2Sam 19:13 - Hdi

¹³ Zwana ma ɗa kaghuni, sluʼuvgha ɗa kuni usa ɗa kuni. Kabgawu dzaʼa kəl kaghuni ka nzakway ka kɗavakta ni ŋa vradanamta mgham na?” ka kuni dzaʼazlay nda həŋ.

2Sam 19:13 ပူးပေါင်းရင်းမြစ်များ

Zlrafta 29:14

Ka Lavaŋ nda tsi mantsa: « Kahwathwata na, zimbiɗa ɗa ka, usa ɗa ka, » kaʼa. Ka zatá Yakubu ta tili ga Lavaŋ.

2Sam 17:25

Ka faftá Avsalum ta Ghamasa ka ghəŋ ta ghəŋa gwal vulu ma vla Yuʼav. Ghamasa ná, zwaŋa sana mndu ta hgə lu ka Yitra ya, mnda la Israʼila si ta klaftá Abigayel, makwa Nahas, makuma ni ma Tseruya, ma ni ma Yuʼav ya.

2Sam 18:11

Ka Yuʼav nda tsa mndu ta mnay ŋa ni ya mantsa: « Va nda ngha ka ra! Kabgawu kwal ka dzata hada ɓa? Má dzaʼa vlagha vla yu ta sulay ghwaŋ nda ɓanava turtuk, » kaʼa.

2Sam 20:4

Ka mgham nda Ghamasa mantsa: « Hagaɗik haga ta inda mnduha la Yuda ma fitik hkən, ka nzata kagha guli hadna kawadaga nda həŋ, » kaʼa.

2Sam 3:27

Vrakta Avner da Hevruŋ, ka tɗaghatá Yuʼav ta slərpa vli ma ləwa parawala tgha luwa, manda skwi ŋa dzərku. Hada, ka sliglatá tsi ta Avner ma huɗi ŋa plamtá dzata ni ta zwaŋama ni Ghasaʼel.

2Sam 5:1

Ka sliʼadaghatá inda mndəra la Israʼila da slanaghatá Dawuda ma Hevruŋ, ka həŋ mantsa: « Wana ŋni, sluʼuvgha gha ŋni, usa gha ŋni.

2Sam 8:16

Yuʼav, zwaŋa Tseruya mali ta ghəŋa gwal vulu. Yəhusafat, zwaŋa Ahilut ka mnda tskanatá ɗelewera gwaɗa ga mgham.

1Mgh 19:2

Ka ghunaftá Izabel ta mnda ghunay da Iliya ŋa mnanata: « Ka tsiɗagha tsa lazglaftaha ta guma katakata, ka mahtsim, ta va na luwa na, ka magagha a yu ta skwi ya magana ka ta tsa anabiha ya! » kaʼa.

1Rus 12:18

Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

Rut 1:17

Ma vli dzaʼa mtuta ka, hada dzaʼa mtuta yu, hada dzaʼa lamta lu ta iʼi. Nahgani dzaʼa dgihata nda kagha, ka mtaku a tsi wu na! Ka mantsa a tsi wu, ka sgiɗigha sga Yawe ta ghuya ɗaŋwa katakata ya ta malaghuta, » kaʼa.