2Sam 21:16 - Hdi

¹⁶ Ka kuratá Yisbiʼbənuv, zivira la Rafa si ta dzatá Dawuda. Gupa ta magay ndəgakwa ni ta kiluʼ hkən nda rita ka ghuva tili da tsi, nda hbatá vgha ni nda huzla vula ni ka lfiɗ.

2Sam 21:16 ပူးပေါင်းရင်းမြစ်များ

Zlrafta 14:5

Ta maghwaŋpəɗ fwaɗa vaku, ka sliʼaftá mgham Kədurlaghumer nda mghamha kawadaga nda tsi, da vulu. Ka zatá həŋ ta la Rafa, ma luwa Ghastərut Karnayim, nda la Zuz ma luwa Ham, nda la Im, ma luwa Savekiriyatayim,

Zlrafta 6:4

Ma tsa fitik ya, si mamu gwal nda slara nda slara ta haɗik. Ta hada həŋ guli ma sliʼagata tsa zwana Lazglafta ya slanaghatá tsa kwagha mnda səla ya, ka yayanatá həŋ ta zwani ta həŋ. Hahəŋ gwal viɗviɗ kulaŋ lu ghalya.

2Sam 21:18

Tahula tsaya, ka sliʼiglaftá vulu nda la Filisti ma Guv. Ma tsaya, ka dzatá Sibəkay mnda la Husa ta Saf, sana mndu ya ma mndəra la Rafa.

2Sam 21:20

Ka sliʼiglaftá vulu ma Gat. Mamu sana mndu hada nda slra, mkuʼ mkuʼ zwana dzva ni, nda səlaha ni tani, hisambsak fwaɗ mida gwagwata ni. Sab ma mndəra la Rafa tsatsi guli.

2Sam 21:22

Tsa mnduha la Gat fwaɗ fwaɗ ya ná, ma mndəra la Rafa saba həŋ. I Dawuda nda sludziha ni ta pslata həŋ.

2Sam 5:18

Ka sliʼadatá la Filisti tamta vgha sɓət ma didiŋa la Rafa.

Mbsak 13:22

Ka laf həŋ nda ma Negev, ka ɓhadaghata ha da Hevruŋ ma vla nzakwa i Ahimaŋ, nda Sesay, nda Talmay ma mndəra la Ghanak. Hevruŋ ná, ndəfáŋ vakwa ni manda fata ma kɗaku lu fatá Tsughaŋ ma Masar.

Mbsak 13:28

Nziya nza tsi ná, mnduha ma tsa haɗik ya ná, nda mbra nda mbra həŋ. Luwaha guli ná, dagala dagala həŋ katakata ŋaŋam ma matsak nda mbra. Nda ngha vərɗa aŋni hada ta mndəra la Ghanak.

Vrafta ta zlahu 1:28

Dzaʼa ŋlu diga mu? Rwama rwa zwana ma mu ta vgha. Ka həŋ na: Mal tsa mnduha ya ndəghata həŋ, mal hahəŋ mbarata ni ka amu. Dagala dagala luwaha taŋ, nda ŋa ŋa ma matsak ta zaghuta ta luwa. Nda ngha ŋni ta dər mndəra la Ghanak hada,” ka həŋ, ka kuni.

Vrafta ta zlahu 2:10

Ghalya, la Im si ta nzakw hada. Ká ka nda mbarata həŋ, si ndəghundəgha həŋ, si nda slara nda slara həŋ manda la Ghanak.

Vrafta ta zlahu 2:11

La Rafa, ka sanlaha ta ngha həŋ, manda la Ghanak ya, ama la Im ká la Muwav ta hga həŋ.

Vrafta ta zlahu 2:21

Ká ka nda mbarata həŋ, si ndəghundəgha həŋ, si nda slara nda slara həŋ manda la Ghanak. Ama ka zaɗanatá Yawe ta həŋ ta kəma la Ghamuŋ, ka ghəzliŋtá həŋ ma tsa haɗik, ka nzata hahəŋ ma vla taŋ.

Vrafta ta zlahu 3:11

Tsa Ghug, mgham ma Basaŋ ya ná, tsatsi kɗavakta la Rafa ta pɗata nda hafu. Ta nda ngha lu ta ghəzləŋa ni ha gita ma Raba, wudəma la Ghamuŋ. Ka kfur ghəzləŋa ni ta malay slrakwa ni ta mitər fwaɗ, ta magay bughwata ni ta mitər his.

Vrafta ta zlahu 9:2

Tsa mnduha ya ná, nda slara nda slara həŋ, nda mbara nda mbara həŋ, mndəra la Ghanak ya snaŋ kuni ta həŋ ya həŋ. Ta mnay lu kazlay na: “Wa dzaʼa laviŋtá sladata ta kəma la Ghanak na?” kəʼa.

Yəhusuwa 11:22

Haɗ la Ghanak ta pɗata ma haɗika la Israʼila wu, ba ma Ghaza, nda Gat, nda Asdut yeya.

Yəhusuwa 15:14

Ka ghəzlaftá Kalep hada ta zwana Ghanak hkən: Tsaya i Sesay, nda Ahimaŋ, nda Talmay.

1Sam 17:7

Mamu gupa ni, udza ni ná, manda ŋəzlatá matala ga lgut, nda gupa ka kfur, kiluʼ ndəfáŋ ndəgakwa ni. Tsa mndu ta klanatá zalama ni ya ta mbaɗa ta kəma ni.