2Rus 7:17 - Hdi

¹⁷ Kagha ya, ka ta mbaɗay ka ta kəma ɗa manda ya mbaɗ da gha Dawuda, nda ma hɗamtá inda skwi mnaghaf yu, ka ŋana ŋa ka ta zlahuha ɗa, nda tva skwiha ɗa ŋa magay katsi,

2Rus 7:17 ပူးပေါင်းရင်းမြစ်များ

1Mgh 11:38

Ka sna sna ka ta inda skwi dzaʼa mnaghafta yu, ka ta ksay ka ta tviha ya nghadap yu tɗukwa, nda ma ŋanata gha ta skwiha ta raku, nda zlahuha ɗa, manda ya maga kwalva ɗa Dawuda, dzaʼa nza nza yu kawadaga nda kagha. Dzaʼa vlagha vla yu ta həga ga mgham nda diha, manda ya maga yu ŋa Dawuda, dzaʼa fagham fa yu ma dzvu ta la Israʼila.

1Mgh 2:3

Ka ŋanata ka ta skwiha ya mnaghaf Yawe, Lazglafta gha, ka mbaɗa ka ta mbaɗa ta tviha ni, ka maga ka ta slna nda gwaɗaha ni, nda zlahuha ni, nda tva tagha skwa ni, nda tva dva mnda ni, manda ya nda vinda ma zlaha Musa. Mantsa tama dzaʼa katsay ka ta inda skwi dzaʼa ka magay nda inda vli dzaʼa ka da lagha,

1Mgh 3:14

Ka ta mbaɗa ka ta tviha ɗa nda ma ŋanatá zlahuha ɗa, nda skwiha ta mnafta yu manda da gha Dawuda katsi, dzaʼa slranagha slra yu ta hafa gha, » kaʼa.

1Mgh 8:25

Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka mbaɗay taŋ ta mbaɗa ta kəma ɗa manda ya mbaɗ kagha ta kəma ɗa,” ka ka.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 6:16

Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka ksay taŋ ta zlaha ɗa manda ya maga vərɗa kagha,” ka ka.

2Rus 7:16

Ndanana, zbap zba yu, faghu fa yu ta tsa həga ya ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Rus 7:18

dzaʼa dihana diha yu ŋa ɗekɗek ta dughurukwa gá mghama gha, taɓta ya dzraf ŋni nda da gha Dawuda nda mnay kazlay na: “Haɗ ka dzaʼa pɗata ɗekɗek ta mndu ŋa za həga gha ŋa gá mgham ta ghəŋa la Israʼila,” kəʼa ya.

Yuhwana 14:21

« Ka ŋana ŋa mndu ta zlahuha ɗa ka snata, tsaya mndu ta ɗvutá iʼi. Dzaʼa ɗvu ɗva Da ɗa ta tsa mndu ta ɗvutá iʼi ya. Iʼi guli dzaʼa ɗvu ɗva yu ŋa maranaŋta ɗa ta nzakwa ɗa, » kaʼa.

Yuhwana 15:10

Ka ta sna sna kuni ta zlaha ɗa, dzaʼa gɗava gɗa kuni ma ɗvutá mnda ɗa. Manda tsaya snata iʼi ta zlaha Da ɗa, kəl iʼi ka gɗavata ma ɗvutá mndani.

Vrafta ta zlahu 4:40

Ka ŋanata kuni ta zlahuha ni, nda skwiha ŋa magay ya mnaghunaf yu gita, kada nzata kuni ləŋləŋ, kaghuni nda zivira ghuni, ŋa slravaghata hafa ghuni ta haɗik ya vlaghuna Yawe, Lazglafta ghuni ŋa ɗekɗek. »