2Sam 2:5 - Hdi

⁵ Ka ghunadaptá Dawuda ta mnduha da la Yaves ma Gilghat. Kaʼa nda həŋ mantsa: « Ka tfaghunagha tfa Yawe ta wi, kabga maganata ghuni ta zɗaku ta daŋahəga ghuni Sawulu nda ma paɗamtá ghuni ya.

2Sam 2:5 ပူးပေါင်းရင်းမြစ်များ

Zlrafta 14:19

Ka tfanaghatá tsi ta wi ta Abram, kaʼa nda tsi mantsa: « Ka tfanagha tfa Lazglafta Dagala, ya ta zlagigiŋtá luwa nda haɗik ta wi ta Abram.

Zlrafta 14:22

Ka Abram zlghanaftá wi ta mghama Sədum mantsa: « Ta kapaf kapa yu ta dzva ɗa təv Yawe, Lazglafta Dagala ta zlaganaptá luwa nda haɗik.

2Sam 15:20

Ɗahawu u na sagha ka ná, ka gi klay ɗa ta kagha gita gita ka dzaʼa ra vli, sna a dər vərɗa iʼi ta vli ta dzaʼa slata yu wu ra! Vra da luwa ka hlíŋta ka ta zwana ma gha mista gha. Ka nza zɗaku nda zɗakatahuɗi nda kagha! » kaʼa.

2Sam 21:12

Ka laghu Dawuda da hlakta ghudzifa Sawulu, nda ŋa Yunataŋ zwaŋa ni da la Yaves ma Gilghat. Tsaw si hlaf hla tsaha ya ta badawa ma Betʼsaŋ, ma tsa vli hahaga la Filisti tahula zata ghwa ta ghəŋa Sawulu ma Gilbuwa ya.

Yəhusuwa 2:14

Ka tsa mnduha ya nda tsi mantsa: « Nda hafa ŋni ta waɗaghunata ŋni. Ka mnaŋ a kagha gwaɗa ta sagha ŋni wu, dzaʼa maga gha maga ŋni ta zɗaku, baɗ da vlaŋnata Yawe ta na haɗik na, ɓlanapta a aŋni ta skwi hbaf mu wu, » ka həŋ.

Gwal tsa guma 21:8

Ka həŋ mantsa tama: « Mamu mndu mataba mndəra la Israʼila, kul lafi ta kəma Yawe ma Mitspa ra? » ka həŋ. Tsaw haɗ mndu mataba la Yaves ma Gilghat kul lafi da ghuɓu, da guyatá ghəŋa mnduha wa.

Rut 1:8

Ama ka Naghumi nda tsa ghwaʼaliha ni his ya mantsa: « Lawa la, ka vra dər wati ma kaghuni da ma ni. Ka nza zɗakwa Yawe kawadaga nda kaghuni, manda ya nza kaghuni nda zɗaku kawadaga nda tsa gwal ta rwuta, nda ya nda iʼi ya.

Rut 2:20

Ka Naghumi nda ghwaʼala ni mantsa: « Ka tfanagha tfa Yawe ta wi, ta tsa mndu kul zlanata maganatá zɗaku ta gwal nda hafu nda gwal nda rwa ya! » kaʼa. Ka Naghumi nda tsi guli mantsa: « Huɗuhuɗa mu tsa Bughaz ya, tekw tsatsi mataba gwal raŋ vara u, » kaʼa.

Rut 3:10

Ka Bughaz mantsa: « Ka tfaghagha tfa Yawe ta wi makwa ɗa! Nana skwi maga ka na ná, maraŋ mara ta zɗaku ma kagha ka malaghutá ya taŋtaŋ, kabga ndinis a ka ta duhwalha dər má ka pɗu həŋ, dər má ka gadghəl a həŋ.

1Sam 11:1

Tahula tsa, ka lagha Nahas mghama la Ghamuŋ fatá ghuɓa ni ma luwa Yaves ma Gilghat ka ŋamta nda vulu. Ka inda la Yaves ma Gilghat nda tsi mantsa: « Dzraf dzra ta wi nda aŋni, dzaʼa magay ŋni ta slna ŋa gha, » ka həŋ.

1Sam 11:9

Ka həŋ nda tsa gwal ghunay si ta lagha ya mantsa: « Wya ka kuni dzaʼazlay nda la Yaves ma Gilghat: Mahtsim ɗək fitik ma ghəŋ, dzaʼa mbaku kuni, » ka həŋ. Ka klaghatá tsa gwal ghunay ya ta tsa gwaɗa ya ŋa la Yaves. Ka rfu həŋ ta rfu.

1Sam 15:13

Ka lagha Samuyel slanaghatá Sawulu. Ka Sawulu nda tsi mantsa: « Ka tfaghagha tfa Yawe ta wi! Maga maga yu ta slna nda gwaɗa Yawe, » kaʼa.

1Sam 23:21

Ka Sawulu mantsa: « Ka tfaghunagha tfa Yawe ta wi, kaghuni gwal ta tawa hiɗahiɗa ta iʼi ya!

1Sam 24:19

Kagha, mariɗiŋ mara ka gita ta zɗaku ya ta mag ka ŋa ɗa. Si vla vla Yawe ta iʼi ma dzva gha, ka zlanatá ka ta dzihata.