2Rus 6:14 - Hdi

¹⁴ kaʼa mantsa: « Ari Yawe, Lazglafta la Israʼila! Haɗ lazglafta ta gwagwaya vgha nda kagha, dər ta luwa, dər ta haɗik wa. Ta ŋana ŋa ka ta dzratá wa gha, nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ.

2Rus 6:14 ပူးပေါင်းရင်းမြစ်များ

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 33:20

Ka dzihwaftá tsi ta gwir guli hada, ka hgə tsi ka Il, Lazglafta la Israʼila.

Zlrafta 35:10

Ka Lazglafta nda tsi mantsa: « Yakubu hga gha, ama haɗ lu dzaʼa hgəgəltá kagha ka Yakubu wa, Israʼila dzaʼa hga lu ta kagha, » kaʼa. Mantsa tama, ka hgə tsi ka Israʼila.

Zlrafta 5:24

Ma tsa nzakwa ni ma zɗaku nda Lazglafta ya, gi nghəgla a lu wu, klagha kla Lazglafta.

2Sam 7:22

Dagala kagha mghama ɗa Yawe! Haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

1Mgh 3:6

Ka Salumuŋ mantsa: « Maranaŋ mara ka ta zɗaku dagala ta kwalva gha da ɗa Dawuda, kabga mbaɗa ni ta kəma gha ka mndu tɗukwa ŋa faftá ghəŋ tida, ka ŋərma mndu. Ka kɗaŋta ka ta maranaŋtá ta zɗaku dagala nda ma vlaŋtá gha ta zwaŋa zgun ta nzaku ta dughurukwa ga mghama ni gita.

1Mgh 6:12

« Ta ghəŋa na həga ta bə ka na ná, ka ta ksay ka ta slna nda zlahuha ɗa, ka ta snay ka ta skwiha nda ra, ta ŋana ŋa ka ta inda gwaɗaha ɗa katsi, dzaʼa hɗagham hɗa yu ta gwaɗa ɗa ya mnana yu ta da gha Dawuda.

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Rus 29:10

Ka rfanaghatá Dawuda ta Yawe ta kəma inda guyatá ghəŋ, kaʼa mantsa: « Rfu ŋa gha daga manda ghalya ha ŋa ɗekɗek, Yawe, Lazglafta Israʼila, dzidza ŋni!

1Rus 29:20

Tahula tsa, ka Dawuda nda inda guyatá ghəŋ mantsa: « Kdəkwakdək! Rfanaghawa rfa ta Yawe, Lazglafta ghuni, » kaʼa. Ka rfanaghata inda guyatá ghəŋ ta Yawe, Lazglafta dzidzíha taŋ. Ka dzadzatá həŋ ta ghəŋ, ka tsətsəlɓata ta kəma Yawe, nda ya ta kəma mgham.

2Rus 20:6

kaʼa mantsa: « Yawe, Lazglafta dzidzíha ŋni, kagha a Lazglafta ta luwa wu ra? Kagha a ta nzanaghatá inda gá mghama mndəra mnduha wu ra? Ma dzva gha prəsl nda mbraku, haɗ mndu ta laviŋtá ŋaŋta da kagha wa.

2Rus 6:17

Ndanana, kdəkkdək hɗam hɗa vərɗa kagha Yawe, Lazglafta la Israʼila ta tsa tatá imi tanaf ka ta sləməŋ ta kwalva gha, Dawuda ya!

Nəhemiya 1:5

ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Sabi 15:11

Ari Yawe, wa ya manda kagha mataba lazglaftaha na? Wa ya ta gara vgha nda kagha na? Ta ndərmima mndu na ghuɓatá kagha! Nda sgit ta kagha ma inda slnaha gha, nda ra ka ka vlaŋtá glaku, mamu ka nda mbrakwa maga inda skwiha!

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Sabi 8:6

Kaʼa mantsa: « Mahtsim, » kaʼa. Ka Musa mantsa: « Dzaʼa nzakway manda ya mna ka! Kada snaŋta ka kazlay haɗ mndu taɓta Yawe, Lazglafta ŋni wu kəʼa.

Danyel 9:4

Ka mag yu ta duʼa da Yawe, Lazglafta ɗa, ka mnanaŋtá yu ta dmakuha ŋni, ka yu mantsa: « Ar Mgham Lazglafta, dagala ka, ka makwitkwit ka, ta ŋanata dzratá wi nda zɗaku, nda gwal ya ta ɗvutá kagha, nda gwal ta ŋanatá zlahuha gha:

Lukwa 1:50

Tawa hiɗahiɗa ni ná, nda nza ŋa ɗekɗek ta ghəŋa gwal ta zləŋay.

Lukwa 1:6

Tɗukwa mndu həŋ his his ta wa ira Lazglafta. Ta snay həŋ ta zlaha Lazglafta nda skwa dzahayha ni, haɗ maslivinza ta ksaŋtá həŋ wa.

Lukwa 1:72

Mantsa ya, maranaŋ mara ta tsa tva hiɗahiɗa ni ya ta dzidzíha mu, ka havaktá tsi ka tsa dzratá wa ni nda ghuɓa ya,

Vrafta ta zlahu 3:24

“Mgham Yawe, zlraf zlra ka ta maranaŋta kwalva gha ta glakwa gha, nda mbrakwa gha. Wati ma lazglafta ya dər ta luwa tsi, dər ta haɗik a tsi, ta laviŋta magatá mndərga na mghama slna maga ka na na?

Vrafta ta zlahu 4:39

Grafwa gra gita, ka ndana kuni ma ŋuɗufa ghuni kazlay Yawe ná, Lazglafta ta luwa nda ya ta haɗik ya, haɗ sani wu, kəʼa.

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.