta la Israʼila, kəl Yawe ka faftá kagha ka mgham ŋa tsay gha ta guma nda rakwa ni, tɗukwa, » kaʼa.

Nəhemiya 5:14

Daga baɗ va tsa fitik ya, ka fatá lu ta iʼi ka guvna ta haɗika Yahuda, zlrafta ni ta mahisambsaka vakwa mgham Artahsasta ta pala, ha ka lagha ta mahkən mbsak his mida vakwa ni ta pala. Ma tsa vakuha ghwaŋpəɗ his ya, dər iʼi, dər la ini, ɗaŋ a ŋni ta dzumna guvna wa.

Sabi 18:21

Zabap zaba mataba mnduha demdem ta sanlaha ma gwal nda sgit ta həŋ, ta zləŋa Lazglafta, ta vərɗa mnduha, gwal husaŋ nənɓu. Pagha pagha ta həŋ ka maliha ta ghəŋa mnduha dəmbuʼ dəmbuʼ, nda mnduha dərmək dərmək, nda mnduha hutaf mbsak hutaf mbsak, nda mnduha ghwaŋ ghwaŋ.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Vrafta ta zlahu 32:4

Tsatsi ná, kutumba ya, nda tva ni ta maga tsi ta inda skwi, kahwathwata tɗukwa inda tva ni. Tsatsi ná, vərɗa Lazglafta ya, haɗ ta tərɗanata skwi wu, ŋərma ya, tɗukwa tsatsi.

Hebru 1:8

Ŋa Zwaŋa ni ya, wya ka Lazglafta mnata ta ghəŋa ni: « Dughurukwa ga mghama gha Lazglafta ná, nda nza ŋa kɗekedzeŋ. Dafa ga mghama gha ná, nda nza ŋa ga mgham ta ghəŋa mnduha nda tvi tɗukwa.