2Rus 5:2 - Hdi

² Ka tskanatá Salumuŋ ma Ursalima ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

2Rus 5:2 ပူးပေါင်းရင်းမြစ်များ

2Sam 5:7

Ama ka zluʼatá Dawuda ta Tsiyuŋ vli ya ŋam lu ma matsaka huzlu, ta hgə lu tahula tsa ka luwa Dawuda ya.

2Sam 6:12

Ka lagha lu mnanatá mgham Dawuda kazlay: « Waʼa tfanagha tfa Yawe ta wi ta Ghuvetʼidum nda inda skwa ni tani, dabga akwata Lazglafta kəʼa, » ka lu. Ka sliʼaftá Dawuda ka laha klagafta ma rfu da luwa Dawuda ta akwata Lazglafta ga Ghuvetʼidum.

1Rus 15:1

Ka babaftá Dawuda ta həgaha ni ma luwa Dawuda, ka payaftá tsi ta vli ŋa akwata Lazglafta, ka dzugwanatá tsi ta tumpul.

1Rus 15:12

Kaʼa nda həŋ mantsa: « Kaghuni mala ga həgaha mataba la Levi. Tsaɗiŋwa tsaɗa ta nzakwa ghuni, kaghuni nda zwana ma ghuni, ka kladafta kuni ta akwata Yawe, Lazglafta la Israʼila, da vli payaf yu.

1Rus 15:25

Mantsa tama, ma tsa rfu ya, ka laghu i Dawuda nda la galata mnduha la Israʼila, nda maliha ta ghəŋa bakwa gwal vulu dəmbuʼ dəmbuʼ ŋa kladaftá akwata dzratá wa Yawe daga ga Ghuvetʼidum.

1Rus 15:3

Ka tskanatá Dawuda ta la Israʼila demdem ma Ursalima ŋa kladaftá akwata Yawe da tsa vli payanaf tsi ya.

1Rus 16:1

Tahula ɓhadanaghatá tsa akwata Lazglafta ya, ka kladamtá lu fata ma huɗa tsa tumpul dzugwa Dawuda ya, ka valatá lu ta kəma Lazglafta ta skwiha pla ghəŋ ŋa dray tsuh tsuh, nda skwiha pla ghəŋa zɗaku.

1Rus 24:31

Ka vzaftá hahəŋ guli ta vindima manda ŋa zwana ma taŋ, zivira Haruna, ta kəma i mgham Dawuda nda Tsaduk, nda Ahimelek, nda mala ga həgaha gwal dra skwi ŋa Lazglafta, nda ŋa la Levi. Ka vzatá mala ga həgaha guli manda ŋa sagəŋa ni gudzekw ya.

1Rus 24:6

Ka vindaftá Səmaghya zwaŋa Netaŋʼel, mnda vindi mataba la Levi ta həŋ ta kəma mgham, nda maliha, nda Tsaduk mnda dra skwi ŋa Lazglafta, nda Ahimelek, zwaŋa Aviyatar, nda mala ga həgaha gwal dra skwi ŋa Lazglafta, nda la Levi. Ta zbap zba lu ta həga turtuk mataba la Ilghazar, turtuk mataba la Itamar.

1Rus 26:26

Tsa Səlumit ya nda zwana ma ni ta ngha inda dzuguviha ɗifa skwa gadghəl pghaghu i mgham Dawuda, nda mala ga həgaha, nda maliha ta ghəŋa dəmbuʼ dəmbuʼ, nda maliha ta ghəŋa dərmək dərmək, nda maliha gwal vulu, ŋa Lazglafta.

1Rus 28:1

Ka tskanatá Dawuda ma Ursalima ta inda maliha la Israʼila, gwal ma mndəra mnduha, nda maliha ma dagata bakuha ta maganatá slna ta mgham, maliha ta ghəŋa bakwa gwal vulu dəmbuʼ dəmbuʼ, nda ya ta ghəŋa bakwa gwal vulu dərmək dərmək, nda maliha ta ghəŋa inda skwiha, nda bra rina mgham, nda ŋa zwana ni, nda gwal dagaladagala ta maganatá slna, nda gwal viɗviɗ, nda inda gwal ka bikwira vulu.

2Rus 1:4

Ama ghada ghada Dawuda ta klaftá akwata Lazglafta ma Kiriyatʼyegharim, ka kladafta da Ursalima da tsa vli payanaf tsi ya, kabga dzugwana dzugwa ta tumpul hada.

2Rus 5:1

Mantsa ya ka Salumuŋ kɗiŋta magatá inda tsa slnaha ba həga Yawe. Ka hlaktá tsi ta skwiha ya si pghaghu da ni Dawuda ŋa Yawe: Kfura tsedi, nda dasu, nda inda huzlaha kavghakavgha. Ka pghatá tsi demdem ma dzuguva ɗifa skwa gadghəl ma həga Lazglafta.

2Rus 5:12

Inda la Levi ka gwal fa laha, i Asaf, nda Hemaŋ, nda Yədutuŋ, nda zwana taŋ nda zwana ma taŋ nda susuɗatá lguta sləvdza liŋ kulefeɗfeɗa həŋ, ka sladata nda ga silwa gwir, ka dza ndeŋndeŋ, nda htimbil, nda kəzliŋkəzliŋ həŋ. Dərmək nda hisambsak (120) gwal dra skwi ŋa Lazglafta ta vata həŋ ta vya talakwa.

La Levi 9:5

Ka hladaghatá həŋ ta tsa skwiha mnaf Musa ya ta wa tumpula guyaku, ka sliʼadaghata guyatá ghəŋa la Israʼila demdem, ka sladata ta kəma Yawe.

Mbsak 10:33

Ka sliʼaftá həŋ mista ghwá Yawe, ka magatá həŋ ta fitik hkən ta mbaɗa. Laghu la akwata dzratá wa Yawe ta kəma taŋ ma tsa mbaɗa taŋ ka fitik hkən ya, ŋa tsatsaftá vli ŋa fata taŋ ta ghuɓa taŋ.

Mbsak 10:36

Ma fitik ta sladata tsi, kaʼa mantsa: « Vrak vra gha Yawe! Ka nzata ka mataba dəmbuʼata la Israʼila! » kaʼa.