2Sam 18:2 - Hdi

² Ka daganaptá Dawuda ta gwal vulu ka bakuha hkən, ka fatá tsi ta Yuʼav zwaŋa Tseruya ka mali ta ghəŋa baku turtuk. Faha ta Avisay zwaŋama ni ma Yuʼav ka mali ta ghəŋa mahisa baku. Faha ta Itay mnda la Gat ka mali ta ghəŋa mahkəna baku. Ka mgham nda gwal vulu tama mantsa: « Ta dzaʼa yu kawadaga nda kaghuni, » kaʼa.

2Sam 18:2 ပူးပေါင်းရင်းမြစ်များ

2Sam 17:11

Wya hiɗaku ta vlata iʼi: Ka tskava tska inda la Israʼila ta vata kagha, daga ta kwakwara la Daŋ ha ta kwakwara la Bəʼerseva, manda wutak ta wa drəf ka həŋ, ka dzaʼa vərɗa kagha da vulay.

2Sam 21:17

Ama ka lagha Avisay, zwaŋa Tseruya katatá Dawuda, ka dzatá tsi ta tsa mnda la Filisti ya. Mantsa tama, ka waɗatá mnduha Dawuda, ka həŋ mantsa: « Ləgəlta a ka da vulu kawadaga nda aŋni wu, dá dzaghatá lu, dá mtutá pitirla ga mghama la Israʼila, » ka həŋ.

2Sam 23:18

Avisay, zwaŋama ni ma Yuʼav zwaŋa Tseruya, mali mataba tsa hahəŋ hkən ya. Ma sana fitik ka klaftá tsi ta gupa ni ka pslatá mnduha hkən dərmək (300). Manda tsaya, ka laghu hga tsatsi da zərwa mataba tsa mnduha hkən ya.

2Sam 8:16

Yuʼav, zwaŋa Tseruya mali ta ghəŋa gwal vulu. Yəhusafat, zwaŋa Ahilut ka mnda tskanatá ɗelewera gwaɗa ga mgham.

1Mgh 2:28

Si mista Aduniya na Yuʼav, ama ka kwalaghutá tsi ta dzaʼa mista Avsalum. Mantsa tama, snaŋta ni ta tsa gwaɗa ya, ka hwayaghatá tsi ɗifaghuta ma həga tumpula Yawe, ka kasavata ta duliha gwir.

Gwal tsa guma 7:16

Ka daganaptá Gidghuŋ ta tsa mnduha hkən dərmək (300) ya ka baku hkən. Ka valaŋtá tsi ta inda taŋ ta duli nda hulamha kul haɗ skwi mida, nda pinata vu ma tsa hulamha ya.

Gwal tsa guma 7:19

Taghwaŋ a vli ka lam da takala wu, ka ɓhadaghatá i Gidghuŋ nda bakwa mnduha dərmək (100) ta wa ghuɓu. Mbəɗapta lu yeya ta gwal nghapta ta wa lilwa. Ka vyi həŋ ta duli, ka paslanaptá həŋ ta tsa hulamha ma dzva taŋ ya.

Gwal tsa guma 9:43

Ka hlaftá tsaya ta bakwa mnduha ni, ka dganapta ka zlərma hkən, ka laghu həŋ da paghatá buɗukwa ma vwah. Nghay ni ta mnduha la Səkem ta sliʼagapta ma luwa, ka valaftá Avimelek ta həŋ ka pslatá həŋ.

1Sam 11:11

Ga mahtsima ni, ka dagaptá Sawulu ta mnduha ka zlərma hkən. Ka sliʼamtá həŋ da ghuɓa ghumaha taŋ ma kɗaku vli tsaɗaku. Ka pslə həŋ ta la Ghamuŋ ha ka lafa fitik da ghəŋ. Ka siskata gwal ta ndiri ta vgha, haɗ mndu ta nzata ka guyavata his wa.