2Sam 20:6 - Hdi

⁶ Ka Dawuda nda Avisay mantsa: « Ndanana, dzaʼa magama maga Seva zwaŋa Bikri ta ghwaɗaka skwi ka malaghutá ŋa Avsalum. Hlaf hla vərɗa kagha ta mnduha ɗa ka zbíŋta ka, dá laghu tsi da luwa ŋam lu ma matsaka huzlu, dá zaɗamaghatá tsi, » kaʼa.

2Sam 20:6 ပူးပေါင်းရင်းမြစ်များ

2Sam 10:14

Snaŋta la Ghamuŋ kazlay hwayaf hwaya la Aram kəʼa, ka hwayaftá hahəŋ guli ta kəma Avisay ka laghwi da luwa. Ka zlaŋtá Yuʼav ta vulu nda la Ghamuŋ, ka vraghatá da Ursalima.

2Sam 11:11

Ka Uriya nda Dawuda mantsa: « Nda akwata dzratá wi tani, nda la Israʼila tani, nda la Yuda tani, ma dumbi nzanzata həŋ. I mala ɗa Yuʼav nda sludziha mghama ɗa ná, waʼa həŋ ma ghuɓu ma mtak ta wa vulu. Waká iʼi dzaʼa laghwi dzagha da zazaku, da sasaku, da han nda markwa ini! Ta waɗa waɗa yu nda hafa mgham, haɗ yu dzaʼa maga tsaya wu, » kaʼa.

2Sam 18:12

Ka tsa mndu ya nda Yuʼav mantsa: « Dər má ŋa vlihatá sulay dəmbuʼ (1.000) tsi, haɗ yu dzaʼa faftá dzvu ta zwaŋa mgham wa. Nda sna sləməŋa ŋni ta skwi ya mnaghunaf mgham, ta kagha nda Avisay nda ya nda Itay. Kaʼa na: “Kdəkwa kdək, ɗaswa ka kuni dá ksaŋtá kuni ta tsa duhwal ka Avsalum ya!” kəʼa.

2Sam 18:2

Ka daganaptá Dawuda ta gwal vulu ka bakuha hkən, ka fatá tsi ta Yuʼav zwaŋa Tseruya ka mali ta ghəŋa baku turtuk. Faha ta Avisay zwaŋama ni ma Yuʼav ka mali ta ghəŋa mahisa baku. Faha ta Itay mnda la Gat ka mali ta ghəŋa mahkəna baku. Ka mgham nda gwal vulu tama mantsa: « Ta dzaʼa yu kawadaga nda kaghuni, » kaʼa.

2Sam 19:7

Gwal husaŋ ka ta həŋ ta ɗvuta ka, ta husaghatá gwal ta ɗvutá kagha. Ta maray kagha gita kazlay sana skwi a maliha ta ghəŋa mnduha gha, nda sludziha gha da kagha wu, kəʼa. Nda ngha yu ndana tama, ka si má ta nzakw Avsalum nda hafu, ta rwutá aŋni demdem gita katsi ná, má tsaya ta zɗəgaghata.

2Sam 2:18

Hada zwana Tseruya hkən hkən, i Yuʼav, nda Avisay, nda Ghasaʼel. Ka ka nda dzirata Ghasaʼel manda madva ma mtak.

2Sam 21:17

Ama ka lagha Avisay, zwaŋa Tseruya katatá Dawuda, ka dzatá tsi ta tsa mnda la Filisti ya. Mantsa tama, ka waɗatá mnduha Dawuda, ka həŋ mantsa: « Ləgəlta a ka da vulu kawadaga nda aŋni wu, dá dzaghatá lu, dá mtutá pitirla ga mghama la Israʼila, » ka həŋ.

2Sam 23:18

Avisay, zwaŋama ni ma Yuʼav zwaŋa Tseruya, mali mataba tsa hahəŋ hkən ya. Ma sana fitik ka klaftá tsi ta gupa ni ka pslatá mnduha hkən dərmək (300). Manda tsaya, ka laghu hga tsatsi da zərwa mataba tsa mnduha hkən ya.

2Sam 3:30

Manda tsaya dzata i Yuʼav nda zwaŋama ni Avisay ta Avner, kabga dzata ni ta zwaŋama taŋ Ghasaʼel ma vulu ma Givghuŋ.

2Sam 3:39

Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

1Mgh 1:33

Ka mgham nda həŋ mantsa: « Hlafwa hla mista ghuni ta kwalvaha daŋahəga ghuni, ka fafta kuni ta zwaŋa ɗa Salumuŋ ta plisa ghwandala vərɗa iʼi, ka kladata kuni da Gihuŋ.

1Rus 11:20

Avisay, zwaŋama ni ma Yuʼav, mali ta ghəŋa tsa gwal hkən ya. Ka pslatá tsi nda gupa ni ta mnduha hkən dərmək (300). Ka laghu hga ni da zərwa mataba tsa gwal hkən ya.

1Rus 18:12

Ka pslatá Avisay, zwaŋa Tseruya ta la Idum dəmbuʼ ghwaŋpəɗ tghas (18.000) ma didiŋa Slughul.

Markus 3:24

Ka tavaptá luwa turtuk ná, dzaʼa nzakway tsa luwa ya tɗukwa ra?

1Sam 26:6

Ka Dawuda nda Ahimelek, mnda la Het, nda ya nda Avisay zwaŋa Tseruya zwaŋama ni ma Yuʼav mantsa: « Wa ta dzaʼa laha kawadaga nda iʼi slanaghatá Sawulu ma ghuɓu na? » kaʼa. Ka Avisay mantsa: « Ta dzaʼa la la yu kawadaga nda kagha, » kaʼa.