2Rus 32:5 - Hdi

⁵ Ka draftá Hizkiya ta ŋuɗuf, ka bəglaftá tsi ta matsaka huzlu nda mebeŋha tida, ka babagatá tsi tida ta həgaha nda slara nda slara, ka baftá tsi ta sana matsak tahula tsaya guli nda mabli. Ka payanatá tsi ta ghərzla ta hgə lu ka Milu ma luwa Dawuda. Ka mamagaftá tsi ta huzla vulu nda ndəgha, nda zalamha.

2Rus 32:5 ပူးပေါင်းရင်းမြစ်များ

2Sam 5:9

Ka nzamtá Dawuda ma tsa vli ŋam lu ma matsaka huzlu ya, ka tsanaftá tsi ta hgu ka luwa Dawuda. Ka bəglaftá tsi ta tsa luwa ya ka wanafta, zlrafta ta ghərzla ta hgə lu ka Milu dikw nda ma huɗi.

1Mgh 11:27

Wya kəʼa magaku kəl tsi ka sliʼavafta ta ghəŋa mgham: Ta dzay dzay Salumuŋ ta ghərzla ta hgə lu ka Milu, ta nuʼa ghurum ta matsaka luwa Dawuda, da ni.

1Mgh 9:24

Ka sliʼaftá makwa Firʼawna ma luwa Dawuda ka lafi da həga ni, ya banaf Salumuŋ ya. Tahula tsa dzafta tsi ta ghərzla ta hgə lu ka Milu ya.

2Mgh 12:20

Pɗakwa slnaha Yuʼas, nda inda skwiha maga tsi, vivindam vivinda lu ma ɗelewera vinda slnaha mghamha la Yuda.

2Mgh 25:4

Ka zlraptá lu ta ghurum ma matsaka luwa. Ka hwayaghutá inda gwal vulu girviɗik nda ta wa tgha ma takataka matsakha his ta vata gavaka mgham dər má wanaf wa la Babila ta luwa. Ka ksaghatá mgham Tsidkiya nda sludziha ni ta tvi nda ma daɓa Gharava.

2Rus 12:1

Dihanata Rəhavgham ta gá mghama ni, ka mutsaftá mbraku ná, ka zlanavatá tsi kawadaga nda la Israʼila demdem ta zlaha Yawe.

2Rus 23:1

Ta mandəfáŋa vaku, ka draftá Yəhuyada ta ŋuɗuf, ka dzraftá tsi ta wi nda maliha ta ghəŋa bakwa gwal vulu dərmək dərmək (100): I Ghazaryahu zwaŋa Yəruham, nda Yismaghel zwaŋa Yəhuhanaŋ, nda Ghazaryahu zwaŋa Ghuvet, nda Maghaseya zwaŋa Ghadayahu, nda Ilisafat zwaŋa Zihri.

2Rus 25:23

Ka ksutá Yuʼas, mghama la Israʼila ta Amatsiya, zwaŋa Yuʼas, zigha Ahaziya, mghama la Yuda ma Betʼsemes ka vuʼa, ka klaghata da Ursalima. Ka kuhwaptá matsaka Ursalima ka mitər his dərmək (200), daga ta wa tgha Ifrayim ha ta wa tgha Tuldi.

2Rus 26:8

Ka plə la Ghamuŋ ta dzumna ŋa Ghuziya, ka laghu hga ni da zərwa ha ta mukuma nda Masar, kabga mbrumbra katakata.

2Rus 33:14

Tahula tsa, ka baftá tsi ta matsak ta hula luwa Dawuda, nda təv dɗakwa fitik, təv Gihuŋ ma didiŋa ka lab dikw ta wa tgha Klipi. Ka wanaftá tsi ta ghərzla Ghufel, ka slriŋtá tsi. Ka pghatá tsi ta maliha gwal vulu ma inda luwaha la Yuda nda matsaka huzlu.

Gwal tsa guma 9:6

Ka tskavatá inda maliha la Səkem, nda inda maliha la Betʼmilu, mista halalaya fu ta vata pala dzugwa lu ma Səkem. Ka famtá həŋ ta Avimelek ka mgham.