2Sam 2:1 - Hdi

¹ Tahula tsaya, ka ɗawaŋtá Dawuda da Yawe, kaʼa mantsa: « Ka lafa yu da ya turtuk ma luwaha la Yuda ra? » kaʼa. Ka Yawe nda tsi mantsa: « Ŋla, » kaʼa. Ka Dawuda mantsa: « Da wati vli dzaʼa ŋladafta yu na? » kaʼa. Ka Yawe nda tsi mantsa: « Da Hevruŋ, » kaʼa.

2Sam 2:1 ပူးပေါင်းရင်းမြစ်များ

Zlrafta 13:18

Tahula tsa, ka sliʼanaftá Abram ta tumpulha ni, ka laghu da nzata ndusa nda fuha dagala dagala ma Mamre ndusa nda Hevruŋ. Ka dzihwanaftá tsi ta gwir ta Yawe hada.

Zlrafta 32:2

Ka kəɗ Yakubu ta mbaɗa ni, ka guyatá duhwalha Lazglafta nda tsi.

2Sam 15:7

Tahula vaku fwaɗ mbsak, ka Avsalum nda mgham mantsa: « Vliha vla ta tvi ka dzaʼa yu da Hevruŋ da hɗamtá wuɗu ya waɗana yu ta Yawe.

2Sam 2:11

Ka magatá Dawuda ta vaku ndəfáŋ nda tili mkuʼ ta ga mgham ta ghəŋa la Yuda ma Hevruŋ.

2Sam 5:19

Ka ɗawaŋtá Dawuda da Yawe, kaʼa nda tsi mantsa: « Ka ŋla yu da vulu nda la Filisti ra? Dzaʼa vla vla ka ta həŋ ma dzva ɗa ra? » kaʼa. Ka Yawe nda Dawuda mantsa: « Ŋla, kabga dzaʼa vla vla yu kahwathwata ta la Filisti ma dzva gha, » kaʼa.

2Sam 5:23

Ka ɗawaŋtá Dawuda da Yawe ta skwi ŋa magay ni. Ka Yawe nda tsi mantsa: « Ma laf ka, tsanagha tsa ta wara wara ta həŋ nda ta hul, ka dɗanaghata ka ta həŋ ma vla fuha ta hgə lu ka balsam ya.

1Mgh 2:11

Fwaɗ mbsak vakwa Dawuda ta gá mgham ta ghəŋa la Israʼila. Ndəfáŋ vakwa ni ta gá mgham ma Hevruŋ, hkən mbsak hkən mida vakwa ni ma Ursalima.

1Rus 29:7

Ka valatá həŋ ŋa maga slna həga Lazglafta ta kiluʼa dasu dəmbuʼ dərmək nda ndəfáŋ mbsak (170.000), nda tsedi ka dasu dəmbuʼ ghwaŋ (10.000), nda kiluʼa kfura tsedi dəmbuʼ hkən dərmək nda fwaɗ mbsak (340.000), nda kiluʼa ghuva tili dəmbuʼ mkuʼ dərmək nda ghwaŋpəɗ his (612.000), nda kiluʼa kfur mleŋwi hkən nda dəmbuʼ fwaɗ dərmək (3.400.000).

2Rus 11:10

nda Tsurgha, nda Ayaluŋ, nda Hevruŋ. Tsaha ya luwaha ma matsaka huzlu ma haɗika Yuda nda Biŋyamiŋ.

Mbsak 13:22

Ka laf həŋ nda ma Negev, ka ɓhadaghata ha da Hevruŋ ma vla nzakwa i Ahimaŋ, nda Sesay, nda Talmay ma mndəra la Ghanak. Hevruŋ ná, ndəfáŋ vakwa ni manda fata ma kɗaku lu fatá Tsughaŋ ma Masar.

Mbsak 27:21

Ka sladata tsi ta kəma Ilghazar mnda dra skwi ŋa Lazglafta, ya dzaʼa ɗawafta ŋa ni ta tsata guma Urim ta kəma Yawe. Dzaʼa sna sna i Yəhusuwa nda inda guyatá ghəŋa la Israʼila ta skwiha dzaʼa mnafta tsi dər yawu tsi, » kaʼa.

Yəhusuwa 15:13

Ka vlaŋtá lu ta Kalep zwaŋa Yəfune ta ŋa ni ma kwakwar ma takataka la Yahuda, manda ya mnanaf Yawe ta Yəhusuwa. Ka vlaŋta lu ta Kiriyatʼarba ta hgə lu gitana ka Hevruŋ ya. Arba ná, dzidza Ghanak ya.

Gwal tsa guma 1:1

Tahula mtuta Yəhusuwa, ka ɗawaŋtá la Israʼila da Yawe, ka həŋ mantsa: « Tiŋəl la wa mataba ŋni dzaʼa lafi da gəmata nda vulu nda la Kanʼana na? » ka həŋ.

1Sam 10:22

Ka ɗawuglaŋtá lu da Yawe: « Sagha sa tsa mndu ya da hadna ra? » ka lu. Ka Yawe mantsa: « Wya tsi ta ɗifaghuta mataba huzla, » kaʼa.

1Sam 23:2

Ka ɗawaŋtá Dawuda da Yawe, kaʼa mantsa: « Ka laba yu da guyata nda tsa la Filisti ya ra? » kaʼa. Ka Yawe nda Dawuda mantsa: « La, dzaʼa zak za ka ta tsa la Filisti ya, dzaʼa kataf kata ka ta la Kəghila, » kaʼa.

1Sam 23:4

Ka ɗawuglaŋtá Dawuda da Yawe. Ka Yawe zlghanaftá wi mantsa: « Sliʼa sliʼa ksatá tvi! Vala da Kəghila, kabga dzaʼa vla vla yu ta la Filisti ma dzva gha, » kaʼa.

1Sam 30:31

nda gwal ma Hevruŋ, nda ya ma inda vli ŋla səla i Dawuda nda mnduha ni.