2Sam 21:7 - Hdi

⁷ Ka zlanatá mgham ta Məfivuset, zwaŋa Yunataŋ, zigha Sawulu, dabga waɗu ya waɗana Dawuda ta Yunataŋ ta kəma Yawe.

2Sam 21:7 ပူးပေါင်းရင်းမြစ်များ

2Sam 16:4

Ka mgham nda Tsiva mantsa: « Ŋa gha skwa Məfivuset demdem! » kaʼa. Ka Tsiva mantsa: « Ta tsəlɓa tsəlɓa yu! Má ka mutsaf mutsa yu ta zɗakatahuɗi ta wa ira, mgham rvera ɗa, » kaʼa.

2Sam 19:25

Ka laha Məfivuset, zigha Sawulu guli da guyaku nda mgham. Daga ka yawu laghwa mgham ha ka vrakta ni nda zɗaku, taf a Məfivuset ta imi ta səlaha ni wu, faf a ta paka ta ghumay ni wu, ghuɓaŋ a ta lgutha ni wa.

2Sam 4:4

Tsaw mamu zwaŋa Yunataŋ, zwaŋa Sawulu nda rwa səlaha ni his his. Hutaf ima ni ta sagha lwi ma Yizrəghel ta ghəŋa skwi ta slanaghata i Sawulu nda Yunataŋ. Ka klaftá sana marakw ta glay ka hwaya nda tsi. Ma tsa ŋavata ni ka hwaya ya, ka dɗagaghutá tsi, ka nzatá tsi gumbulɗuk. Məfivuset hga ni.

2Sam 9:1

Ma sana fitik, ka ɗawaŋtá Dawuda, kaʼa mantsa: « Ta mamu pɗakwa mndu tata hafu ga Sawulu, ka maganata yu ta zɗaku dabga Yunataŋ ra? » kaʼa.

2Sam 9:10

Kagha nda zwana gha, nda kwalvaha gha, dzaʼa hvanatá hva, kada mutsafta zigha daŋahəga gha ta fa dzvu da wi. Ama Məfivuset, zigha daŋahəga gha ya, ta kuwata ɗafa ɗa dzaʼa za tsi ta skwa zay inda fitik ma vla za skwa zay ɗa, » kaʼa. Tsaw mamu zwana Tsiva ghwaŋpəɗ hutaf, hisambsak kwalvaha ni guli.

2Sam 9:6

Ka lagha Məfivuset, zwaŋa Yunataŋ, zwaŋa Sawulu da Dawuda. Ka zləmbatá tsi zlumbruh ta haɗik ta kəma ni. « Məfivuset! » ka Dawuda hgaŋta. « Wana kwalva gha mghama ɗa! » kaʼa.

2Sam 9:7

Ka Dawuda nda tsi mantsa: « Ma zləŋ ka ta zləŋ. Ta kumay yu ta magaghatá zɗaku dabga da gha Yunataŋ. Dzaʼa vravagha vra yu ta inda haɗika dzidza gha Sawulu. Dzaʼa gɗa gɗa ka ta za skwa zay ta kuwata ɗafa ɗa guli, » kaʼa.

1Sam 18:3

Mantsa tama, ka dzraftá Yunataŋ ta wi nda Dawuda, kabga ɗvu ɗva manda va ghəŋa ni.

1Sam 20:12

Ka Yunataŋ nda Dawuda mantsa: « Nda hga Yawe, Lazglafta la Israʼila, dzaʼa dzəghaŋ dzəgha yu ta ndana da ɗa ta na luwa na mahtsim ka baɗima a tsi. Ka haɗ sana ghwaɗaka skwi ta ndan tsi ta ghəŋa kagha wu, dzaʼa ghundaghap ghuna yu ta mndu ŋa snaghamta.

1Sam 20:15

Yaha ka da klaptá zɗakwa gha ma həga ga ini, dər má hliŋ hla Yawe ta inda ghumaha Dawuda ta ghəŋa haɗik, » kaʼa.

1Sam 20:17

Ka fəglamtá Yunataŋ ta Dawuda da waɗu, ma ɗvuta ni, kabga ɗvu ɗva manda ghəŋa ni.

1Sam 20:42

Ka Yunataŋ nda Dawuda mantsa: « La nda vghata zɗaku, ya waɗa waɗa u sani nda sani nda hga Yawe ya, ka nza nza Yawe ka masləmtsək ŋa ɗekɗek mataba kagha nda iʼi, nda ya mataba zivirha u, » kaʼa.

1Sam 20:8

Magana maga ta zɗaku ta kwalva gha, ya klam kla ka da dzraftá wi nda kagha nda hga Yawe ya. Va ni ná, ka si ksaf ksa dmaku ta iʼi dər təv wu tsi, dziha dza vərɗa kagha. Kabgawu dzaʼa kəl ka ka kla iʼi da da gha na? » kaʼa.

1Sam 23:18

Ka dzraftá həŋ his his ta wi ta kəma Yawe. Tahula tsa, ka laghu Yunataŋ dzagha ni, ta nzatá Dawuda ma Hursa.

1Sam 24:22

Ndana tama, waɗiha waɗa nda hga Yawe kazlay na, zaɗanata a ka ta zivira ɗa ta hula ɗa wu, hərɗiŋta ka ta hga ɗa mataba la ga da ɗa wu kəʼa, » kaʼa.