2Rus 5:13 - Hdi

¹³ Hɗəmtsək guyata wa tsa gwal fa laha ta gwaftá vgha, ka skalu, ka zləzləva Yawe nda vya talakwa, nda dza ndeŋndeŋ, nda htimbil nda sanlaha ma huzlaha ya. « Ŋərma ya, ta gɗava gɗa zɗakwa ni ŋa ɗekɗek! » ka həŋ. Ma tsa fitik ya, ta ndəghanaf ndəgha kusay ta həga Yawe.

2Rus 5:13 ပူးပေါင်းရင်းမြစ်များ

1Rus 16:4

Ka pghamtá tsi ta sanlaha ma la Levi ŋa maga slna ta kəma akwata Yawe ŋa gɗata ta ndəɓa dzvu, nda rfay, nda zləzləvay ta Yawe, Lazglafta la Israʼila.

2Rus 20:21

Tahula tsa, ka dzərkavatá tsi nda mnduha, ka zabaftá tsi ta gwal fa laha ŋa Yawe ŋa zləzləvay taŋ ta sgita ghuɓata ni. Ka lab həŋ ta kəma gwal vulu nda hbatá vgha nda huzla vulu, ka həŋ mantsa: « Zləzləvawa Yawe! Ta gɗava gɗa zɗakwa ni ŋa ɗekɗek! » ka həŋ.

2Rus 20:22

Ma fitika zlrafta taŋ ta hayay nda laha zləzləvu, ka hwazlaɓanaftá Yawe ta la Ghamuŋ, nda la Muwav, nda mnduha ta kwakwar ta ghwá Seghir si ta laha da guyata nda la Yuda, ka dzaɓa vgha taŋ.

2Rus 7:1

Kɗiŋta Salumuŋ ta ndəɓa dzvu, ka saha vu daga ta luwa, ka driŋtá skwa pla ghəŋ ŋa dray tsuh tsuh, nda skwa pla ghəŋha, ka ndəghanaftá glakwa Yawe ta tsa həga ya.

2Rus 7:2

Laviŋ a gwal dra skwi ŋa Lazglafta ta lami da həga Yawe wu, kabga ndəghanaf ndəgha glakwa Yawe ta tsa həga Yawe ya.

2Rus 7:3

Ka nghə inda la Israʼila ta saha vu nda glakwa Yawe ta tsa həga Lazglafta ya. Ka tsəlɓatá həŋ ta daɓi, ka dzadzatá kuma ta haɗik, ka tsəlɓu həŋ ta tsəlɓu, ka zləzləva Yawe, ka həŋ mantsa: « Ŋərma ya, ta gɗava gɗa zɗakwa ni ŋa ɗekɗek! » ka həŋ.

2Rus 7:6

Ka sladatá gwal dra skwi ŋa Lazglafta ma vla maga slna taŋ, mantsa ya la Levi nda huzla skalu ŋa Yawe, ya si mamagaf mgham Dawuda ŋa zləzləva Yawe, ka həŋ mantsa: « Ta gɗava gɗa zɗakwa ni ŋa ɗekɗek, » ka həŋ. Taɓ ta laha ya vlaŋ Dawuda ta həŋ, ka viy gwal dra skwi ŋa Lazglafta ta talakwa ta kəma taŋ, ta sladu la Israʼila demdem hada.

Izra 3:11

Wya ka həŋ ta fa tsa laha zləzləvu ya. Faha ya faha ya nda vlaŋtá glaku ta Yawe: « Ŋərma mndu na Yawe, ŋa ɗekɗek ta nzakwa zɗakwa ni ŋa la Israʼila, » ka həŋ. Ka hlə inda mnduha ta wi nda lili nda lili, ka fa laha, ka zləzləva Yawe, kabga ta thay thay lu ta tughwa həga Yawe.

Nəhemiya 12:27

Ma fitika skala rfa batá matsaka Ursalima ná, ka ghwanaftá lu ta mnduha hagagaghatá da Ursalima ta inda la Levi ma inda vli nza həŋ, ŋa skala rfu, nda laha zləzləvuha, nda ndeŋndeŋha, nda htimbilha, nda kəzliŋkəzliŋ.

Sabi 29:43

Hada dzaʼa guyakwa yu nda la Israʼila. Dzaʼa fa fa glakwa ɗa ta tsa vli ya ka ŋa ɗa.

Slna gwal ghunay 4:32

Inda tsa gwal zlghay nda ŋuɗuf ya, ka skwa turtuk ŋuɗufa taŋ, ka skwa turtuk ndana taŋ guli. Haɗ mndu ya ta mnay kazlay: Ŋa ɗa yeya kəʼa wa. Tuts ka skwa turtuk skwa taŋ.

La Ruma 15:6

Mantsa ya, ŋa zləzlvay ghuni nda ŋuɗuf turtuk, nda lwi turtuk guli, ta Lazglafta Da ni ma Mghama mu Yesu Kristi.

Suna Yuhwana 15:8

Ka ndəghanaftá ɗiŋ ta sabi ma glakwa Lazglafta nda ya ma mbrakwa ni ta tsa həga Lazglafta ya. Haɗ tvi ŋa ləglama mndu da tsa həga Lazglafta ya, ha ka dzatá ghəŋa tsa ghuya ɗaŋwaha ndəfáŋ da tsa duhwalha Lazglafta ya wa.