2Sam 18:14 - Hdi

¹⁴ Ka Yuʼav mantsa: « Haɗ yu dzaʼa laghwi gərɗa vgha ɗa ta vata kagha wu, » kaʼa. Ka hlaftá tsi ta gupaha hkən ma dzva ni, ka dzadzanamta da ŋuɗuf ta Avsalum. Ta ndiri tsatsi kaŋala ma takataka halalaya fu,

2Sam 18:14 ပူးပေါင်းရင်းမြစ်များ

2Sam 12:10

Ndanana tama, ya hərtəta hərtəta ka ta iʼi, ka klutá ka ta markwa Uriya, mnda la Het ka markwa ghuni ya, haɗ lu dzaʼa pɗatá ma həga ga ghuni ɗekɗek ta mataray wu,” kaʼa.

2Sam 14:30

Ka Avsalum tama nda kwalvaha ni mantsa: « Nda ngha kuni ta vwaha Yuʼav ta vata ŋa ɗa, mamu urz mida ya. Lawa la fiŋta nda vu, » kaʼa. Ka lab kwalvaha Avsalum fiŋtá tsa vwah ya nda vu.

2Sam 18:15

ka tskanavatá duhwalha ghwaŋ ta hla huzla vula Yuʼav ta vgha ta Avsalum, ka kɗiŋtá həŋ ta dzata.

2Sam 18:5

Ka mgham mnanaftá ta i Yuʼav, nda Avisay, nda Itay mantsa: « Kdəkwakdək, ɗaswa ka kuni dá balanatá kuni ta tsa duhwal ka Avsalum ya! » kaʼa. Nda sna inda sludziha ta mnanaftá mgham ta tsa gwaɗa ta ghəŋa Avsalum ya ta inda maliha.

2Sam 19:1

Bur, ka ŋuɗufa mgham, ka ŋladaftá tsi da dzuguvi ta ghəŋa tsa wa tgha ya, ka hərɓa taw. Kaʼa ta dzaʼa nda mnay ta mbaɗ tsi ta mbaɗa mantsa: « A zwaŋa ɗa Avsalum! A zwaŋa ɗa, a zwaŋa ɗa Avsalum! Ma iʼi ta mtuta ma vla gha ɓa! A zwaŋa ɗa Avsalum, a zwaŋa ɗa, a zwaŋa ɗa! » kaʼa.

2Sam 19:11

Tsaw tsa Avsalum si fa mu nda ma pghanaghatá rɗi ŋa gay ni ta mgham ta ghəŋa amu ya, nda mta ta wa vulu. Nahgani ta kəzlə kuni ta gwaɗa ta vranaktá mgham Dawuda na? » ka həŋ.

Mata 12:40

Manda va ya maga anabi Yunusa ta vaghu hkən nda rviɗik hkən ma huɗa mghama klipi ya, manda va tsaya guli dzaʼa magata Zwaŋa mndu ta vaghu hkən nda rviɗik hkən ma haɗik.

1Tes 5:3

Ma fitika mnay mnduha kazlay: Zɗa nzaku, ta haɗ hwazlaɓaku wu kəʼa ya, gi ma tsaya dzaʼa slakwa ɓadzaku, manda va ya ta sagha fitika dgakwa marakw nda huɗi dluk ya. Haɗ həŋ dzaʼa ndapta mida wa.

Gwal tsa guma 4:21

Hərfu hərfa Sisəra katakata, meʼ dza dza hani. Ka klaftá Yaghel markwa Hever ta silika tumpul, nda nduvul, ka kɗikadaghata ta vata ni, ka dalanamtá tsa silik ya ma ghəŋ tes da haɗik, ka mtuta Sisəra.

Gwal tsa guma 5:26

Ka klaftá tsi ta silik ma sana dzva ni, ma zeghwa guli, ka klaftá tsi ta nduvula gwal maga slna. Ka dzuŋtá tsi ta Sisəra, ka tanaptá ghəŋ, ka pslanaptá ghəŋ, ka zlaganapta.

Gwal tsa guma 5:31

Ari Yawe! Ka zwaɗ zwaɗa ghumaha manda Sisəra. Gwal ta ɗvuta ná, ka nza həŋ guram nda fitik ta zlagapta nda mbrakwa ni, » kaʼa. Fwaɗ mbsak vakwa tsa haɗik ya ma zɗaku.