2Sam 14:22 - Hdi

²² Ka zləmbatá Yuʼav zlumbruh ta haɗik, ka tsəlɓatá tsi. Ka tfanagha tfa Lazglafta ta wi ta mgham, kaʼa. Kaʼa guli mantsa: « Iʼi kwalva gha, nda sna yu gita kazlay na mutsaf mutsa yu ta zɗakatahuɗi ta wa ira gha, mgham, rvera ɗa, ka si maga maga tsi manda tsa mna yu ya, » kaʼa.

2Sam 14:22 ပူးပေါင်းရင်းမြစ်များ

Zlrafta 47:7

Ka kladamtá Yusufu ta da ni Yakubu maraŋta da Firʼawna. Ka tfanaghatá Yakubu ta wi ta Firʼawna.

Zlrafta 6:8

Ama ka mutsaftá Nuhu ta zɗakatahuɗi da Yawe.

2Sam 14:21

Tahula tsa, ka mgham laghwi mnanatá Yuʼav mantsa: « Ɗina tsa, dzaʼa magay yu manda ya mna ka. La tama vranaktá tsa duhwal Avsalum ya, » kaʼa.

2Sam 14:23

Ka sliʼaftá Yuʼav ka laghwi da Gesur, ka vraganaghatá tsi ta Avsalum da Ursalima.

2Sam 14:4

Ka lagha tsa markwa la Tekuwa ya da mgham. Ka zləmbatá tsi zlumbruh ta haɗik, ka tsəlɓata, kaʼa mantsa: « Ta mblam ka hafa gha mghama ɗa, kata ta iʼi! » kaʼa.

2Sam 19:39

Ka mgham mantsa: « Ka pgha Kimham ta iʼi, dzaʼa magana maga yu ta skwi ya ta zɗəgaghata. Inda skwi ya dzaʼa ɗawaŋta ka da iʼi, dzaʼa maga gha maga yu, » kaʼa.

Nəhemiya 11:2

Ka tfanaghatá mnduha ta wi ta inda mnduha ta fatá ghəŋa taŋ ŋa nzata ma Ursalima.

Rut 2:2

Ma sana fitik, ka Rut makwa la Muwav nda Naghumi mantsa: « Kdəkkdək zliha zla ka dzaʼa yu da tska vana ma vwah nda hula mndu ya dzaʼa zɗəɗiŋ ta huɗi, » kaʼa. Ka Naghumi mantsa: « La makwa ɗa, » kaʼa.

1Sam 20:3

Ka Dawuda nda waɗu nda waɗu kay guli mantsa: « Nda sna da gha ɗina kazlay na, mutsaf mutsa yu ta zɗakatahuɗi da kagha kəʼa. Wya kəʼa ta ndanay: “Má ma snaŋ Yunataŋ, kada kwala tsi ta kəɓay,” kaʼa. Ama ta waɗa waɗa yu nda hga Yawe nda hafu mida, nda ya nda htsiŋa vərɗa kagha, səla turtuk yeya mataba ɗa nda mtaku! » kaʼa.