2Sam 23:10 - Hdi

¹⁰ ta sladatá tsa Ilghazar ya ka kwaraftá la Filisti ha ka hurfutá dzva ni ka ndiʼafta ta kafay ni ya. Ka hɗamtá Yawe ta zata ghwa katakata baɗ tsa fitik ya. Tsa gwal vulu ta hwahwayaghuta ya ná, da hla huzla gwal rwana tsi kweŋkweŋ varadaghata hahəŋ.

2Sam 23:10 ပူးပေါင်းရင်းမြစ်များ

2Sam 23:12

ama ka dihavatá Sama ma takataka tsa vwah ya, ka katatá tsi. Ka rwanatá tsi ta la Filisti. Ka hɗamtá Yawe ta zatá ghwa katakata.

2Mgh 5:1

Mala gwal vula mghama la Aram ná, Naghamaŋ ya. Ta rfay ta rfu ta ghəŋa sgit, nda glaku katakata ya vlaŋ mghama ni, kabga nda ma tsatsi zanata Yawe ta ghwa ta la Aram. Nziya nza tsi, tsa mndu nda mbra, viɗviɗ ya ná, nda ghwaɗaka lku tida.

1Rus 11:13

Tsatsi si kawadaga nda Dawuda ma Pasʼdamim, si ma fitika tskavata la Filisti ŋa vulu ya. Ma tsa vli ya, mamu sana vwah ləgdaʼ urz tida, ka hwayaftá mnduha ta kəma la Filisti.

La Ruma 15:18

Haɗ yu ta walaŋtá mna sana skwi, ka ya maga Kristi nda ma iʼi a tsi wa. Nda ma iʼi hlakta tsi ta gwal kul nzakway ka la Yahuda ŋa nzakwa taŋ ka gwal snanatá gwaɗa ta Lazglafta. Nda nza nda ma gwaɗa ɗa, nda nza nda ma slnaha ɗa.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

Yəhusuwa 10:10

Ka zlaɓanaftá Yawe ta la Amuru ta kəma la Israʼila. Ka dzaɓatá tsi ta həŋ ma Givghuŋ, ka hwayiŋtá tsi ta həŋ ta ŋla vli ma Betʼhuruŋ, ka ɗəgaghatá həŋ tsəlak da Ghazeka nda Makkeda.

Yəhusuwa 10:42

Turtuktuk guyata Yəhusuwa nda vulu nda tsa mghamha ya, nda haɗikha taŋ tani. Ka zaktá tsi ta həŋ, kabga Yawe, Lazglafta la Israʼila ta vulanatá vulu ta mnduha ni.

Yəhusuwa 11:8

Ka zlanaŋtá Yawe ta həŋ ma dzva la Israʼila, ka pslatá həŋ, ka ŋawaftá həŋ ga mazlay tsəlak da Tsiduŋ luwa dagala, tsəlak da Misrefutmayim, tsəlak da didiŋa Mitspe nda ta tva safa fitik. Ka pslatá həŋ ta həŋ, haɗ ya ta ndapta dər turtuk nda hafu wa.

Gwal tsa guma 15:14

Ɓhadaghata ni da Ləhi, ka sliʼadaghatá la Filisti da guyay nda hla wi. Ama ka saha Sulkuma Yawe suw ta ghəŋa ni, ka nutá tsa təɓaŋ si ta dzva ni ya manda dratá sləvdza liŋ nda vu, ka rdutá tsa tɓaŋha ya ta dzva ni.

Gwal tsa guma 15:18

Ka dzə ndala imi katakata ta Simsuŋ, ka wahu tsi ta wahu da Yawe, kaʼa mantsa: « Kagha ta vlata na zatá ghwa katakata na nda ma dzva kwalva gha. Ndanana, ka dzaʼa ndala dzatá iʼi, ŋa zləmbamta ɗa ma dzva gwal kul tsaku fafaɗa taŋ rki na? » kaʼa.

1Sam 11:13

Ama ka Sawulu mantsa: « Haɗ mndu dzaʼa lu da dzata ma mndərga na fitik na wu, kabga gita zanata Yawe ta ghwa ta la Israʼila, » kaʼa.

1Sam 14:23

Baɗ tsa fitik ya, ka katatá Yawe ta la Israʼila. Ka vulu lu ta tsa vulu ya ha ka tsughwaɗaghata ta ɓla Betʼaveŋ.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 17:53

Tahula hərfata la Israʼila ta viŋtá vu mista taŋ, ka vraktá həŋ da zləɗatá ghuɓa la Filisti.

1Sam 19:5

Pərɗa zaɗiŋtá hafa ni, dza dza ta mnda la Filisti, ka hɗamtá Yawe ta mbaku dagala ŋa inda la Israʼila. Nda ngha kagha, ka rfu ka ta rfu. Kabgawu dzaʼa gata ka ta dmaku nda ma pghiŋta gha ta usa mndu kul haɗ dmakwa ni, nda ma dzata gha ta Dawuda kul haɗ sana skwi maga gha tsi na? » kaʼa.