2Rus 34:3 - Hdi

³ Ta matghasa vakwa ni ta gá mgham, ma nzakwa ni ta ka zwaŋ, ka zlraftá tsi ta zba Lazglafta dzidza ni Dawuda. Ta maghwaŋpəɗ hisa vakwa ni, ka zlraftá tsi ta tsaɗiŋtá haɗika Yuda nda luwa Ursalima nda ma hliŋtá vliha tskal tsəkala nda skwa wuyayha Asera, nda tsatsatá skwa wuyayha, nda skwa wuyayha ka kfur nwap lu nda nwa.

2Rus 34:3 ပူးပေါင်းရင်းမြစ်များ

1Mgh 13:2

Ka klaŋtá tsi ta lwi ta ghəŋa gwir, ka mna gwaɗa ya mnanaf Yawe, kaʼa mantsa: « Gwir! Gwir! Wya skwi mna Yawe: Dzaʼa yaya lu ta zwaŋ ma həga ga la Dawuda. Yusiya dzaʼa nzakwa hga ni. Dzaʼa vlaf vla ta kagha ka skwa pla ghəŋ ta gwal dra skwi ŋa lazglaftaha ta vliha tskal tskala, ta dra urdi ŋa dray nda dra ta kagha. Dzaʼa draf dra lu ta kagha ta ghudzifha mnda səla, » kaʼa.

2Mgh 10:27

Ka dzaɓanaptá həŋ ta tsa pala dzugwa lu ya, ka pəsliŋtá həŋ ta tsa həga Baghal ya, ka niŋta ka dra ha gita.

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

2Mgh 20:5

« Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

2Mgh 23:14

Ka ɓalanaptá tsi ta tsatsatá skwiha dgum dguma, ɗaɗatsiŋha ta skwiha wuyay Asera, ka ndaghanaftá tsi ta tsa vli si nza tsi ya nda ghudzifa mnduha.

2Mgh 23:4

Ka mnanaftá mgham Yusiya ta Hilkiya, mali ta ghəŋa gwal dra skwi ŋa Lazglafta, nda gwal dra skwi ŋa Lazglafta ka sagəŋ mista ni, nda gwal ta ngha wi tgha tva lami da həga Yawe, ŋa hligiŋta taŋ ta inda huzla maganaf lu ta Baghal, nda ya ŋa skwa wuyay Asera, nda ya ŋa inda skwiha ta luwa. Ka driŋtá tsi ta hula Ursalima ma vwahha ta vata vli ma lika Kidruŋ, ka faɗaftá tsi ta hutiɗifa ni ka hlaghata da Betel.

1Rus 22:5

Ka Dawuda ma ghəŋa ni mantsa: « Ta ka galaɓay zwaŋa ɗa Salumuŋ, ka mbaway, tsaw na həga dzaʼa lu banaftá Yawe na ná, həga ŋa laghwa hga ni da zərwa ya, dzaʼa mamu sgita ni ta inda haɗikha. Tsaya dzaʼa kəl yu ka papayaftá skwiha, » kaʼa. Mantsa tama, ma kɗaku Dawuda ka mtutá, ka papayaftá tsi ta skwiha nda ndəgha.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

1Rus 29:1

Ka mgham Dawuda nda inda guyatá ghəŋ mantsa: « Nana zwaŋa ɗa Salumuŋ, kɗakwa ya zbap Lazglafta na ná, ta ka galaɓay, ta ka mbaway, dagala slna ŋa magay guli, kabga na həga gá mgham na ná, ŋa mnda səla a wu, ama ŋa Yawe, Lazglafta ya.

2Rus 14:6

Ka Asa nda la Yuda mantsa: « Babafma baba ta na luwaha na, ka ŋaŋamta mu ma matsaka huzlu, nda həgaha nda slara nda slara, nda parawalha nda kra wa tghaha taŋ. Ta ka ŋa mu na luwa na, kabga zbaŋ zba mu ta ndana Yawe, Lazglafta mu. Zbaŋ zba mu, ka vlamatá tsi ta mbiʼa vgha dər ndiga ndiga, » kaʼa. Ka zlraftá həŋ ta bay, ka katsaftá həŋ.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 30:14

Ka sliʼaftá həŋ dzadzaɓiŋtá gwirha ya si ta vlə lu ta pla ghəŋ ta həŋ ma Ursalima, ka dzaɓiŋtá həŋ ta inda gwirha si ta drə lu ta urdiha ŋa dray nda dra ta həŋ, ka pghidiŋta da lika Kidruŋ.

2Rus 33:15

Ka hliŋtá tsi ta tsa lazglaftaha mayəmha nda fwata skwa wuyay ya si dzugwa tsi ma həga Yawe ya, mantsa ya inda gwirha si babaf tsi ta ghwá həga Yawe, nda ya ma Ursalima, ka waɗidiŋta ta hula luwa.

2Rus 33:17

Ka kɗaŋtá mnduha ta pla ghəŋ ta vliha tskal tskala, ama ŋa Yawe, Lazglafta taŋ kweŋkweŋ.

2Rus 33:22

Ka mag tsi ta ghwaɗaka skwi ta wa ira Yawe manda ŋa da ni Mənase. Ka vlə tsi ta skwa pla ghəŋ ŋa tsatsatá skwa wuyayha da ni, ka maga slna ŋa taŋ.

2Rus 34:33

Ka hliŋtá Yusiya ta inda manzakɗaway ta inda kwakwara la Israʼila. Ka mblaftá tsi ta inda gwal ma Israʼila ŋa maga slna ŋa Yawe, Lazglafta taŋ. Ma inda nzakwa ni, mbəɗana a həŋ ta hul ta Yawe, Lazglafta dzidzíha taŋ wa.

Sabi 34:13

Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

La Levi 26:30

Dzaʼa zaɗana zaɗa yu ta inda vla wuya skwa ghuni tskal tskala. Dzaʼa dzaɓiŋ dzaɓa yu ta gwirha urda ghuni. Dzaʼa babana baba yu ta mbliha ghuni ta skwa wuyayha ghuni kul haɗ hafu ma həŋ. Dzaʼa mbiɗay yu ta kaghuni.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

2Tim 3:15

Daga ma ga zwaŋa gha, nda sna ka ta skwi ma vindatá gwaɗa nda ghuɓa ta nzakway ka gwaɗa Lazglafta. Dzaʼa vlagha vla ta ɗifil ta kla mndu da mbaku nda ma zlghaftá Yesu nda ŋuɗuf.