2Rus 30:8 - Hdi

⁸ Ma təŋanaf kuni ta ghəŋ manda ŋa dadaha ghuni! Vlaŋwa vla ta ghəŋa ghuni ta Yawe, vragaghawa vra da vla ni nda ghuɓa, vli ya faghu tsi ŋa ɗekɗek. Maganawa maga ta slna ta Yawe, Lazglafta ghuni, ŋa mbəɗaghuta gufatá ŋuɗufa ni katakata ta vgha nda kaghuni.

2Rus 30:8 ပူးပေါင်းရင်းမြစ်များ

2Mgh 23:26

Nziya nza tsi, zlana a Yawe ta gufatá ŋuɗufa ni katakata wa. Gufu gufa ŋuɗufa ni katakata ta ghəŋa la Yuda, dabga inda skwiha maga Mənase ta ganaftá ɓasa ŋuɗuf.

1Rus 29:24

Ka haniŋtá inda maliha, nda gwal ka bikwira vulu, nduk nda inda zwana mgham Dawuda ta ghəŋ mista mgham Salumuŋ.

2Rus 28:11

Ndanana, fihawa fa ta sləməŋ, zlazliŋwa tsa zwana ma ghuni hlagagha kuni ka vuʼa ya, kabga nda gufa ŋuɗufa Yawe katakata ta ghəŋa kaghuni, » kaʼa.

2Rus 28:13

Ka həŋ nda həŋ mantsa: « Haɗ kuni dzaʼa hlagamtá na vuʼaha na da hadna wu, kabga dzaʼa nzakway ka sgəglamaghatá dmaku ta kəma Yawe. Dmaku ta kum kuni ta sganaghata ta ghəŋa krughuviha mu! Nziya nza tsi, nda ghada ksuta dmaku ta amu, nda gufa ŋuɗufa ni katakata ta ghəŋa la Israʼila, » kaʼa.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

2Rus 36:13

Ka ganavatá tsi guli ta sidi ta mgham Nevuhadnetsar ta famta da waɗanatá waɗu nda hga Lazglafta. Ka ghwalaftá tsi ta ghəŋ ka təŋanafta, ka zlanatá vrakta da Yawe, Lazglafta la Israʼila.

2Rus 6:5

“Daga baɗ hlagapta ɗa ma haɗika Masar ta mnduha ɗa, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu. Haɗ mndu zbap yu ŋa nzakway ka mgham ta ghəŋa mnduha ɗa la Israʼila wu,

2Rus 6:6

ama zbap zba yu ta Ursalima ŋa nzakwa hga ɗa, zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

2Rus 7:16

Ndanana, zbap zba yu, faghu fa yu ta tsa həga ya ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

Izra 10:14

Ka aŋni nda ŋa ŋni ná, ka nza nza gwal dagala dagala mataba ŋni ŋa maga na slna na ma vla inda mnduha, ka sliʼakta inda gwal ma luwaha mu ta hlaftá ŋa miʼa taŋ kwagha na haɗik na, ta kəma taŋ ma fitik ya dzaʼa tsanafta lu ta həŋ. Ka sagha həŋ kawadaga nda la galata mnduha taŋ, nda gwal tsa guma ma luwaha taŋ tani. Ka maga mu ta tsa slna ya, kada lɓata gatá sida Lazglafta ta ghəŋa gwaɗa ta na skwi na. »

Izra 10:19

Ka kurata həŋ ta ghazliŋtá tsa miʼa taŋ ya, ka valatá həŋ ta maŋazak ŋa pla ghəŋ ŋa mutsa platá dmakwa taŋ da Lazglafta.

Sabi 32:9

Ka Yawe nda Musa mantsa: « Ta nghə yu ta na mnduha na ná, mnduha təŋ təŋa ghəŋa taŋ ya.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Yuhwana 12:26

Ka ta kumay mndu ta magihatá slna ná, ka sawi tsi mista ɗa, ma tsa vli dzaʼa nzata iʼi ya, hada dzaʼa nzata tsa mndu ta magihatá slna ɗa ya guli. Ka ta magiha maga mndu ta slna, dzaʼa ŋlanaf ŋla Da ɗa ta tsa mndu ya, » kaʼa nda həŋ.

La Ruma 10:21

Tsaw kaʼa mnata ta ghəŋa la Israʼila guli na: « Pgha pgha yu ta dzva ɗa ŋa tsuʼa gwal kwisa ghəŋa taŋ, sna a həŋ ta gwaɗa da mndu ya wu, » kaʼa.

La Ruma 6:22

Ndana tama guli ná, pligighunispla lu ma dmaku ka nutá kuni ka kwalva Lazglafta ka mutsaftá kuni ta nzata nda ghuɓa ma nzakwa ghuni, ŋa mutsay ghuni ta hafu ŋa kɗekedzeŋ ma kɗavakta ni.

Vrafta ta zlahu 10:16

Tsaya tama, tsawa tsa ta fafaɗa ŋuɗufa ghuni dardar ka ŋa Yawe, Lazglafta ghuni, ka zlanata kuni ta təŋa ghəŋ.

Vrafta ta zlahu 6:13

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, nda hga ni dzaʼa waɗa kuni ta waɗu.

Vrafta ta zlahu 6:17

Ka ŋanata kuni ɗina ta gwaɗaha ya mnaf Yawe, Lazglafta ghuni, nda zlahuha, nda tva skwiha ŋa magay ya mnaghunaf tsi ya.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.

Suna Yuhwana 7:15

Tsaya ta kəl həŋ ka sladu ta kəma dughurukwa Lazglafta, ka zləzlva tsa mndu ta nzaku ta dughuruk ya nda fitika ni tani nda rviɗika ni tani ma həga ni. Ŋa katay tsa mndu ta nzaku ta dughuruk ya ta həŋ.