2Sam 16:10 - Hdi

¹⁰ Ama ka mgham nda tsi mantsa: « Kaghuni zwana Tseruya, nu gwaɗa kaghuni na? Ka ta ksiʼay tsi, ba Yawe ta mnanata kazlay na: “Ksiʼa ta Dawuda!” kəʼa. Wa tama dzaʼa mnanata kazlay na: Kabgawu ta kəl ka ka magay manda tsa kəʼa na? » kaʼa.

2Sam 16:10 ပူးပေါင်းရင်းမြစ်များ

Zlrafta 50:20

Kaghuni, si ndanaŋ ndana kaghuni ta magihatá ghwaɗaka skwi. Ama ka kumaftá Lazglafta ta mbəɗanafta ka skwi ɗina, ŋa hɗamtá na skwi ta magaku gita na, ŋa nzulanatá hafa ndəghata mnduha.

2Sam 19:22

Ka zlghaftá Avisay zwaŋa Tseruya ta wa ni, kaʼa mantsa: « Simghi ta ksiʼa mndu ya fa Yawe nda ma pghanaghatá rɗi, ra a ka dzata wu ra? » kaʼa.

2Sam 19:23

Ama ka Dawuda mantsa: « Nahgani ta klamtá kaghuni dida ní, a zwana Tseruya? Kabgawu kəl kuni ka nzakway gita ka ghuma ɗa na? Dzaʼa dza dza lu ta mndu ma Israʼila gita ra? Gita a grafta yu kazlay nda nza yu ka mghama la Israʼila kəʼa wu ra? » kaʼa.

2Sam 3:39

Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

1Mgh 17:18

Ka tsa marakw ya nda Iliya mantsa: « Nya mataba u ní, a mnda Lazglafta? Ŋa havaktá krughuva ɗa, nda ya ŋa dzatá zwaŋa ɗa sagha ka da ini ra? » kaʼa.

1Mgh 2:5

Ta ghəŋa tsa, nda sna ka ta skwi magiha Yuʼav, zwaŋa Tseruya, skwi magana tsi ta maliha his mataba gwal vula la Israʼila, i Avner, zwaŋa Ner, nda Ghamasa, zwaŋa Yeter: Ka pslatá tsi ta həŋ, ka pghiŋtá tsi ma fitika nzakw ma zɗaku ta us, manda skwi ma vla vulu, ka magaftá tsi ta us ta ɓanava mista ni nda ɓaɓah ma səla ni.

2Mgh 18:25

Tsaya a va ni wu, nda kumay Yawe a safa yu da zaɗanatá na vli na kasiʼi wa? Ka Yawe mnaɗifta na: “Ŋla liŋtá tsa haɗik ya, ka zaɗanata ka!” » kaʼa.

Mata 16:23

« Laghu la gha ta vata iʼi, halaway na. Tuthun ta fə ka ŋa ɗa. Manda ŋa Lazglafta a ta ndana ka ta ndanu wu, manda ŋa mnda səla ta ndana ka, » ka Yesu mbəɗavata nda Piyer.

Mata 8:29

Ka gi dzə həŋ ta lawlaw. Ka həŋ mantsa: « Nya mataba mu nda kagha ní Zwaŋa Lazglafta? Sagha da ghuyaŋnaftá ka ta kul magaku fitika ni ra? » ka həŋ.

Yuhwana 18:11

Ka Yesu mantsa: « Vranam vra ta kafaya gha da kupaka ni. Ra a ka say ɗa ta leghwa ghuya ɗaŋwa ya vliha Da ɗa wu ka ka rki na? » kaʼa nda Piyer.

La Ruma 9:20

Kagha mnda səla, wa hga gha ŋa zlərɗa ya kumaŋ Lazglafta na? Ta mnay skwi tsaf lu nda rɓisl ŋa mndu ya ta tsafta kazlay: Kabgawu kəl ka ka tsaftá iʼi manda na na kəʼa ra?

1 Piyer 2:23

Ma fitika razay mnduha, vranam a ta həŋ nda razu wa. Ma fitika ghuyay lu ta ɗaŋwa ŋa ni, tha a kazlay: Nyaʼ, kabgawu na kəʼa wa. Ka zlanaŋtá tsi ta ghəŋa ni ta Lazglafta ya ta tsa guma nda tva ni ya.

1Sam 26:19

Ndanana, kdəkkdək, ka fa fa mgham rvera ɗa ta sləməŋ ka sna gwaɗa kwalva ni. Ka Yawe ta famtá kagha ŋa ŋawa iʼi katsi, ka tsuʼaf tsuʼa tsi ta mbəha urdi! Ama ka mnduha tsi katsi, ka nza həŋ nda ksiʼa ta kəma Yawe. Ta ghəzla iʼi həŋ gita ŋa bəghiɗta ma za həga Yawe nda mnay kazlay na: “La da maganatá slna ta sana lazglaftaha!” kəʼa.