2Sam 21:9 - Hdi

⁹ Ka vlatá tsi ta həŋ ma dzva la Givghuŋ, ka laghwi həŋ hahagatá həŋ ta ghwá ta kəma Yawe. Ndəfáŋ ndəfáŋ rwuta həŋ ka skwa turtuk. Ka pslatá lu ta həŋ baɗ taŋtaŋ fitika zlra tska urz ta vwah.

2Sam 21:9 ပူးပေါင်းရင်းမြစ်များ

2Sam 21:6

vlaŋna vla ta mnduha ndəfáŋ mataba zwana ni, ka hahagata ŋni ta mbla taŋ ta udzu ta kəma Yawe ma Givgha, luwa Sawulu, tsa mndu si zbap Yawe ya, » ka həŋ. Ka mgham nda həŋ mantsa: « Dzaʼa vlaghuna vla yu ta həŋ, » kaʼa.

2Sam 6:17

Ka ɓhadanaghatá lu ta akwata Yawe, ka fatá lu ma vla ni ma huɗa tumpul ya si dzugwa Dawuda ŋa tsa akwati ya. Ka vlatá Dawuda ta skwa pla ghəŋha ŋa dray tsuh tsuh, nda skwa pla ghəŋha zɗaku ta kəma Yawe.

2Sam 6:21

Ka Dawuda nda Mihal mantsa: « Ta kəma Yawe skala yu ta skalu! Tsatsi ta zbaftá iʼi ka malaghutá da gha nda inda gwal ga taŋ tani, tsatsi ta famta iʼi ka mgham ta ghəŋa la Israʼila mnduha Yawe. Dzaʼa kɗaŋ kɗa yu guli ta skalay ŋa vlaŋtá glaku ta Yawe.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Sabi 9:31

Ma tsa fitik ya, badzu badza sanlaha ma nimaya ta hgə lu ka liŋ, nda urz, kabga nda pgha ghəŋa urz, ta vzlizla liŋ.

Sabi 9:32

Ama alkama nda mndərga sanlaha ma alkama ta gerɗata ya, badzu a tsaha ya wa.

Mbsak 25:4

Ka Yawe nda Musa mantsa: « Hlaf hla ta inda maliha ta ghəŋa mnduha, ka dzagwafta ka ta həŋ ta udzu ta kəma Yawe dɗay ta fitik, kada vraghuta ɓasata ŋuɗufa Yawe ta ghəŋa la Israʼila, » kaʼa.

Vrafta ta zlahu 21:22

« Ka gaga mndu ta dmaku prək ka tsanaghata guma dzata, ka dzatá kuni, ka hagatá lu ta mbla ni ta fu katsi,

Rut 1:22

Mantsa ya vragaghuta Naghumi ta haɗika Muwav kawadaga nda ghwaʼala ni Rut makwa la Muwav. Ta vradaghatá həŋ da Betʼlehem, zlrafta lu yeya ta tska urz ta vwah.

1Sam 15:33

Ka Samuyel mantsa: « Manda va ya dgana kafaya gha ta ndəghatá miʼaha nda zwana taŋ ya, manda va tsaya dzaʼa dgata ma gha ta vgha nda zwaŋa ni guli! » kaʼa. Ka ɗatsanaptá Samuyel ta Agag ta kəma Yawe, ma Gilgal.