2Rus 6:16 - Hdi

¹⁶ Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka ksay taŋ ta zlaha ɗa manda ya maga vərɗa kagha,” ka ka.

2Rus 6:16 ပူးပေါင်းရင်းမြစ်များ

1Mgh 2:4

kada hɗanamta Yawe ta gwaɗaha ya mniha tsi: “Ka ta nghap ngha zivira gha ka nzakwa taŋ, ka mbaɗa nda zɗaku ta kəma ɗa, nda hya hya ŋuɗufa taŋ, nda kɗavakta hafa taŋ, mantsa, haɗ ka dzaʼa pɗata ɗekɗek ta ŋa gha mndu ta dughurukwa ga mghama la Israʼila wa.”

1Mgh 6:12

« Ta ghəŋa na həga ta bə ka na ná, ka ta ksay ka ta slna nda zlahuha ɗa, ka ta snay ka ta skwiha nda ra, ta ŋana ŋa ka ta inda gwaɗaha ɗa katsi, dzaʼa hɗagham hɗa yu ta gwaɗa ɗa ya mnana yu ta da gha Dawuda.

2Rus 13:5

Sna a kuni kazlay na vlaŋ vla Yawe, Lazglafta la Israʼila ta Dawuda ta gá mgham ŋa ɗekɗek ta ghəŋa la Israʼila, ŋa tsatsi nda inda zivira ni, nda ma dzratá wi nda slughul, kəʼa wu ra?

2Rus 21:7

Ama va a Yawe ta zaɗanatá la ga Dawuda wu, dabga dzratá wi ya dzraf tsi, nda ya dabga vəl tanaf tsi ta imi ta sləməŋ ta Dawuda nda mnay kazlay dzaʼa gɗa gɗa yu ta vlaŋtá pitirla, mantsa ya zivira ni guli kəʼa ya.

2Rus 23:3

Ka dzraftá inda guyatá ghəŋa mnduha ta wi nda mgham ma həga Lazglafta. Ka Yəhuyada nda həŋ mantsa: « Wana zwaŋa mgham! Tsatsi raŋ gá mgham, manda va ya mna Yawe ta ghəŋa zivira Dawuda.

2Rus 6:17

Ndanana, kdəkkdək hɗam hɗa vərɗa kagha Yawe, Lazglafta la Israʼila ta tsa tatá imi tanaf ka ta sləməŋ ta kwalva gha, Dawuda ya!

2Rus 7:17

Kagha ya, ka ta mbaɗay ka ta kəma ɗa manda ya mbaɗ da gha Dawuda, nda ma hɗamtá inda skwi mnaghaf yu, ka ŋana ŋa ka ta zlahuha ɗa, nda tva skwiha ɗa ŋa magay katsi,

2Rus 7:18

dzaʼa dihana diha yu ŋa ɗekɗek ta dughurukwa gá mghama gha, taɓta ya dzraf ŋni nda da gha Dawuda nda mnay kazlay na: “Haɗ ka dzaʼa pɗata ɗekɗek ta mndu ŋa za həga gha ŋa gá mgham ta ghəŋa la Israʼila,” kəʼa ya.